Maharashtra News LIVE : यवतमाळ पोलिसांची मोठी कामगिरी, 15 दिवसात 60 मुलींना वाचवले..

आपल्या कार्यप्रणालीमुळे कायम चर्चेत असणारे राज्यातील वरिष्ठ आयएएस अधिकारी तुकाराम मुंढे यांच्या जीवनावर आधारित एक नवे पुस्तक लवकरच वाचकांच्या भेटीला येत आहे. ‘तुकाराम’ नावाचे हे पुस्तक नागपूरचे ज्येष्ठ पत्रकार शफी पठाण यांनी लिहिले असून 17 जुलैला पुण्यात या पुस्तकाचा प्रकाशन सोहळा पार पडणार आहे.

रेल्वे उड्डाणपुलाजवळ चालकाचे नियंत्रण सुटले…दुभाजक ओलांडून बस थेट टिन पत्राच्या दुकानांमध्ये घुसली. चिकन, मटण व पानपट्टीची ३ ते ४ टिन पत्राची दुकाने चिरडली. या दुकानात पहाटे 3 ते 4 च्या दरम्यान कोणी उपस्थित नसल्यामुळे मोठा अनर्थ टळला. या ट्रॅव्हल्स अपघातात चालकासह तीन ते चार प्रवासी जखमी. जखमींना उपचारासाठी रुग्णालयात दाखल..

मध्यप्रदेशात भीषण अपघात. छत्रपती संभाजीनगरच्या 4 व्यावसायिकांचा मृत्यू. दिल्ली-मुंबई एक्सप्रेस वेवर कारची ट्रकला जोरदार धडक; 2 जण गंभीर जखमी. मोबाईल ॲक्सेसरीज आणण्यासाठी दिल्लीला जात असताना काळाचा घाला

घरफोडी, चोरी व वाहन चोरी करणाऱ्या पाच आरोपींच्या टोळीला अटक करण्यात वालीवच्या गुन्हे प्रकटीकरण शाखेच्या पोलिसांना यश मिळाले आहे. या आरोपीकडून आठ गुन्ह्यांची उकल करून तीन लाखाचा मुद्देमाल हस्तगत केला आहे. ४ जूनला रात्री ३ वाजण्याच्या सुमारास आरोपीने वसई चिंचपाडा येथे कंपनीचे मुख्य शटरच्यावर असलेली लोखंडी जाळी उचकटुन आत प्रवेश करुन कंपनीतील ५६ हजार रुपये किंमतीच्या अॅल्युमिनीअमच्या ४०० प्लेट माल घरफोडी करून चोरून नेला होता.

उद्धव ठाकरे यांच्या २८ जूनच्या धाराशिव दौऱ्याच्या पार्श्वभूमीवर ठाकरे शिवसेनेचे उमरगा मतदारसंघाचे आमदार प्रवीण स्वामी यांनी सोशल मीडियावर पोस्ट केलेले बॅनर सध्या चांगलेच चर्चेत आले आहे. बॅनरवरील “फुटीने बदलतात ते आकडे… शिवसैनिकांची निष्ठा नाही!” या संदेशातून खासदार ओमराजे निंबाळकर यांना अप्रत्यक्षपणे लक्ष्य करण्यात करण्यात आले आहे “फुटल्याने शिवसैनिकांची निष्ठा बदलणार नाही,” असा स्पष्ट संदेश देत ठाकरे गटाने आपल्या कार्यकर्त्यांना एकजूट राहण्याचे आवाहन केल्याचे या पोस्टमधून दिसून येत आहे.

यवतमाळ जिल्ह्यातून अल्पवयीन मुलींना फुस लावून पळवून नेल्याच्या तक्रारी मोठ्या प्रमाणात पोलिसांकडे दाखल होतात. पोलिस अधीक्षक कुमार चिंता यांनी ‘ऑपरेशन शोध’ राबविल्यानंतर १५ दिवसांत ६० मुलींना परत आणण्यात आले असून अजूनही रेकॉर्डप्रमाणे २० मुलींचा शोध लागलेला नाही. यातील अनेक मुली लैंगिक अत्याचाराच्या बळी ठरल्या आहेत, वडकी, कळंब, दारव्हा, दिग्रस, महागाव, घाटंजी, पुसद, आर्णि, राळेगाव, बाभुळगाव, नेर, दराटी, खंडाळा, उमरखेड या मागास भागातील पोलिस ठाण्यामध्ये दाखल गुन्ह्याचा शोध घेण्यात आला.

विशेष करून त्र्यंबकेश्वर वनपरिक्षेत्रातील पर्यटनस्थळांवर असणार कडक निर्बंध. नियमभंग करणाऱ्यांवर वन विभागाची होणार कारवाई. दुगारवाडी धबधबा, ब्रह्मगिरी पर्वत, हरिहरगड परिसरात नियमांचे उल्लंघन केल्यास फौजदारी स्वरूपाच्या कारवाईचा इशारा. पर्यटकांनी वन विभागाच्या सूचनांचे काटेकोर पालन करण्याचे आवाहन.

काँग्रेसचे मोठे नेते अशोक चव्हाण यांच्याकडून आम्ही बरच काही शिकलो. माझ्या मतदार संघात सुद्धा ते महाविकास आघाडीत असताना त्यांचं शंभर टक्के सहकार्य मला झालेला आहे. दुर्दैवानं एवढ्या मोठ्या नेत्याला जिल्हा पुरत आणि शहरापुरतं ठेवलेलं बघून मला वेदना होत आहेत. महाराष्ट्र व्यापी काम करणाऱ्याला नेत्याला जर भाजप एखादया छोट्या कामात गुंतवून ठेवत असेल तर भाजप या मोठ्या नेत्यावर त्यांच्या कतृत्वावर आणि त्यांच्या परिवारावर अन्याय करतोय, अशी प्रतिक्रिया आमदार रोहित पवार यांनी दिली आहे.

उद्धव ठाकरे यांच्या २८ जूनच्या धाराशिव दौऱ्याच्या पार्श्वभूमीवर ठाकरे शिवसेनेचे उमरगा मतदारसंघाचे आमदार प्रवीण स्वामी यांनी सोशल मीडियावर पोस्ट केलेले बॅनर सध्या चांगलेच चर्चेत आले आहे.बॅनरवरील “फुटीने बदलतात ते आकडे… शिवसैनिकांची निष्ठा नाही!” या संदेशातून खासदार ओमराजे निंबाळकर यांना अप्रत्यक्षपणे लक्ष्य करण्यात करण्यात आले आहे “फुटल्याने शिवसैनिकांची निष्ठा बदलणार नाही,” असा स्पष्ट संदेश देत ठाकरे गटाने आपल्या कार्यकर्त्यांना एकजूट राहण्याचे आवाहन केल्याचे या पोस्टमधून दिसून येत आहे. दरम्यान, २८ जून रोजी उद्धव ठाकरे यांच्या धाराशिव दौऱ्यापूर्वी हे बॅनर व्हायरल झाल्याने जिल्ह्यात ठाकरे शिवसैनिक चांगलेच आक्रमक झाल्याचे दिसत आहे

एसटी महामंडळाच्या ताफ्यात नवीन बस दाखल झाल्यानंतर, ग्रामीण भागातील शेतकरी कुटुंबात मुलगा किंवा मुलीचे लग्न असल्यास त्यांना विशेष सवलतीच्या आणि माफक दरात एसटी बस उपलब्ध करून दिली जाईल.

राष्ट्रसंत तुकडोजी महाराज नागपूर विद्यापीठाद्वारे विदर्भातील पद्मश्री पुरस्कृत मान्यवरांचा नागरी सत्कार केला जाणार आहे या नागरिक सत्कार कार्यक्रमास मुख्यमंत्री देवेंद्र फडणवीस तसेच सर्वोच्च न्यायालयाचे निवृत्त सरन्यायाधीश भूषण गवई उपस्थित राहणार आहेत रविवार 28 जून रोजी नागपुरातील देशपांडे सभागृहात हा सत्कार सोहळा पार पडणार आहे

नागपुरात भटक्या श्वानांचा वाढता उपद्रव नागरिकांसाठी चिंतेचा विषय ठरला आहे. सकाळी फिरणारे नागरिक, शाळकरी मुले, ज्येष्ठ नागरिक आणि दुचाकीस्वारांवर श्वानांच्या हल्ल्याच्या घटना वाढत आहे. भटक्या श्वानांची संख्या नियंत्रणात ठेवणारी ‘श्वान नसबंदी मोहीम’ गेल्या तीन महिन्यांपासून बंद आहे. यापूर्वी काम करणाऱ्या तीन संस्थांचे कंत्राट ३१ मार्च २०२६ रोजी संपले असून नवीन निविदा प्रक्रिया पूर्ण झाली आहे. विधान परिषद निवडणुकीच्या आचारसंहितेमुळे नवीन टेंडरला मंजुरी मिळू शकली नाही.

महसूल गुप्तवार्ता संचालनालय नागपूर प्रादेशिक युनिटने वन्यजीव तस्करी करणाऱ्या आंतरराष्ट्रीय टोळीचा पर्दाफास केला. २४ आणि २५ जून रोजी आंध्र प्रदेशातील श्रीकाकूलम जिल्ह्यात मोठी कारवाई करण्यात आली. श्रीकाकूलम आणि रायाकुर्डी या दुर्गम गावातून पिंजऱ्यात डांबून ४ शेकरू,१ भारतीय तारा कासव,१४ रानकोंबड्या आणि उदमांजराची २ पिल्ले सुरक्षित जप्त केली.जप्तींनंतर एका संशयित आरोपीसह सर्व वन्यजीवांना पुढील कारवाईसाठी श्रीकाकूलम वनविभागाकडे सुपूर्द करण्यात आले आहे. विदेशी पाळीव प्राण्याची मागणी आणि वन्यजीव संग्राहकामुळे ही तस्करी होत असून नागरिकांनी अशा गुन्ह्याची माहिती सुरक्षा यंत्रणा द्यावी अशी आवाहन डीआरआयने केले आहे.

यंदा जिल्ह्यातील पर्यटन स्थळावर असणार कडक निर्बंध असतील. विशेष करून त्र्यंबकेश्वर वनपरिक्षेत्रातील पर्यटनस्थळांवर कडक निर्बंध असतील. नियमभंग करणाऱ्यांवर वन विभागाकडून कारवाई करण्यात येणार आहे. पहिने, दुगारवाडी धबधबा, ब्रह्मगिरी पर्वत, हरिहरगड परिसरात नियमांचे उल्लंघन केल्यास फौजदारी स्वरूपाच्या कारवाईचा इशारा देण्यात आला आहे. पर्यटकांनी वन विभागाच्या सूचनांचे काटेकोर पालन करण्याचे आवाहन करण्यात आले आहे.

केंद्र सरकारने १४ वर्षांनंतर पासपोर्ट शुल्कात वाढ केली असून, येत्या एक जुलैपासून नवीन दर लागू होणार आहेत. नवीन नियमांनुसार, सामान्य श्रेणीतील ३६ पानांच्या पासपोर्टसाठी आता १,५०० रुपयांऐवजी २,५०० रुपये मोजावे लागतील, तर तत्काळ पासपोर्टसाठी ३,५०० रुपयांऐवजी पाच हजार रुपये शुल्क आकारले जाईल