वकिलाचे महिला सहकाऱ्यांसोबत नको ते कांड, बिंग फुटताच… महिला वकिलांकडून बेदम मारहाण

गेल्या काही काळापासून मोबाईचा गैरवापर वाढला आहे. अनेक लोकांचा डेटा चोरी होत असल्याचे समोर आले आहे. याचा अनेकदा गैरवापरही केला जातो. अशातच आता कल्याण कोर्टातून धक्कादायक बातमी समोर आली आहे. एका वकिलाने आपल्या महिला सहकाऱ्यांचे फोटो आणि डेटा चोरल्याचे समोर आले आहे. आयफोन मधील एअर ड्रॉप या ॲपद्वारे वकिलाने ही चोरी केल्याचे समोर आले आहे. गेल्या काही काळापासून वकील महेश जाधव यांच्याकडून हा प्रकार सुरू होता. आज एका महिला वकिलाने त्याला रंगेहात पकडले आणि चोपल्याचे समोर आले आहे. यामुळे कल्याण कोर्टाच्या परिसरात मोठा राडा झाला. याबाबत सविस्तर माहिती जाणून घेऊयात.

10-15 महिला वकिलाचा डेटा चोरला

समोर आलेल्या माहितीनुसार, महेश जाधव या वकिलाने आयफोनमधील एअरड्रॉप द्वारे सहकारी महिला वकिलांचे फोटो आणि त्यांचा डेटा चोरला. एक दोन नव्हे तर तब्बल 10 ते 15 महिला वकिलांच्या मोबाईलमधून त्यांचे वैयक्तिक फोटो आणि डेटा आपल्या फोनमध्ये ट्रान्सफर केले. मात्र काही दिवसांपूर्वी हा प्रकार समोर आल्यानंतर महिला वकील संतापल्या आणि त्यांनी या वकिलाचा शोध सुरू केला.

आज वकील महेश जाधव कल्याण कोर्ट परिसरात आला असता त्याला काही महिला वकिलांनी पकडले आणि सर्वांसमोर चोप दिला. गर्दीच्या वेळी घडलेल्या या घटनेमुळे कोर्टाच्या परिसरात तणावाचे वातावरण निर्माण झाले होते. वकिलाला चोपल्यानंतर महिला वकिलांनी महेश जाधव याला महात्मा पोलीस स्टेशनमध्ये घेऊन गेल्याच समोर आले आहे. त्यानंतर त्याला पोलिसांनी ताब्यात घेतले आहे.

पोलिसांकडून डेटा चोरला

दरम्यान, सध्या पोलिसांकडून महेश जाधव याने या फोटोंचा आणि डेटाचा नेमका काय गैरवापर केला याची चौकशी सुरू आहे. तसेच महेश जाधवने हा डेटा नेमका का चोरला होता? याआधीही अशा प्रकारचा डेटा चोरण्याचा प्रकार झाला आहे का? याही प्रश्नांनी उत्तरे पोलिसांकडून शोधण्याचा प्रयत्न सुरू आहेत. या प्रकरणाचा तपास झाल्यानंतर आरोपीवर कठोर कारवाई केली जाण्याची शक्यता आहे.