उद्धव ठाकरेंच्या आवाहनाला दानशूरांचा भरभरुन प्रतिसाद, मुख्यमंत्री सहायता निधीत 197 कोटी जमा

मुख्यमंत्री उद्धव ठाकरे यांच्या आवाहनाला उत्तम प्रतिसाद मिळत असून गेल्या 24 दिवसांत 197 कोटी रुपये मुख्यमंत्री सहाय्यता निधीच्या स्वतंत्र बँक खात्यात जमा झाले आहेत.

उद्धव ठाकरेंच्या आवाहनाला दानशूरांचा भरभरुन प्रतिसाद, मुख्यमंत्री सहायता निधीत 197 कोटी जमा

मुंबई : मुख्यमंत्री उद्धव ठाकरे यांनी कोरोनाचा सामना (CM Relief Fund) करण्यासाठी मुख्यमंत्री सहाय्यता निधीच्या स्वतंत्र बँक खात्यात दानशूर व्यक्ती आणि संस्थानी आपले योगदान द्यावे, असे आवाहन केले होते. त्यांच्या या आवाहनाला उत्तम प्रतिसाद मिळत असून गेल्या 24 दिवसांत 197 कोटी रुपये या खात्यात जमा झाले आहेत. या सर्वांचे मुख्यमंत्र्यांनी आभार मानले आहेत (CM Relief Fund).

मुख्यमंत्री साहाय्यता निधीत आतापर्यंत 83 वेगवेगळ्या दानशूर व्यक्ती आणि संस्थांनी प्रत्येकी 25 लाखांपेक्षा जास्त रकमेची मदत केली आहे. तर गेल्या दोन दिवसात ग्राफाईट इंडिया, ज्योती लॅब्स, नवीन फ्लूराईन इंटरनॅशनल, जगन्नाथ शेट्टी फाउंडेशन, ब्लू क्रॉस लेबर यांनी प्रत्येकी एक कोटी रुपयांचा निधी जमा केला आहे.

याशिवाय चिमुकल्यांसह कित्येक व्यक्ती, संस्था, संघटना, उद्योजक, व्यावसायिक आदींनीही आपापल्यापरिने हातभार लावला आहे. त्यामुळेच निधीत आतापर्यंत 197 कोटी रुपये जमा झाले आहेत. मुख्यमंत्री उद्धव ठाकरे यांनी या सर्व दानशूरांचे आभार मानले आहेत.

मुख्यमंत्री सहाय्यता निधी

कोविड 19 विषाणुचा प्रादुर्भाव रोखण्यासाठी राज्य शासन काटेकोर उपाययोजना करत असून मुख्यमंत्री सहाय्यता निधी- कोविड-19 हे स्वतंत्र बँक खाते स्टेट बँक ऑफ इंडियामध्ये उघडण्यात आले आहे. त्याचा बचत खाते क्रमांक 39239591720 आहे.

सढळ हाताने मदत करा

उद्योजक, कंपन्यांचे प्रमुख, स्वंयसेवी संस्था,धार्मिक संस्था राज्य शासनाच्या बरोबरीने या युद्धात सहभागी होऊन मदत करू इच्छितात त्या सर्व संस्था आणि नागरिकांनी “मुख्यमंत्री सहाय्यता निधी- कोविड 19 या नावाने सुरु करण्यात आलेल्या खात्यात सढळ हाताने मदतीची रक्कम जमा करावी असे आवाहन मुख्यमंत्री उद्धव ठाकरे यांनी केले (Corona Virus CM Relief Fund) आहे.

20 मार्चपासून आतापर्यंत सीएसआर निधीतून (Corona Virus CM Relief Fund) तसेच देणगी स्वरुपात कोरोना आपत्ती व्यवस्थापनाकडे अनेक उद्योग आणि संस्थानी मदत देणे सुरु केले आहे.

इंडियन ह्यूम पाईप, रायचंद ट्रस्ट, वालचंद ट्रस्ट, इंडियन ऑइल, आयसीआयसीआय, बादल मित्तल ग्रुप, फ़ार्म इझी, महानगर गॅस, सिप्ला फॉउंडेशन, गोदरेज ग्रुप, जेएम फायनांशियल, मराठा चेंबर ऑफ़ कॉमर्स, सत्व कंसल्टिंग, पल्लवी चोक्सी, एम्एसईडीसीएल, इंडियन मर्चेंट्स चेंबर, बलदेव अरोरा ट्रस्ट, एशियन पेंट्स, हायकेल इंडिया या संस्थानी जवळपास 10 कोटींची उपकरण आणि वैद्यकीय साहित्य दिलं आहे. यात मास्कस, व्हेन्टीलेटर, पीपीई किट्स, आरटी- पीसीआर मशीन, मल्टी लोडर रेडिओग्राफी सिस्टिम, मोटराइज्ड बेड्स, फ्रीजर यांचा समावेश आहे.

 

कमेंट करा

कमेंट करा

Your email address will not be published. Required fields are marked *