पावसाचं जोरदार कमबॅक होणार; राज्यातील कोणत्या विभागासाठी काय अलर्ट? जाणून घ्या

मुंबई , ठाण्यासह महाराष्ट्रातील विविध भागात पावसाचा रिपरिप सुरूच आहे. गेल्या काही दिवसांपासून कोकणासह मुंबईतही पावसाची रिमझिम सुरू आहे. त्यात आज गुरुवारी कोकण, घाटमाथ्यासह पूर्व विदर्भातही जोरदार पावसाची शक्यता व्यक्त करण्यात आली आहे. हवामान विभागाने राज्यातील काही भागात येलो अलर्ट दिला आहे. तर काही भागात हलक्या शक्यता हवामान विभागाने वर्तवली आहे. त्यामुळे काही दिवसांनी पावसाची प्रतीक्षा करणाऱ्यांना दिलासा मिळणार आहे.

हवामान विभागने दिलेल्या माहितीनुसार, मान्सूनचा कमी दाबाचा पट्टा राजस्थानच्या बिकानेर, मध्य प्रदेशातील कमी दाबाचे केंद्र, सतना, दाल्तोंगज, बंगालच्या उपसागरातील कमी दाब क्षेत्रापर्यंत समुद्र सपाटीपासून जवळपास 1.5 किलोमीटरच्या उंचीवर सक्रिय असल्याचे दिसून आले. त्यामुळे मध्य भारत आणि दक्षिण भारतात समुद्र भारतात समुद्र सपाटीपासून 3.1 ते 7.6 किलोमीटर उंचीवर उंचीवर पूर्व आणि पश्चिमेकडून वाहणाऱ्या विरोधी वाऱ्यांमुळे हवेचे जोडक्षेत्र टिकून आहे.

चंद्रपुरात राज्यातील उच्चांकी 35.2 अंश सेल्सिअर इतकी तापमानाची नोंद करण्यात आली आहे. तर महाबळेश्वरमध्ये निचांकी 17.2 अंश सेल्सिअस तापमानाची इतकी नोंद झालीये. मागील 24 तासांत पुण्याच्या घाटमाथ्यावरच्या भिरा या भागात 120 मिलीमीटर इतकी पावसाची नोंद झाली आहे. त्यात कोकण घाटमाथ्यावरही पावसाचा जोर वाढण्याची शक्यता व्यक्त केली आहे. कोकणात ठाणे, मुंबई, रायगड, रत्नागिरी, सिंधुदुर्ग, नाशिक, पुणे, सातारा, कोल्हापूरच्या घाटमाथ्यावरही पावसाची शक्यता व्यक्त करण्यात आली आहे. तर विदर्भातील गोंदिया, गडचिरोलीत जोरदार पावसची शक्यतेसह यलो अलर्ट जारी करण्यात आला आहे. राज्यातील काही भागात विजांसह हलक्या स्वरुपाच्या पावसाची शक्यता हवामान विभागाने व्यक्त केली आहे.

महाराष्ट्रातील कोणत्या भागाला येलो अलर्ट जारी?

हवामान विभागाने महाराष्ट्रातील विविध भागांना पावसाचा इशारा दिला आहे. राज्यातील काही भागातील नागरिकांना अद्याप जोरदार पावसाची अपेक्षा आहे. हवामान विभागाने आज बुधवारी पावसाची शक्यता व्यक्त केली आहे. महाराष्ट्रात आज बुधवारी ठाणे, मुंबई, रत्नागिरी, सिंधुदुर्ग, पुणे, घाटमाथ, कोल्हापूर घाटमाथा, नाशिक घाटमाथा, कोल्हापूर घाटमाथा, गडचिरोली, गोंदिया या भागात पावसाची शक्यता आहे.