मी थांबलेल्या ठिकाणी विराट कोहली आले अन्… एकनाथ शिंदे कोहलीच्या भेटीवर बोलले स्पष्ट, म्हणाले, आमच्या..
राज्याचे उपमुख्यमंत्री एकनाथ शिंदे लंडन दाैऱ्याहून राज्यात परतले आहेत. यावेळी लंडनमधील अनुभव सांगताना एकनाथ शिंदे दिसले. एकनाथ शिंदे यांनी हा सन्मान माझा नसून राज्यातील जनतेचा असल्याचे म्हटले. यासोबतच विराट कोहलीच्या भेटीवरही बोलताना ते दिसले.
लंडनवरून उपमुख्यमंत्री एकनाथ शिंदे मुंबईत परतले आहेत. एकनाथ शिंदे यांनी म्हटले की, अनेक लाडके भाऊ त्या ठिकाणी भेटले मराठी उद्योजक इंडस्ट्रियल इस्टेटचे मालक त्या ठिकाणी भेटले. अनेक लोक त्यांनी मला कार्यक्रमात भेटून सांगितलं की, त्या ठिकाणी ते स्थायिक झालेले आहेत. त्या ठिकाणी ते इतरांना रोजगार देतात आणि ही अभिमानाची गोष्ट आहे. हा फक्त माझा सन्मान नाहीये, महाराष्ट्रातल्या 12 कोटी जनतेचा हा गौरव आहे. कॉमनवेल्थ पब्लिक अवॉर्ड, स्टेटमेंट शिप अवॉर्ड, महाराष्ट्र ग्लोबल प्राइड अवॉर्ड हे सगळे पुरस्कार मी महाराष्ट्राच्या जनतेला समर्पित केलेले आहे हा सगळा त्यांचा गौरव आहे. ब्रिटिश पार्लमेंटमध्ये त्या वास्तूमध्ये महाराष्ट्राची बाजू ठेवण्याचं काम महाराष्ट्राचं विकास ब्रँडिंग करण्याचं काम त्या ठिकाणी मला मिळाले.
पुढे एकनाथ शिंदे यांनी म्हटले की, पंतप्रधान नरेंद्र मोदी यांनी आपल्या देशाला पुढे नेले आहे. त्यांनी अर्थव्यवस्था वाढली, मजबूत होत आहे, महाराष्ट्र पुढे जात आहे. महाराष्ट्र आणि अन्य देशाचे संबंध जास्त पुढे जात आहेत. त्यामुळे तिथे लोकांना मी महाराष्ट्रामध्ये इन्व्हेस्टमेंट करण्याचा अपील त्याठिकाणी केलेला आहे. मला खूप समाधान वाटले की, लोक मला तिथे भेटत होते.
जगाचा कानाकोपऱ्यात मराठी माणसं राहतात हे मला पाहायला मिळाले आणि डॉक्टर बाबासाहेब आंबेडकर यांच्या वास्तूला देखील मी त्या ठिकाणी भेट दिली. लंडनमधील आर्किटेक्चर, सुव्यवस्था, शिस्त, ट्राफिकची व्यवस्था हे सर्व अनुभवाला पाहायला मिळालं. अनेक मराठी लाडक्या बहिणी लाडके भाऊ भेटायला आले. महाराष्ट्राच्या वतीने माझा सन्मान केला.
विराट कोहली हे देखील लंडनमध्ये होते. मी थांबलेल्या ठिकाणी ते आले त्या ठिकाणी आमची सविस्तर चर्चा झाली झाली. खरोखरच आनंद झाला. महाराष्ट्राची संस्कृती आपल्याला जगाच्या पाठीवर बघायला मिळाली. मला त्या संस्कृतीमध्ये वडापाव हा जगात कुठेही मिळतो हे मला पाहायला मिळालं. लंडनमध्ये मराठी, मराठी माणसं महाराष्ट्र गीत हे देखील त्या ठिकाणी पाहायला मिळाले. टीका करणाऱ्यांवर मी आज काय बोलणार नाही, असेही शिंदेंनी म्हटले.
