भोंदूबाबा अशोक खरात अघोरी पूजेसाठी काय करायचा? खळबळजनक माहिती समोर

Ashok Kharat : भोंदूबाबा अशोक खरात याच्या अपराधांची मालिका वाढतच आहे. अनेक महिला आणि उद्योजकांनी भोंदूबाबा विरोधात तक्रार दाखल केल्यानंतर, त्याच्यावर आणिखी एक मोठी कारवाई होणार आहे. अघोरी पूजा करण्यासाठी भोंदूबाबा काय करायचा याबद्दल मोठी माहिती समोर आली आहे. समोर आलेल्या माहितीनुसार, भोंदूबाबा अशोक खरात प्रकरणी वन्यजीव संरक्षण कायदा अंतर्गत वन विभाग देखील कारवाई करणार असल्याची माहिती समोर येत आहे.

अशोक खरात याच्या काळ्या कृत्यांची चौकशी करण्याची जबाबदारी एसआयटीकडे सोपावण्यात आली असून वनविभागाने देखील एसआयटीला संबंधित प्रकरणी पत्र दिलं आहे. भोंदूबाबा अशोक खरात याने काही प्राण्यांची शिकार करत अघोरी पूजेसाठी वापर केल्याचा संशय वनविभागाकडून व्यक्त करण्यात आला आहे.

वनविभागाचे उपवन संरक्षक यांनी नाशिक पोलीस आयुक्तांना लेखी पत्र दिलं आहे. पत्रात एसआयटी चौकशी सुरू असताना याप्रकरणी वन्यजीव संरक्षण कायद्यान्वये कारवाई करण्यासंदर्भात काही निष्पन्न झाल्यास तपास आणि कारवाईचे अधिकार असल्याचं नमूद करण्यात आलं आहे.

वन्यजीवांबद्दल कारवाई करणं आवश्यक आहे… त्यामुळे वनविभागा मार्फत आवश्यक कायदेशीर कारवाई करण्यात येईल असे पत्राद्वारे स्पष्ट केलं आहे. आता अशोक खरात प्रकरणी पुढे काय होणार याकडे सर्वांचं लक्ष लागलं आहे. लिंगपिसाट अशोक खरातच्या काळा कारनाम्यांचे जवळपास 56 व्हिडीओ समोर आले. तसेच त्याच्याविरोधात 11 तक्रारी दाखल झाल्याची माहिती समोर आली आहे.

सांगयचं झालं तर, भोंदूबाबा अशोक खरात याचे काळे सत्य समोर आल्यानंतर 17 मार्च रोजी खरात याच्याविरोधात तक्रार दाखल करण्यात आली आण 18 मार्च रोजी पहाटेच पोलिसांना त्याला अटक केली. त्यानंतर 1 तारखेपर्यंत पोलीस कोठडीत ठेवण्यात येणार आहे. पण आजही SIT च्या चौकशीत अशोक खरात सहकार्य करत नसल्याची माहिती समोर येत आहे. सलग 13 व्या दिवशी देखील खरातची चौकशी सुरू आहे. गेल्या 3 तासांपासून खरातवर प्रश्नांची सरबत्ती सुरू आहे. सध्या समोर येत असलेल्या माहितीनुसार, SIT ला दोन मोबाईलचा डेटा फॉरेन्सिक टीमकडून क्लोन करून मिळाला आहे. याप्रकरणी पोलीस कसून चौकशी करत आहेत.