उन्हाचा चटका होणार अधिक तीव्र, हवामान विभागाचा मोठा इशारा, पुढील..

गेल्या काही दिवसांपासून हवामानात बदल होताना दिसत आहेत. कधी थंडी तर कधी उकाडा अशी स्थिती आहे. मागील आठवड्यात राज्यात जोरदार अवकाळी पाऊस झाला. मात्र, त्यानंतर आता पुन्हा उकाडा वाढल्याचे बघायला मिळतंय. नुकताच भारतीय हवामान विभागाने मोठा इशारा दिला. अवकाळी पावसामुळे झालेल्या नुकसानीची भरपाई सरकारने करून द्यावी, याकरिता शेतकऱ्यांकडून मागणी केली जात आहे. भारतीय हवामान विभागाच्या अंदाजानुसार, आज राज्यातील हवामानात चढउतार बघायला मिळेल. आज उकाडा वाढणार आहे. फेब्रुवारी महिन्यात अगोदर पाऊस पडताना दिसला आणि त्यानंतर उकाडा. कोकणात दमट हवामान राहण्याचा इशारा भारतीय हवामान विभागाने दिला. यंदा राज्यात फक्त डिसेंबर महिन्यात म्हणावी तशी थंडी बघायला मिळाली. 1 जानेवारी 2026 रोजी झालेल्या पावसानंतर राज्यातील थंडी गायब झाली. आता उत्तरेकडेही थंडी कमी होताना दिसतंय.

निफाड येथे राज्यातील नीचांकी तापमानाची नोंद झाली. निफाडमध्ये 11.7 अंश सेल्सिअस तापमान नोंदवले गेले. अमरावती येथे राज्यातील उच्चांकी तापमानाची नोंद झाली. अमरावती येथे 36.8 अंश सेल्सिअस तापमान नोंदवले गेले. राज्यातील सर्वच भागात आज उकाडा वाढताना दिसेल. कोकणात दमट आणि उष्ण वातावरण राहण्याची शक्यता आहे.

मार्च महिन्यात बहुतांश भागांमध्ये तापमानात लक्षणीय वाढ होण्याचा अंदाज. राज्यात फेब्रुवारी संपताच उन्हाची तीव्रता वाढू लागली असून मार्च महिन्याच्या पहिल्याच दिवशी हवामान खात्याने मोठा अलर्ट जारी केला होता. राज्यातील बहुतांश भागांमध्ये तापमानात लक्षणीय वाढ होण्याचा अंदाज वर्तवण्यात आला आहे.

येत्या काही दिवसांत कोरडे आणि निरभ्र हवामान राहणार असून, सामान्य नागरिकांना उन्हाचा अधिक त्रास जाणवण्याची शक्यता व्यक्त करण्यात येत आहे. आता मार्च महिन्याला सुरूवात झाली. मार्च महिन्यात थंडी आणि पाऊस दोन्ही गायब होणार असून उष्णता अधिक वाढेल, असा अंदाज आहे. भारतीय हवामान विभागाच्या अंदाजानुसार, पुढील काही दिवस तापमानात चढउतार असेल. यंदाही उन्हाळा अधिक तीव्र असण्याचा अंदाज वर्तवण्यात आला आहे.