Maharashtra News LIVE : अवघ्या 10 दिवसांत चौथ्यांदा वाढले पेट्रोल-डिझेलचे दर
Maharashtra News LIVE: राज्य माध्यमिक आणि उच्च माध्यमिक शिक्षण मंडळाच्या फेब्रुवारी-मार्च 2026 च्या बारावी परीक्षेला बसलेल्या विद्यार्थ्यांना 25 मे रोजी दुपारी 3 नंतर छापील गुणपत्रिका आणि प्रमाणपत्रे मिळणार आहेत.
LIVE NEWS & UPDATES
-
मुंबईत पेट्रोल १११.१२ रुपये प्रति लिटर, तर डिझेल ९७.७८ रुपये प्रति लिटरवर
मुंबईतल्या वडाळा इथल्या पेट्रोल पंपावर पेट्रोलच नसल्याने मुंबईकर हैराण झाले आहेत. वाढत्या दरांमुळे सर्वसामान्यांवर महागाईचा ताण आला आहे. मुंबईत पेट्रोल १११.१२ रुपये प्रति लिटरवर आणि डिझेलचा दर ९७.७८ रुपये प्रति लिटरवर पोहोचला आहे.
-
नाशिक- ढगाळ हवामानासह आज पावसाचा अंदाज
नाशिक- ढगाळ हवामानासह आज पावसाचा अंदाज वर्तवण्यात आला आहे. जिल्ह्यात अंशतः ढगाळ हवामान राहणार असून हलका-मध्यम पावसाचा अंदाज आहे. शहरातील ढगाळ वातावरणामुळे नागरिकांना उकाड्याचा त्रास सहन करावा लागतोय. तर कमाल तापमानात घट झाली असून पुढील काही दिवस पाऊस पडणार असल्याचा अंदाज हवामान खात्याने वर्तवला आहे.
-
-
अमरावती- पेट्रोल आणि डिझेल दरवाढीचा नागरिकांना फटका
अमरावती- पेट्रोल आणि डिझेल दरवाढीचा नागरिकांना फटका बसला आहे. अमरावतीत पेट्रोलचे दर ११२.७८ प्रति लिटर तर डिझेल ९९ रुपये ४३ पैसे प्रति लिटर आहे. दहा दिवसांमध्ये चौथ्यांदा दरवाढ झाली आहे. मध्यरात्री पेट्रोलच्या दरात २.६१ रुपयांनी दरवाढ झाली तर डिझेलमध्ये २.१७ रुपयांनी दरवाढ झाली.
-
नाशिक – खड्डे बुजवण्यासाठी महापालिकेकडून ठेकेदारांना मे पर्यंतची डेडलाईन
नाशिक – खड्डे बुजवण्यासाठी महापालिकेकडून ठेकेदारांना मे पर्यंतची डेडलाईन देण्यात आली आहे. २८ रस्त्यांच्या कामासंदर्भात नुकत्याच झालेल्या आढावा बैठकीत या सूचना देण्यात आल्या आहेत. सर्व चर आणि खड्डे २७ मे पर्यंत डांबरीकरण करून दुरुस्त कराव्यात आणि केलेल्या कामाचा दैनंदिन अहवाल रोजच्या रोज सादर करावा लागेल.
-
धाराशिव जिल्ह्यात पाणीटंचाई, 16 गावांना झळा; टँकरद्वारे पाणीपुरवठा सुरू
धाराशिव जिल्ह्यात उन्हाच्या तीव्रतेमुळे पाणीटंचाईची समस्या गंभीर बनली असून जिल्ह्यातील 16 गावांना पाणीटंचाईच्या झळा बसत आहेत. प्रशासनाच्या वतीने सध्या टँकरच्या माध्यमातून नागरिकांना पाणीपुरवठा करण्यात येत आहे. तसंच 29 पाणी स्रोतांचे अधिग्रहण करून पर्यायी पाणी व्यवस्था सुरू करण्यात आली आहे.दरम्यान, धाराशिव तालुक्यातील येडशी गावामध्येही तीव्र पाणीटंचाई निर्माण झाली असून ग्रामपंचायतीकडून टँकरच्या माध्यमातून नागरिकांना पाणीपुरवठा केला जात आहे.
-
-
नाशिकच्या TCS प्रकरणी नगरसेवक मतीन खान आज हजर होणार का याकडे लक्ष
नाशिकच्या TCS प्रकरणी नगरसेवक मतीन खान आज हजर होणार का याकडे लक्ष लागून आहे. नाशिक पोलिसांनी मतीन खान याला नोटीस बजावली आहे. बजावलेल्या नोटिसीप्रमाणे नगरसेवक मतीन पटेल आज हजर राहणार का याकडे लक्ष लागून आहे. संशयित निदा खान हिच्या जामीन अर्जावर आज नाशिकरोड न्यायालयात महत्त्वाची सुनावणी होणार आहे. बहुराष्ट्रीय कंपनीतील अविवाहित तरुणीवरील बलात्कार आणि धर्मांतर प्रकरणातील व्हॉट्सॲप ‘चॅटिंग’मधून मोठे खुलासे झाले. संशयित निदा एजाज खान हिने तिच्या नातेवाईकासोबत केलेल्या चॅटिंगमधून तपासात अत्यंत महत्त्वपूर्ण मुद्दे समोर आले.
-
अवघ्या 10 दिवसांत चौथ्यांदा महागले पेट्रोल-डिझेल, खिशाला पुन्हा कात्री
अवघ्या दहा दिवसांत चौथ्यांदा पेट्रोल आणि डिझेलचे दर वाढले आहेत. 25 मे 2026 रोजी सकाळी 6 वाजल्यापासून पेट्रोलच्या दरात 2.61 रुपयांनी आणि डिझेलच्या दरात 2.71 रुपयांनी वाढ झाली आहे. गेल्या दहा दिवसांतली ही चौथी वाढ आहे.
-
अमेरिका आणि इराणमध्ये शांतता करारातील सर्व मुद्द्यांवर तडजोड करण्यात आली आहे. लवकरच होर्मुझची सामुद्रधुनी खुली करण्यात येईल, असं वक्तव्य अमेरिकेचे अध्यक्ष डोनाल्ड ट्रम्प यांनी केलं आहे. दोन्ही देशांमधील तीन महिन्यांहून अधिक काळ चाललेला संघर्ष त्यामुळे संपुष्टात येणार आहे. इराणने स्वत:कडील युरेनियमचा साठा नष्ट करण्याची हमी दिल्याने हा निर्णय घेण्यात आल्याचं अमेरिकन प्रशासनातील वरिष्ठ अधिकाऱ्यांनी सांगितलं आहे. मात्र इराणकडून याबाबत अधिकृत दुजोरा मिळालेला नाही. तर दुसरीकडे रविवारी ते सोमवारी पहाटेच्या दरम्यान राज्यात तीन मोठे अपघात घडले. मुंबई-आग्रा महामार्गावरील लळींग घाट, सातारा जिल्ह्यातील आंबेनळी घाट आणि अहिल्यानगर-कल्याण महामार्गावर तीन अपघात झाले. या वेगवेगळ्या अपघातांमध्ये तब्बल 17 जणांना आपला जीव गमवावा लागला आहे. यासह देश-विदेशातील, मनोरंजन, क्रीडा आणि इतर क्षेत्रातील अपडेट्स एका क्लिकवर जाणून घेण्यासाठी हा ब्लॉग फॉलो करा.
Published On - May 25,2026 8:15 AM
