IMD Weather Alert : महाराष्ट्रावर गारपीटचे संकट, तब्बल 22 जिल्ह्यांमध्ये हाय अलर्ट, घरातून बाहेर पडणे टाळा..

गेल्या काही दिवसांपासून हवामानात सतत मोठे बदल होताना दिसत आहेत. त्यामध्येच भारतीय हवामान विभागाकडून अत्यंत मोठा इशारा देण्यात आला. राज्यात पावसाचा येलो अलर्ट जारी करण्यात आला. ऐन मार्च महिन्यात राज्यात पाऊस सुरू आहे. राज्यातील अनेक भागात काल पावसाने हजेरी लावली. मोठ्या प्रमाणात गारपीट झाली. आजही पावसाचा अलर्ट जारी करण्यात आला. मागील काही महिन्यापासून पाऊस सतत पडत आहे. यामुळे शेती पिकांचे नुकसान होताना दिसत आहे. आज राज्यात तापमानात चढउतार बघायला मिळेल. विदर्भ, मराठवाडा आणि मध्य महाराष्ट्रात पाऊस होण्याची यंदाज आहे. 20 मार्च 2026 पर्यंत राज्यात पावसाचा इशारा देण्यात आला. फक्त राज्यातच नाही तर देशातील अनेक भागात पाऊस कोसळताना दिसत आहे. आज राज्यातील काही भागात गारपिटीचीही शक्यता वर्तवण्यात आली. पावसासाठी पोषक वातावरण निर्माण झाले.

सांगली, सातारा, पुणे, अहिल्यानगर, रत्नागिरी, रायगड, सोलापूर, सांगली, कोल्हापूर, परभणी, लातूर, धाराशिव, बीड, नांदेड, हिगोली, नागपूर, वर्धा, यवतमाळ, गोदिंया, भंडारा, गडचिरोली आणि चंद्रपूर येथे 40 ते 50 किलोमीटर वेगाने वारे वाहतील आणि मेघगर्जनेसह पाऊस होईल. यावेळी विजांचा कडकडाट मोठ्या प्रमाणात बघायला मिळेल. या जिल्ह्यांमध्ये भारतीय हवामान विभागाने पावसाचा येलो अलर्ट जारी केला.

काल झालेल्या पावसाने अनेक भागात मोठी गारपीट झाली असून शेतकऱ्यांचे मोठे नुकसान झाले. सांगली शहरासह मिरज तालुक्यात गारपीट. शहरात वादळी वाऱ्यासह तुफानी गारपीट. मिरज पूर्व भागामध्ये ही वादळी वाऱ्यासह गारपीट झाली. बेडग व आरग सह परिसरात गारांचा तुफानी पाऊस विजांच्या कडकडाटा सह वादळी वारा व गारपीट. सांगली जिल्ह्यात दोन दिवस वादळी वाऱ्यासह पावसाचा हवामान विभागाने अंदाज दिला आहे.

हिंगोली जिल्ह्यात विविध ठिकाणी मध्य रात्री वादळी वाऱ्यासह अवकाळी पाऊस. अचानक आलेल्या अवकाळी पावसामुळे हळद ,गहू उत्पादकांची उडाली धांदल. अचानक आलेल्या वादळी वाऱ्यासह अवकाळी पावामुळे शेतकरी चिंतेत.अक्कलकोट तालुक्यात अवकाळी पावसासह गारपीट झाली. अक्कलकोट शहरासह तालुक्यात जोरदार पावसाची हजेरी. अक्कलकोट तालुक्यातील सांगवी बु. घोळसगाव, बोरगाव दे गावातील शेतीला गारपीटी फटका बसण्याची शक्यता. तालुक्यातील गहू, ज्वारी आणि द्राक्ष पिकांना गारपीट आणि अवकाळी पावसाचा धोका. जिल्ह्यात तीन दिवस अवकाळी पावसाचा हवामान खात्याचा इशारा.