Prashant Padole Accident : महाराष्ट्रात खासदाराच्या कारला ट्रकची जोरदार धडक, एअर बॅगच उघडली नाही, नशीब बलवत्तर म्हणून वाचले प्राण

महाराष्ट्रातील भंडाऱ्याचे काँग्रेस खासदार डॉ. प्रशांत पडोले कार अपघातात जखमी झाले आहेत. खासदार डॉ. प्रशांत पडोले आपल्या कारने नागपूर एअरपोर्टच्या दिशेने चालले असताना हा अपघात झाला. अपघातात काँग्रेस खासदारांसह त्यांचा ड्रायव्हर जखमी झाला आहे. दिल्लीत संसदेचं अधिवेशन सुरु आहे. त्यात सहभागी होण्यासाठी डॉ. प्रशांत पडोले चालले होते. सध्या डॉ. प्रशांत पडोले आणि त्यांच्या ड्रायव्हरला खासगी रुग्णालयात दाखल करण्यात आलं आहे. याआधी 2025 साली सुद्धा प्रशांत पडोले रस्ते अपघातात जखमी झाले होते. त्यावेळी सुद्धा सुदैवाने त्यांचे प्राण वाचले होते.

काँग्रेस खासदार डॉ. प्रशांत पडोले सोमवार सकाळी आपल्या कारने नागपूर एअरपोर्टच्या दिशेने निघाले होते. एअरपोर्ट मार्गावर असताना एका ट्रकने त्यांच्या कारला धडक दिली. त्यांनी आपल्या एक्स अकाऊंटवरुन या अपघाताची माहिती दिली. त्यांनी केंद्रीय मंत्री नितीन गडकरी यांना टॅग केलं. “खासदार सुरक्षित नाही, तिथे जनतेचं काय होणार?. आज दिल्लीला जायचं होतं. सकाळी भंडाऱ्यावरुन खासगी कार घेऊन नागपूर एअरपोर्टच्या दिशेने निघालो होतो. नागपूर जवळ असताना ट्रकने जोरदार धडक दिली. मला कुठे लागलं नाही. पण कारचं नुकसान झालं”

सांसद नहीं सुरक्षित. जनता का क्या होगा?

आज दिल्ली के लिए निकलना था, सुबह भंडारा से निजी कार से नागपूर एयरपोर्ट पर जाना था. नागपूर के करीब ट्रक वाले ने जोरदार टक्कर दी. कार क्षतिग्रस्त हुई पर मुझे कही लगा नहीं लेकिन कार का नुकसान हुआ. मा @nitin_gadkari कार कंपनी को सख्त pic.twitter.com/BXb0YkLMDL

— Dr Prashant Padole (@_Prashantpadole) March 30, 2026

दुचाकीची लिफ्ट घेऊन नागपूरला पोहोचले

खासदार डॉ. प्रशांत पडोले यांच्या कारमधील एअर बॅग उघडली नाही, त्यावरही प्रश्चचिन्ह उपस्थित केलं. त्यांनी एक्सवर नुकसानग्रस्त कारचा फोटो शेअर केला. अपघातानंतर एअरबॅग उघडली पाहिजे होती. पण माझ्यासोबत असं झालं नाही असं त्यांनी लिहिलय. किरकोळ दुखापत झाल्यानंतर खासदार प्रशांत पाडोले एका दुचाकीची लिफ्ट घेऊन नागपूरला पोहोचले. तिथे प्राथमिक उपचार घेतल्यानंतर नागपूर विमान तळावर पोहोचले आणि दिल्लीला रवाना झाले. विशेष म्हणजे याच मार्गावर यापूर्वीही दोनदा अपघात झाल्याने हा तिसरा प्रसंग ठरला आहे. वारंवार होणाऱ्या अशा घटनांमुळे घातपाताचा संशय व्यक्त केला जात असून, घटनेची सखोल चौकशी करून सत्य समोर आणण्याची मागणी होत आहे.

कोण आहेत डॉ. प्रशांत यादराव पडोले?

डॉ. प्रशांत यादराव पडोले हे महाराष्ट्रातील भंडारा-गोंदियामधील भारतीय राष्ट्रीय काँग्रेसचे सक्रिय सदस्य आहेत. 45 वर्षाच्या डॉ.पडोले यांनी कृषी आणि वैद्यकीय क्षेत्रात स्वत:ची ओळख बनवली आहे. त्यांनी 2002 साली युक्रेनच्या ओडेसा स्टेट युनिवर्सिटीमधून एमडीची (मेडिसिन) डिग्री प्राप्त केली. वर्तमानात यादवराव रुग्णालयात वैद्यकीय अधिकारी म्हणून कार्यरत आहेत. त्यांची पत्नी सुद्धा वैद्यकीय अधिकारी आहे. त्यांचं स्वत:हच हॉस्पिटल आहे.