Maharashtra News LIVE : शिवसेना पक्ष आणि चिन्हावर आज कोर्टात सुनावणी..

दुष्काळग्रस्त विद्यार्थ्यांच्या मदतीसाठी अमरावती विद्यापीठाकडून कृती समिती स्थापन महाविद्यालयांकडून शुल्कमाफीचे अर्ज मागविणार आहे. दुष्काळग्रस्त भागातील विद्यार्थ्यांना दिलासा देण्यासाठी संत गाडगे बाबा अमरावर्ती विद्यापीठाने यासाठी एका विशेष कृती समितीची स्थापना केली आहे. राज्य शासनाच्या उच्च व तंत्र शिक्षण विभागाच्या निर्देशांनुसार दुष्काळग्रस्त भागातील पात्र विद्यार्थ्यांचे परीक्षा शुल्क माफ करण्याचा निर्णय घेण्यात आला. यासाठी महाविद्यालयांमार्फत अर्ज मागविले जाणार आहेत. याबाबत विद्यार्थ्यांमध्ये जनजागृती करण्याची जबाबदारी विद्यापीठाने विविध महाविद्यालयांवर सोपविली आहे.

बुलढाणा जिल्ह्यातील खरीप पिकांच्या नुकसानाचे सर्व 1448 गावातील पंचनामे पूर्ण झाले आहेत.. जिल्ह्यातील सात लाख 18 हजार 2258 हेक्टर क्षेत्रावरील पिकांचे 33% पेक्षा अधिक नुकसान झाल्याचे पंचनामातून समोर आले आहे.. जिल्ह्यातील सर्व तेरा तालुक्यात दुष्काळी परिस्थितीच्या अनुषंगाने ट्रिगर 1 लागू करण्यात आला आहे.. या नुकसानाचा एकत्रित अहवाल पुढील दोन दिवसात राज्य शासनाकडे सादर केला जाणार आहे.. त्यामुळे आता शेतकऱ्यांचे लक्ष नुकसान भरपाई आणि शासनाच्या निर्णयाकडे लागले आहे..

मराठवाड्यातील दुष्काळी परिस्थितीच्या पार्श्वभूमीवर आज काँग्रेसकडून छत्रपती संभाजीनगरमध्ये जनआक्रोश दुष्काळ मोर्चा काढण्यात येणार आहे. काँग्रेस प्रदेशाध्यक्ष हर्षवर्धन सपकाळ यांच्या नेतृत्वाखाली दुपारी 12 वाजता पैठण गेट येथून या मोर्चाला सुरुवात होणार असून, तो विभागीय आयुक्त कार्यालयापर्यंत जाणार आहे. शेतकऱ्यांना हेक्टरी 1 लाख रुपये आर्थिक मदत द्यावी, तसेच शेतकऱ्यांची संपूर्ण कर्जमाफी करावी मागण्या मोर्चाच्या माध्यमातून करण्यात येणार आहेत. या मोर्चात विजय वडेट्टीवार, अमित देशमुख, बाळासाहेब थोरात, खासदार कल्याण काळे, खासदार रवींद्र चव्हाण आणि शिवाजीराव काळगे यांच्यासह काँग्रेसचे प्रमुख नेते सहभागी होणार आहेत.

दुष्काळी परिस्थितीचा बागायतदार शेतकऱ्यांना देखील मोठ्या प्रमाणात फटका बसला आहे.गंगाखेड तालुक्यातील गौडगाव येथील शेतकरी मंचक काळे यांनी आपल्या 2एकर केळीच्या बागेवर रोटाव्हेटर फिरवला असुन, पाण्या अभावी केळी नष्ट होत असल्यामुळे शेतकऱ्याने हा टोकाचा निर्णय घेतला आहे. लाखो रुपये खर्च करून पिकवलेलं पीक पाण्याअभावी नष्ट झाल्याने शेतकरी अहवालदिल झाला आहे. सरकारने मदतीचा हात द्यावा अशी मागणी शेतकऱ्याने केली आहे..

आम्ही शेतकऱ्यांच्या मागे उभे राहू असे अभिजीत दिपके म्हणाले. त्यांनी नागपूरमध्ये माध्यमांशी बोलताना उपमुख्यमंत्री एकनाथ शिंदे यांच्यावरही निशाणा साधला. राज्यात दुष्काळाची स्थिती असताना नेते ज्ञानेश कुमार यांना पाठिंबा देत असल्याबाबत त्यांनी संताप व्यक्त केला. शेतकऱ्यांना मदत करणे हे सरकारचे काम असल्याचे त्यांनी सुनावले.

शेतकरी कर्जमुक्ती योजनेची तिसरी यादी अखेर प्रसिद्ध झाली असून यामध्ये नांदेड जिल्ह्यातील ५१ हजार ७२५ पात्र शेतकऱ्यांचा समावेश करण्यात आलाय. आतापर्यंत जिल्ह्यात एकूण १ लाख ९७ हजारांपेक्षा जास्त शेतकरी कर्जमाफीसाठी पात्र ठरले आहेत. ही यादी ग्रामपंचायती आणि बँकांमध्ये प्रसिद्ध करण्यात आली असून शेतकऱ्यांनी आपले सरकार सेवा केंद्रात जाऊन त्वरित आधार प्रमाणीकरण पूर्ण करण्याचे आवाहन प्रशासनाकडून करण्यात आले आहे.

सीजेपी नेते आशुतोष रांका आणि सौरव दास यांना पाच दिवसांच्या कारावासाची शिक्षा झाली. त्यांनी आधी लेखी दिली होते. त्यांनी फक्त भारताचा झेंडा फडकवला. तर त्यांना अटक करत असेल तर सरकारला लाज वाटली पाहिजे. साध आंदोलन करणाऱ्यांना अटक केली जाते, असा पलटवार नेते अजिंक्य शिंदे यांनी केला.

रोजगारासाठी आवश्यक दोन मोठ्या प्रकल्पांचे मुख्यमंत्री फडणवीस करणार उद्घाटन. तळेगाव एमआयडीसी मध्ये फडणवीसांच्या हस्ते दोन मोठ्या प्रकल्पांचे उद्घाटन. मुख्यमंत्री ह्युंदाई मोटर इंडियाच्या पुण्यातील उत्पादन प्लांटचे करणार उद्घाटन. इलेक्ट्रिक हेव्ही ड्युटी कमर्शियल व्हेहिकल कॉम्प्लेक्सचे फडणवीसांच्या हस्ते उद्घाटन

शारदीय नवरात्र उत्सवाच्या गरबा कार्यक्रमात नालासोपारा येथील एका तरुणानं मुलींना टार्गेट करून त्यांचे अश्लील व्हिडिओ तयार करून लव्ह जिहादसारखा गंभीर प्रकार केल्याचा गंभीर प्रकार काल समोर आला. यापूर्वी भंडाऱ्यासह राज्यभरातील हिंदू संघटनांनी गरबा उत्सवात केवळ हिंदूंना प्रवेश द्यावा, गरबा उत्सवात सहभागी होणाऱ्या तरुणांचे आयकार्ड चेक करावे, किंवा माथ्यावर टीळा लावावा, अशी घोषणा केली होती. मात्र, काल नालासोपारा येथील उघडकीस आलेल्या घटनेनंतर भंडारा येथील हिंदू संघटनांनी आक्रमक पवित्रा घेतला आहे.

21 तास पुणे बेंगलोर महामार्गावर वेगवेगळ्या ठिकाणी हे आंदोलन सुरू आहे. मात्र अजूनही केंद्र सरकारने हे आंदोलन गांभीर्याने घेतलेले नाही. सरकार आमच्या आंदोलनाला अंडरस्टिमेट करायचा प्रयत्न करतेय. पोलीस आणि प्रशासनातील काही वरिष्ठ अधिकारी आमच्याशी संपर्क साधत आहेत. हायवे वरील वाहतूक हळूहळू ठप्प होत असल्याचं त्यांचं म्हणणं आहे. कर्नाटक मधील रयत संघटनेच्या पदाधिकाऱ्यांशी काही मध्यस्थ बोलण्याचा प्रयत्न करत आहेत

भोर तालुक्यातील करंदी -कामथडी परिसरात बिबट्याचा मुक्त संचार VIDEO
आंबेगाव तालुक्यातील पहाडदरा मार्गे अवसरीकडे जाणाऱ्या घाट रस्त्यात बिबट्याचे वारंवार दर्शन VIDEO
पालघर शहराच्या पूर्वेकडील नवली परिसरातील मानवी वस्ती लगत बिबट्या दिसून आल्याने नागरिकांमध्ये भीतीचे वातावरण

पुण्यातील पेटकेअर एज्युकेशन अँड ट्रेनिंग संस्थेच्या धर्तीवर मुंबईतही पेटकेअर शिक्षण व प्रशिक्षण संस्था सुरू करण्यासाठी कौशल्य विकास विभागाचे मंत्री मंगलप्रभात लोढा यांनी पुढाकार घेतला आहे. राज्यातील औद्योगिक प्रशिक्षण संस्थांमध्ये (आयटीआय) पेटकेअरविषयक विशेष अभ्यासक्रम सुरू करून या क्षेत्रात रोजगार आणि स्वयंरोजगाराच्या नव्या संधी निर्माण होण्यास चालना मिळेल