कुठे किती कॉपी केसेस, किती शिक्षकांवर घरी बसण्याची वेळ? आकडेवारी हैराण करणारी

Maharashtra Board 10th Result 2026 Declared : महाराष्ट्र राज्य माध्यमिक आणि उच्च माध्यमिक शिक्षण मंडळातर्फे घेण्यात आलेल्या दहावीच्या परीक्षाचा निकाल शुक्रवारी जाहीर झाला. पुणे, मुंबई, छत्रपती संभाजीनगर, नाशिक, कोल्हापूर, अमरावती, लातूर, नागपूर आणि रत्नागिरी या विभागातून लाखो विद्यार्थांनी परीक्षा दिला. पण परीक्षांदरम्यान अनेक गैरप्रकार देखील उघडकीस आले आणि याचा फटका अनेक कर्मचाऱ्यांना बसला आहे. मिळालेल्या माहितीनुसार, राज्यात चार ठिकाणी एफआयआर दाखल झाले आहे.

विद्येचं माहेर घर असलेल्या पुण्यात 3 एफआयआर दाखल झालेत, तर, लातून येथे 1 एफआयआर दाखल झाला आहे. याप्रकरणी पाच कर्मचाऱ्यांना निलंबित करण्यात आलं आहे. छत्रपती संभाजी नगर येथून एक, कोल्हापूर येथून २ आणि लातूर येथील देखील २ कर्मचाऱ्यांना निलंबित केल्यामुळे त्यांच्यावर घरी बसण्याची वेळ आहे.

तर गैरप्रकार घडल्याची संख्या फार मोठी आहे. 402 गैरप्रकरणं नोंदवण्यात आली आहेत. पुणे ४२, नागपूर ४६ , छत्रपती संभाजी नगर ७१, मुंबई ४४ , कोल्हापूर ४, अमरावती ६७, नाशिक ८२ आणि लातूर ४२ अशी संख्या समोर आली आहे.

दहावीच्या निकालांबद्दल सांगायचं झालं तर, १६ लाख १६४ विद्यार्थ्यांनी परीक्षा दिली. त्यामध्ये १४ लाख ५२ हजार २४६ विद्यार्थी उत्तीर्ण झाले आहेत. राज्याचा एकूण निकाल ९२.०९ टक्के लागला आहे. सर्वात आनंदाची गोष्ट म्हणजे यंदाच्या वर्षी देखील मुलींनी बाजी मारली आहे. तर मुलांच्या तुलनेत मुलींचा निकाल ५.४० टक्क्यांनी अधिक लागला आहे. ९४.९६ टक्के मुली पास झाल्या आहेत.

१०० टक्के निकाल लागलेले विद्यार्थी

मिळालेल्या माहितीनुसार १७९ विद्यार्थ्यांचा निकाल 100 टक्के लागला आहे. पुण्यात १२ विद्यार्थी 100 टक्क्यांनी पास झाल्या आहेत. नागपूर ३, संभाजीनगर २४, मुंबई ५, कोल्हापूर १५, अमरावती ३, नाशिक ६, लातूर १०४, कोकण मध्ये ७ विद्यार्थी 100 टक्क्यांनी पास झाले आहेत.

टेलिमानस हेल्पलाईन- 14416 मनोदर्शन हेल्पलाईन- 8448440632

या नंबरवर समुपदेशनासाठी पालक-विद्यार्थ्यांसाठी सेवा उपलब्ध आहे. एससीईआरटीमार्फत 315 समुपदेशक नेमले आहेत. तर गेल्या परीक्षपर्यंत मार्कशीट आणि सर्टिफिकेट वेगवेगळे छापण्यात येत होते. आता एकाच पेपरवर विद्यार्थ्यांना मार्कशीट आणि सर्टिफिकेट मिळणार आहेत.