नसरापूर प्रकरणात मोठी अपडेट, आरोपी भीमराव कांबळे दोषी, न्यायालयात काय घडले? आता शिक्षा कधी?

 Narsapur case Accused Bhimrao Kamble: पुण्यातील भोर तालुक्यामधील नसरापूर येथील साडेतीन वर्षांच्या चिमुकलीवरील अत्याचार आणि हत्या प्रकरणात आरोपी भीमराव कांबळे याला कोर्टाने दणका दिला. पुणे विशेष न्यायालयाने आरोपी भीमराव कांबळे याला दोषी ठरवले आहे. 1 मे 2026 रोजी आरोपीने हा क्रूर गुन्हा केला होता. प्राथमिक तपासात चिमुरडीवर लैंगिक अत्याचार झाल्याचे उघड झाले होते. आरोपीने खाऊ देण्याच्या बहाण्याने तिच्यावर अत्याचार केला होता. नंतर तिचा निर्घृण खून केला होता. शेणाच्या ढिगाऱ्याखाली तिचा मृतदेह लपवला होता. सीसीटीव्ही आधारे आरोपी भीमराव कांबळे याला पकडण्यात आले होते.  ताज्या अपडेटनुसार, आरोपीला शिक्षा देण्याचा निकाल कोर्टाने राखून ठेवला आहे. याप्रकरणात 29 जून रोजी निकाल येणार आहे.  आरोपीला चार दिवसानंतर 29 जून रोजी शिक्षा ठोठावण्यात येणार आहे.

नसरापूर प्रकरणात जलदगतीने सुनावणी

नसरापूर साडेतीन वर्षांच्या चिमुरडीवर लैंगिक अत्याचार आणि खून प्रकरणात जनआक्रोशानंतर तातडीने खटला जलदगतीने चालवण्यात आला. गुरुवारी 25 जून रोजी या खटल्याचा निकाल समोर आला आहे. न्यायालयीने इतिहासात या खटल्याची जलदगतीने सुनावणी झाल्याचे समोर आले. प्रकरणात आरोपी भीमराव प्रभाकर कांबळे (65) याला अटक करण्यात आली होती. आज पुणे जिल्हा आणि सत्र न्यायालयात निकाल समोर आला. विशेष न्यायाधीश एस. आर. साळुंखे यांनी या नराधमाला याप्रकरणात दोषी ठरवले.

विशेष न्यायालयात नेमकं काय घडलं?

अंतिम सुनावणी न्यायालयाने आरोपी भिमराव कांबळे याला तुला कोणती शिक्षा द्यायची, फाशीची की जन्मठेपेची, अशी विचारणा केली. त्यावर मी त्या दिवशी त्या मुलीला गाठी शेव खाण्यासाठी घेऊन गेलो होतो. त्यावेळी मी पाय घसरून पडलो, त्या मुलीच्याही डोक्याला मार लागला. मी तिला शांत करण्याचा प्रयत्न केला. पण ती सारखी ओरडत असल्याचा बनाव केला. त्यावर विशेष न्यायाधीश साळुंखे यांनी त्याला तू जे सांगत आहे, तो इतिहास झाला आहे, तुझ्यावर आता गुन्हा सिद्ध झाला आहे, असे सांगितले. त्यानंतर आरोपीने कोणतेच उत्तर दिले नाही.

नसरापूर हत्या प्रकरणात आरोपी भिमराव कांबळे याला विशेष न्यायालयाने दोषी ठरवले.

विविध कलमाखाली हा खटला चालला. आरोपींवरील सर्व गुन्हे सिद्ध झाले.

दोन गुन्ह्यात त्याला फाशीच्या शिक्षेची तरतूद आहे.

एका गुन्ह्यात 14 वर्षांच्या कारावासाची शिक्षा, तर एका कलमाखाली आजन्म जन्मठेपेची शिक्षा

आरोपी भिमराव कांबळेला मृत्यूदंडाची शिक्षा द्या

भिमराव कांबळे हा नसरापूर खून खटल्यात दोषी ठरला आहे. आता त्याला कोर्ट थोड्याच वेळात शिक्षा ठोठावेल. दोन्ही बाजूंनी युक्तीवाद करण्यात आला. भिमराव कांबळे ने त्या निष्पाप जीवासोबत 39 मिनिटे अतिशय घृणास्पद कृत्य केले आहे. वैद्यकीय तपासणीत कांबळे याने त्या मुलीवर लैंगिक अत्याचार केल्याचे समोर आल्याचे म्हणणे सरकारी वकिलांनी मांडले. तर सरकारी वकिलांनी आरोपी कांबळेला मृत्यूदंडाची शिक्षा देण्याची विनंती केली आहे. आरोपीला फाशीची शिक्षा न दिल्यास तो असे कृत्य करण्याची भीती असल्याचा युक्तीवाद सरकारी पक्षाने केला.