पुणे शिक्षक मतदारसंघ निवडणुकीत ट्विस्ट; एकनाथ शिंदेंच्या आदेशानंतर मंगेश चिवटे यांनी घेतला मोठा निर्णय

राज्यातील विधानपरिषदेच्या 5 जागांवर पोटनिवडणुका होत आहेत. यातील पुणे पदवीधर निवडणुकीत महायुतीत भाजपसहित एकनाथ शिंदे गटाचा उमेदवारही रिंगणात उरतरल्याने निवडणूक प्रतिष्ठेची झाली होती. या मतदारसंघात भाजपकडून कौस्तुक गावडे मैदानात उतरले आहेत. तर शिंदे गटाकडून मंगेश चिवटेंनी अर्ज दाखल केला होता. आता या निवडणुकीबाबत मोठी अपडेट हाती आली आहे. या मतदारसंघातून शिंदे गटाचे उमेदवार मंगेश चिवटे माघार घेतल्याची माहिती समोर आली आहे. चिवटे यांच्या निर्णयाने भाजपला दिलासा मिळाला आहे.

पुणे शिक्षक मतदारसंघाच्या निवडणुकीमुळे राजकीय घडामोडींना वेग आला आहे. महायुती आणि महाविकास आघाडीनेही या मतदारसंघात जोरदार प्रयत्न सुरू केले आहेत. भाजपकडून श्री विवेकानंद स्वामी शिक्षण संस्थेच्या माध्यमातून काम केलेल्या कौस्तुभ गावडे यांना उमेदवारी देण्यात आली आहे. या मतदारसंघातील उमेदवारीमुळे महायुतीत पेच निर्माण झाला होता. या जागेवर तिन्ही पक्षाने दावा केला होता. परंतु या जागेवरून सुनेत्रा पवारांच्या राष्ट्रवादीने माघार घेतली. त्यानंतर भाजपने या मतदारसंघात कौस्तुभ गावडे यांना उमेदवारी दिली. तर शिंदेंनी या मतदारसंघात मंगेश चिवटे यांना उमेदवारी घोषित केली होती. परंतु आता या निवडणुकीत अर्ज मागे घेण्यासाठी अवघे काही तास उरले आहेत. यादरम्यान महायुतीच्या गोटातून मोठी बातमी समोर आली आहे. पुणे शिक्षक मतदारसंघातून शिंदे गटाचे उमेदवार मंगेश चिवटे यांनी माघार घेतली आहे.

मंगेश चिवटे यांनी माघार घेतल्याने पुणे पदवीधर मतदारसंघ आणि शिक्षक मतदारसंघात महायुतीचा मार्ग मोकळा झाला आहे. पुणे पदवीधर मतदारसंघातून महायुतीचे बंडखोर उमेदवार भैय्या माने यांनी माघार घेतली आहे. तर शिक्षक मतदारसंघातून मंगेश चिवटे यांनी देखील माघार घेतली आहे. त्यामुळे शिक्षक मतदारसंघात कौस्तुभ गावडे महायुतीचे अधिकृत उमेदवार असणार आहेत. तर पदवीधर मतदारसंघात स्मिता जाधव या महायुतीच्या उमेदवार असणार आहेत. मंगेश चिवटे यांनी एकनाथ शिंदे यांच्या आदेशानंतर माघार घेतली. मंगेश चिवटे यांनी महायुतीत बंडखोरी करत शिवसेनेकडून उमेदवारी अर्ज दाखल केला होता.