Maharashtra News LIVE : सोलापुरात औषध विक्रेत्यांचा एल्गार, ऑनलाईन औषध विक्रीविरोधात भव्य मोर्चा

बेकायदेशीर ऑनलाईन औषध विक्री आणि कॉर्पोरेट कंपन्यांकडून दिल्या जाणाऱ्या अवास्तव सवलतींच्या (Predatory Pricing) निषेधार्थ आज सोलापूरसह देशभरातील औषध विक्रेत्यांनी देशव्यापी बंद पुकारला आहे. केंद्र सरकारने कोरोना काळात औषधांच्या होम डिलिव्हरीबाबत काढलेल्या नोटिफिकेशनचे अद्याप कायद्यात रूपांतर झाले नसून, दिल्ली उच्च न्यायालयानेही या ऑनलाईन विक्रीला स्थगिती दिली आहे. त्यामुळे सरकारने हा जीआर तातडीने रद्द करावा, अशी मागणी ऑल इंडिया ऑर्गनायझेशन ऑफ केमिस्ट्स अँड ड्रगिस्ट्स (AIOCD) संघटनेने केली आहे. दरम्यान, या संपामुळे नागरिकांची कोंडी होऊ नये म्हणून सोलापूर शहर आणि जिल्ह्यात काही ठराविक मेडिकल दुकाने आणि रुग्णालयांमधील आयसीयू (ICU) मेडिकल सेवा सुरू ठेवण्यात आल्या आहेत.

बेकायदेशीर ऑनलाईन औषध विक्रीच्या निषेधार्थ आज सोलापूरसह देशभरात औषध विक्रेत्यांनी बंद पुकारला आहे. या देशव्यापी बंद आंदोलनाचाच एक भाग म्हणून सोलापूर शहरातील ‘चार हुतात्मा स्मारका’पासून औषध विक्रेत्यांच्या भव्य मोर्चाला सुरुवात झाली आहे. केंद्र सरकारने ऑनलाईन औषध विक्रीचे नोटिफिकेशन रद्द करावे, या मागणीसाठी केमिस्ट असोसिएशन रस्त्यावर उतरली असून, या आंदोलनामुळे सोलापूर जिल्ह्यातील औषध बाजारपेठ कडकडीत बंद आहे.

पुण्यातील आयटी व्यावसायिक आणि चाकरमान्यांसाठी अत्यंत महत्त्वाच्या ठरलेल्या हिंजवडी ते शिवाजीनगर मेट्रो-३ (Pink Line) प्रकल्पाची १५ जूनची डेडलाईन हुकण्याची चिन्हे आहेत. या मार्गिकेवरील अनेक स्थानकांची कामे अद्याप अपूर्ण अवस्थेत असल्याने ठरलेल्या वेळेत ही मेट्रो धावणार का, असा मोठा प्रश्न निर्माण झाला आहे. ट्रायल रन यशस्वी झाल्या असल्या तरी प्रत्यक्ष स्थानकांवरील अंतर्गत कामे आणि तांत्रिक पूर्तता बाकी आहे. काही अहवाल आणि सद्यस्थितीनुसार, हा संपूर्ण प्रकल्प आता थेट २०२६ च्या अखेरपर्यंत म्हणजेच वर्षाच्या शेवटी पूर्ण क्षमतेने सुरू होण्याची दाट शक्यता वर्तवली जात आहे.

पुणे शहरासह उपनगरांमध्ये उन्हाचा चटका कमालीचा वाढला असून, सलग दुसऱ्या दिवशी कमाल तापमानात एक ते दीड अंशाने वाढ झाली आहे. हवामान विभागाने दिलेल्या माहितीनुसार, मगरपट्टा परिसरात आज सर्वाधिक ४१.१ अंश सेल्सिअस इतक्या उच्चांकी कमाल तापमानाची नोंद झाली आहे. तर शहराच्या इतर भागांतही पारा ३९ ते ४० अंशांच्या आसपास पोहोचला आहे. सकाळपासूनच पडणाऱ्या कडक उन्हामुळे आणि असह्य उकाड्यामुळे पुणेकर नागरिक कमालीचे हैराण झाले असून घराबाहेर पडणे कठीण झाले आहे.

अमरावती जिल्ह्यात ऑनलाईन औषध विक्रीच्या निषेधार्थ आणि कोरोना काळातील होम डिलिव्हरीचे नोटिफिकेशन रद्द करण्याच्या मागणीसाठी जिल्हा मेडिकल असोसिएशनने आक्रमक पाऊल उचलले आहे. मध्यरात्रीपासून जिल्ह्यातील तब्बल २ हजार ७०० मेडिकल दुकाने कडकडीत बंद ठेवण्यात आली आहेत. या संपामुळे रुग्णांची आणि त्यांच्या नातेवाईकांची मोठी गैरसोय होण्याची शक्यता वर्तवली जात आहे. मात्र, अति अत्यावश्यक सेवा आणि आपत्कालीन परिस्थिती लक्षात घेता, जिल्हा मेडिकल असोसिएशनने ८८ सदस्यांचे हेल्पलाईन क्रमांक जारी केले असून रुग्णांना मदत करण्याचे आश्वासन दिले आहे.

सरपंच संतोष देशमुख हत्या प्रकरणातील मुख्य सुत्रधार वाल्मीक कराड याची बीड कारागृहात प्रकृती खालावली आहे.
त्याला लघवीच्या जागी (मूत्राशय) त्रास होत असल्याने उपचार. त्याला ‘युरोसिसटायटीस’ (मूत्राशयाचा संसर्ग) आजार झाल्याचा प्राथमिक अंदाज डॉक्टरांनी व्यक्त केला आहे. गेल्या तीन दिवसांपासून कारागृहातच सलाईन लावून त्याच्यावर प्राथमिक उपचार सुरू आहेत. जिल्हा रुग्णालयाच्या पथकाने तपासणी केली असून, पुढील उपचारासाठी त्याला अंबाजोगाई येथे हलवण्यात येण्याची शक्यता आहे.

मुंबईत उष्णता आणि दमट वातावरणाचा नागरिकांना आजही मोठा त्रास सहन करावा लागणार आहे. भारतीय हवामान विभागाच्या अंदाजानुसार आज शहरातील कमाल तापमान ३५ अंश सेल्सिअसच्या आसपास नोंदवले जाण्याची शक्यता असून, आर्द्रतेचे प्रमाण ७५ टक्क्यांपर्यंत पोहोचेल. त्यामुळे “हॉट अँड ह्युमिड” वातावरणाचा सामना मुंबईकरांना करावा लागेल.सकाळपासूनच मुंबई, उपनगर आणि ठाणे परिसरात उकाडा जाणवत असून दुपारच्या वेळेत उष्म्याची तीव्रता अधिक वाढण्याची शक्यता व्यक्त करण्यात आली आहे. काही भागांत ढगाळ वातावरण आणि हलक्या सरींचाही अंदाज वर्तवण्यात आला आहे.

आज पहाटे साडेपाच ते सहा वाजताच्या दरम्यान उमरेड-भिवापूर मार्गावर एका मालवाहू ट्रकने अचानक पेट घेतल्याची घटना घडली. ट्रकमध्ये विविध प्रकारचा माल भरलेला होता. आग लागल्याची माहिती मिळताच उमरेड नगरपालिकेच्या अग्निशमन दलाने तात्काळ घटनास्थळी धाव घेत आगीवर नियंत्रण मिळवले. सुदैवाने या घटनेत कोणतीही जिवितहानी झाली नाही. मात्र ट्रकमधील मालाचे मोठ्या प्रमाणात नुकसान झाले आहे. दरम्यान, उमरेड पोलिसांनी घटनास्थळी पोहोचून वाहतूक नियंत्रण करत परिस्थिती हाताळली.

राज्यात 3 हजारांहून अधिक धरणांमध्ये सध्या केवळ सुमारे 33 टक्के पाणीसाठा शिल्लक. सर्वाधिक पाणीसाठा अमरावती विभागात ४४.३९ टक्के साठा असून, सर्वांत कमी साठा पुणे विभागात केवळ २५.२६ टक्के साठा उरला आहे. पावसाळा सुरू होऊन धरणात पुरेसा साठा होईपर्यंत पाणी जपून वापरण्याचे आवाहन जलसंपदा विभागाने केले आहे. एल निनो’च्या पार्श्वभूमीवर पाण्याच्या काटकसरीसाठी ‘जलसंपदा’चे आवाहन

नीट पेपरफुटी प्रकरणात आता नाशिकमधील नामांकित क्लासेस आणि शिक्षण संस्था सीबीआयच्या रडारवर. शुभम खैरनारच्या चौकशीतून काही खासगी क्लासेस आणि संस्थांची नावे समोर आल्याची चर्चा. संशयित क्लासेस आणि शिक्षण संस्थांना सीबीआयकडून नोटिसा जारी. चौकशीत सहकार्य करण्याचे आदेश, कागदपत्रे आणि आर्थिक व्यवहारांची माहिती मागवली.  शुभम खैरनार आणि क्लास चालकांमधील थेट संबंधांचा तपास सुरू. विद्यार्थ्यांना परीक्षेपूर्वी प्रश्नपत्रिका किंवा उत्तरे पुरवली गेली का, याचाही शोध. मोठ्या रकमांचे व्यवहार, बँक खाते आणि दलालांशी असलेले आर्थिक कनेक्शन तपासाच्या केंद्रस्थानी. सीबीआयकडून कोणत्याही क्षणी क्लासेस आणि संस्थांवर छापेमारीची शक्यता

हिंगोली-सलग पाचव्या दिवशीं ही डीझेल घेण्यासाठी पेट्रोल पंपा बाहेर रांगा. जिल्ह्यातील अनेक पेट्रोल पंपावर डीझेल उपलब्ध नसल्याचे फलक. खरीप पेरणीच्या तोंडावर डीझेल उपलब्ध होत नसल्याने अंतर मशागतीच्या कामात व्यथ..

ऑनलाइन आणि इंटरनेट फार्मसीच्या वाढत्या व्यवसाय विरोधात आज ऑल इंडिया ऑर्गनायझेशन ऑफ केमिस्ट अँड ड्रगिस्ट या संघटनेकडून देशव्यापी बंदचे आवाहन करण्यात आले. सकाळपासूनच मेडिकल बंद असल्याचे बघायला मिळतंय.