भाजपच्या वेबसाईटवर रक्षा खडसेंबाबत घृणास्पद उल्लेख, गृहमंत्री अनिल देशमुखांकडून कारवाईचा इशारा

भाजपच्या वेबसाईटवर रक्षा खडसेंबाबत घृणास्पद उल्लेख, गृहमंत्री अनिल देशमुखांकडून कारवाईचा इशारा

भाजपच्या अधिकृत वेबसाईटवर भाजप खासदार रक्षा खडसे यांच्या नावापुढे संतापजनक आणि अपमानकारक शब्दात वर्णन करण्यात आल्याची माहिती गृहमंत्री अनिल देशमुख यांनी ट्विटरवर दिली आहे (Disgusting reference about Raksha Khadse on BJP official website).

चेतन पाटील

|

Jan 27, 2021 | 10:55 PM

मुंबई : भाजपच्या अधिकृत वेबसाईटवर भाजप खासदार रक्षा खडसे यांच्या नावापुढे संतापजनक आणि अपमानकारक शब्दात वर्णन करण्यात आल्याची माहिती गृहमंत्री अनिल देशमुख यांनी ट्विटरवर दिली आहे. पत्रकार स्वाती चतुर्वेदी यांनी ट्विटरवर याबाबतचा स्क्रिनशॉट शेअर केला आहे. स्वाती चतुर्वेदींचे ट्विट राज्याचे गृहमंत्री अनिल देशमुख यांनी रिट्विट करत भाजपकडे दोषींवर तत्काळ कारवाई करण्याची मागणी केली आहे. अन्यथा महाराष्ट्र सायबर सेल कारवाई करेल, असा इशारा अनिल देशमुखांनी दिला आहे (Disgusting reference about Raksha Khadse on BJP official website).

“भाजपच्या अधिकृत वेबसाइटवर महाराष्ट्रातील भाजपा खासदार रक्षा खडसे यांचे असे अपमानजनक वर्णन पाहून मला धक्का बसला आहे. अशा प्रकारे महिलांचा अवमान करणाऱ्यांची महाराष्ट्र सरकार गय करणार नाही. भाजपने दोषींवर तत्काळ कार्यवाही करावी. अन्यथा महाराष्ट्र सायबर सेल पुढील कारवाई करेल”, असं अनिल देशमुख ट्विटरवर म्हणाले आहेत (Disgusting reference about Raksha Khadse on BJP official website).

रक्षा खडसेंबाबत खरंच अपमानास्पद शब्द?

दरम्यान, भाजपच्या अधिकृत वेबसाईटवर रक्षा खडसे यांच्याबाबत अजूनही असा काही उल्लेख आहे का? याची शाहनिशा करण्यासाठी आम्ही याबाबत पडताळणी केली. मात्र, भाजपच्या अधिकृत वेबसाईटवर आम्हाला तसा काही उल्लेख आढळला नाही. कदाचित स्क्रिनशॉट व्हायरल झाल्यानंतर बदल करण्यात आल्याची शक्यता आहे किंवा दुसरं काही कारण असण्याची शक्यता आहे.

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें