Maharashtra Exit Poll 2024: कुणाला किती जागा? प्रत्येक एक्झिट पोलची आकडेवारी फक्त एका क्लिकवर; तुमचा पक्ष यात आहे का?

महाराष्ट्र विधानसभा निवडणुकीसाठी आज दिवसभरात मतदान पार पडल्यानंतर आता एक्झिट पोलची आकडेवारी समोर आली आहे. या एक्झिट पोलमध्ये राज्यात कुणाचं सरकार स्थापन होईल? याबाबतचे अंदाज वर्तवण्यात आले आहे. विविध संस्थांनी सर्व्हे करुन एक्झिट पोलची आकडेवारी जाहीर केली आहे. या सर्व एक्झिट पोलमध्ये महायुतीचं सरकार राज्यात स्थापन होण्याची शक्यता आहे. पण काही ठिकाणी कट टू कट फाईट होण्याचा अंदाज आहे. पी-मार्क आणि लोकशाही रुद्रच्या आकडेवारीनुसार, महाराष्ट्रात काँटे की टक्कर आहे. राज्यात सत्ता स्थापन करण्यासाठी महायुती आणि महाविकास आघाडीत यांच्यात चुरस असण्याची शक्यता आहे. लोकशाही रुद्रच्या अंदाजानुसार, महायुतीला 128 ते 142 जागांवर यश मिळण्याची शक्यता आहे. तर महाविकास आघाडीला 125 ते 140 जागांवर यश मिळण्याची शक्यता आहे. तर इतरांना 18 ते 23 जागांवर यश मिळण्याची शक्यता आहे.

विविध संस्थांचे एक्झिट पोलचे अंदाज काय?

• पी-मार्कच्या एक्झिट पोलच्या आकडेवारीनुसार, राज्यात महायुती आणि महाविकास आघाडी यांच्यात टफ फाईट आहे. अंदाजानुसार, महायुतीला निवडणुकीत 137-157 जागांवर यश मिळण्याची शक्यता आहे. तर महाविकास आघाडीला 126-146 जागांवर यश मिळण्याची शक्यता आहे. तर इतरांना 2 ते 8 जागांवर यश मिळण्याची शक्यता आहे.
• मॅट्रीझच्या एक्झिट पोलनुसार, महाविकास आघाडीला राज्यात 110 ते 130 जागांवर यश मिळण्याची शक्यता आहे. तर महायुतीला बहुमत मिळण्याचा अंदाज आहे. अंदाजानुसार, महायुतीला 150 ते 170 जागांवर यश मिळण्याची शक्यता आहे.
• चाणक्यच्या पोलनुसार, राज्यात महायुतीला बहुमत मिळण्याचा अंदाज आहे. अंदाजानुसार महायुतीला 152 ते 160 जागांवर यश मिळण्याची शक्यता आहे. तर महाविकास आघाडीला 130 ते 138 जागांवर यश मिळण्याची शक्यता आहे.
• पोल ऑफ पोलच्या अंदाजानुसार, राज्यात महायुतीचं सरकार स्थापन होण्याची शक्यता आहे. राज्यात महायुतीला 152 जागांवर यश मिळण्याची शक्यता आहे. तर महायुतीला 126 जागांवर यश मिळण्याची शक्यता आहे. तर इतरांना 10 जागांवर यश मिळण्याची शक्यता आहे.
• पोल डायरीच्या अंदाजानुसार, महाराष्ट्रात महायुतीला राज्यात 122 ते 186 जागांवर यश मिळण्याचा अंदाज आहे. तर महाविकास आघाडीला केवळ 69 ते 121 जागांवर यश मिळण्याची शक्यता आहे. तर इतर अपक्षांना 12 ते 29 जागांवर यश मिळण्याची शक्यता आहे.
• पोल डायरीच्या अंदाजानुसार, महाराष्ट्रात भाजपला सर्वाधिक 77 ते 108 जागांवर यश मिळण्याची शक्यता आहे. शिवसेना शिंदे गटाला 27 ते 50 जागांवर यश मिळण्याची शक्यता आहे. राष्ट्रवादी काँग्रेस अजित पवार गटाला 18 ते 28 जागांवर यश मिळण्याची शक्यता आहे. काँग्रेसला 28 ते 47 जागांवर यश मिळण्याची शक्यता आहे. त्यापाठोपाठ राष्ट्रवादी शरद पवार गटाला 25 ते 39 जागांवर यश मिळण्याची शक्यता आहे. ठाकरे गटाला 16 ते 35 जागांवर यश मिळण्याची शक्यता आहे.