अलिबागमधील RCF कंपनीत भीषण स्फोट; 4 जण जागीच ठार, मृतांचा आकडा वाढण्याची भिती

रायगड : रायगड जिल्ह्यातील अलिबाग येथील आरसीएफ कंपनीत भीषण स्फोट झाला आहे. या अपघातात 4 जण जागीच ठार झाले आहेत. तर तिघेजण या दुर्घटनेत गंभीर जखमी झाले आहेत. यामुळे मृतांचा आकडा वाढण्याची भिती व्यक्त केली जात आहे. अग्नीशमन दलाचे जवान, पोलिस तसेच बचाव पथक घटनास्थळी दाखल झाले आहेत.

एसी प्लांटमध्ये बिघाड झाल्याने हा स्फोट झाल्याची प्राथमिक माहिती समोर येत आहे. स्टीम जनरेशन प्लांट मध्ये हा स्फोट झालाय.  हा प्लांट नवीन असल्याचे समजते.

घटनास्थळी बचाव कार्य सुरु करण्यात आले आहे. स्फोट झाला तेव्हा कंपनीत किती कामगार होते. स्फोट नेमका कशामुळे झाला याबाबतची काहीही माहिती अद्याप समोर आलेली नाही.  मृत कामगारांची नावे तसेच त्यांच्याबाबातची आणखी माहिती अद्याप उपलब्ध झालेली नाही.

कंपनीत अडकेलेल्या कामगारांना बाहेर काढले जात आहे. ऐन दिवाळीच्या तोंडावर ही दुर्घटना घडल्याने कामगरांकडून हळहळ व्यक्त केली जात आहे.