AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

मुंबई महापालिकेत स्वीकृत नगरसेवकांची नियुक्ती होणार, भाजप आणि ठाकरेंच्या वाट्याला किती जागा?

राज्य सरकारच्या अधिनियमातील सुधारणेनुसार मुंबई महानगरपालिकेत आता नामनिर्देशित सदस्यांची संख्या ५ वरून १० झाली आहे. शिक्षण, प्रशासन किंवा वैद्यकीय क्षेत्रातील किमान ५ वर्षांचा अनुभव असलेले तज्ज्ञ यासाठी पात्र असतील. या सदस्यांना पालिकेतील समिती निवडणुकीत मतदानाचा अधिकार नसेल. नगरसेवकांच्या संख्येनुसार त्यांची नियुक्ती केली जाईल, ज्यामुळे पालिकेच्या कार्यपद्धतीत महत्त्वाचा बदल झाला आहे.

मुंबई महापालिकेत स्वीकृत नगरसेवकांची नियुक्ती होणार, भाजप आणि ठाकरेंच्या वाट्याला किती जागा?
मुंबई महापालिकेत स्वीकृत नगरसेवकांची नियुक्ती
| Updated on: Feb 10, 2026 | 1:19 PM
Share

राज्यातील 29 महापालिकांसह मुंबई महापालिकेचीही निवडणूक झाली. त्यात भाजप शिवसेनेला बहुमत मिळालं असून या आठवड्यात मुंबईच्या महापौरपदी कोण बसणार आणि उपमहापौर कोणाकडे असणार यांचीही घोषणा झाली. या निवडणुकांनंतर नामनिर्देशित (स्वीकृत) नगरसेवक पदांसाठी राजकीय हालचालींना वेग आला. 227 नवनिर्वाचित नगरसेवक आणि 10 नामनिर्देशित सदस्य असे मिळून एकूण 237 नगरसेवकांचे सभागृह यावेळी पाहायला मिळणार आहे. याचसंदर्भात आता एक मोठी अपडेट समोर आली आहे.

मुंबई पालिकेत एकूण 10 नामनिर्देशित सदस्य कार्यरत असणार आहेत. तसेच या स्वीकृत सदस्यांसाठी शिक्षण क्षेत्रात व प्रशासनाचे विशेष ज्ञान असणे बंधनकारक असेल. मात्र त्यांना समिती निवडणुकीत मतदानाचा अधिकार नसेल. मुंबई महानगरपालिकेत नामनिर्देशित (स्विकृत) सदस्यांची संख्या आता 10 होणार आहे. या सदस्यांची नियुक्ती करताना ठराविक अनुभव असणे बंधनकारक होईल. पण या नामनिर्देशित सदस्यांना पालिकेतील कोणत्याही समितीच्या निवडणुकीत मतदानाचा अधिकार नसणार. राज्यात मान्यताप्राप्त व नोंदणीकृत वैद्यकीय व्यवसायी म्हणून किमान पाच वर्षे कार्य केलेली व्यक्तीही नामनिर्देशित सदस्य म्हणून पात्र ठरणार आहे. मान्यताप्राप्त शाळा किंवा महाविद्यालयातील निवृत्त प्राध्यापक, व्याख्याते, मुख्याध्यापक यांचा शिक्षण तज्ज्ञ म्हणून समावेश होईल. नगरसेवकांच्या संख्येनुसार नामनिर्देशित सदस्यांची नियुक्ती करण्यात येणार आहे.

भाजप आणि ठाकरेंच्या वाट्याला किती जागा?

यामध्ये भाजपकडून 4, शिवसेना (ठाकरे) गटाकडून 3, शिंदे शिवसेनेकडून 1, काँग्रेसकडून 1 आणि एमआयएमकडून 1 असे एकूण 10 नामनिर्देशित सदस्य असतील. 2017 नंतर बदल झाला आहे. 2017 सालापर्यंत मुंबई महापालिकेत केवळ 5 नामनिर्देशित सदस्यांची तरतूद होती. मात्र, राज्य सरकारने महानगरपालिका अधिनियमात सुधारणा करून ही संख्या 5 वरून 10 करण्याचा निर्णय घेतला . त्यामुळे आता पालिकेत एकूण 10 नामनिर्देशित सदस्य कार्यरत असणार आहेत.

मुंबईचा महापौर बसल्यानंतर पुढील कार्यक्रमांना पालिकेकडून वेग

मुंबईचा महापौर बसल्यानंतर पुढील कार्यक्रमांना पालिकेकडून वेग आला आहे. स्थायी समिती अध्यक्ष तसेच इतर अध्यक्ष पदाच्या आणि सदस्यांचा कार्यक्रम, पालिकेच्या सर्वसाधारण सभेचे वेळापत्रक पालिकेकडून जाहीर करण्यात आला आहे. 16 फेब्रुवारी ते 16 मार्चपर्यतचे पालिकेत होणारे कार्यक्रमाचे वेळापत्रक जाहिर झाले आहे.

असा असेल कार्यक्रम

16 फेब्रुवारी – दुपारी 2.30 वाजता महानगर पालिकेची विशेष सभा होणार आहे. स्थायी समिती आणि सुधार समितीवर 26 सदस्यांची निवड करणे, बेस्ट समितीवर 16 सदस्यांची निवड करणे , विरोधी पक्ष नेत्याची निवड करणे असे कार्यक्रम आहे.

18 फेब्रुवारी – स्थायी समिती, शिक्षण समिती, सुधार समिती, बेस्ट समितीच्या पदासाठी अर्ज दाखल करणे

20 फेब्रुवारी – स्थायी समिती, शिक्षण समिती अध्यक्षांची निवड करणे .

23 फेब्रुवारी – सुधार समिती आणि बेस्ट समितीच्या अध्यक्षाची नेमणूक

24 फेब्रुवारी – पालिकेची मासिक सभा, स्व. अजित पवार यांना श्रद्धांजली वाहून सभा तहकुब केली जाईल

25 फेब्रुवारी – स्थायी समितीची साप्ताहिक सभा दुपारी 1 वाजता होणार आहे.

तर पालिकेची सभा दुपारी 3 वाजता तहकूब होईल.

1. 10 स्वीकृत सदस्यांची नेमणूक 2. वृक्ष प्राधिकरण स्थापना करून त्यावर सदस्याची नेमणूक 3. विशेष समित्या गठीत करून त्यावर सदस्यांची नेमणूक 4. सल्लागार समिती गठीत करून सदस्यांची नेमणूक

26 फेब्रुवारी – फेब्रुवारी महिन्याची तहकुब सभा दुपारी 2.30 वाजता

1. विशेष समितीवर प्रत्येकी 36 सदस्यांची नेमणूक 2. उपनगरीय प्रवासी रेल्वे समितीवर सल्लागार समितीवर एका प्रतिनिधीची नेमणूक करणे 3. छत्रपती शिवाजी महाराज वस्तू संग्रहालयाच्या विश्वस्थ मंडळावर महानगर पालिकेच्या दोन प्रतिनिधिंची नेमणूक करणे

27 फेब्रुवारी – मराठी भाषा गौरव दिन

4 मार्च – प्रभाग समितीच्या अध्यक्ष पदासाठी अर्ज दाखल करणे (17 प्रभाग समित्या)

5, 6 आणि 9 मार्च प्रभाग समितीवर अध्यक्ष नेमणूक करणे .

10 मार्च -विशेष समित्याच्या अध्यक्ष पदासाठी अर्ज दाखल करणे

1. स्थापत्य समिती (शहर) 2. स्थापत्य समिती (उपनगर) 3. सार्वजनिक आरोग्य समिती 4. बाजार आणि उद्यान समिती 5. विधी समिती 6. महिला आणि बालकल्याण समिती

12 मार्च – स्थापत्य समितीच्या अध्यक्ष आणि उपाध्यक्ष यांची निवड करणे

16 मार्च – विधी समिती, महिला बाल कल्याण समित्यांचे अध्यक्ष उपाध्यक्ष यांची निवड करणे

Follow Us
बाळासाहेब माझे दैवत, मी त्यांचा अपमान करूच शकत नाही; शायना एनसी....
Shaina NC : बाळासाहेब माझे दैवत, मी त्यांचा अपमान करूच शकत नाही; शायना एनसी यांनी मागितली महाराष्ट्राची माफी
पत्रकाराच्या अंगावर धावले काँग्रेस नेते ऋषिकेश लाड; दमदाटीचा व्हिडिओ..
Congress : पत्रकाराच्या अंगावर धावले काँग्रेस नेते ऋषिकेश लाड; सांगली जिल्हा बँकेच्या निवडणुकीवेळी दमदाटीचा व्हिडिओ व्हायरल
बुलेटवर स्वार होत एकनाथ शिंदेंची पंढरपुरात पाहणी; कार्तिकी यात्रा...
बुलेटवर स्वार होत एकनाथ शिंदेंची पंढरपुरात पाहणी; कार्तिकी यात्रेच्या तयारीचा घेतला आढावा
न्यायालयाचा आदेश तरीही 324 बकऱ्यांची विक्री? बाळूमामा देवस्थान पुन्हा
kolhapur Balumama Devasthan : न्यायालयाचा आदेश आणि SIT ची मनाई तरीही 324 बकऱ्यांची विक्री? बाळूमामा देवस्थान पुन्हा चर्चेत
शिंदे सेनेला पालघरमध्ये मोठा धक्का! माजी आमदार श्रीनिवास वनगांचा BJP..
शिंदे सेनेला पालघरमध्ये मोठा धक्का! माजी आमदार श्रीनिवास वनगांचा भाजपमध्ये प्रवेश
मालाडमध्ये शिंदेसेनेचं सोनिया गांधींविरोधात आंदोलन; सावरकरांच्या अपमान
Sanjay Nirupam : मालाडमध्ये शिंदेसेनेचं सोनिया गांधींविरोधात आंदोलन; सावरकरांच्या अपमानावरून संजय निरुपम आक्रमक
दादर रेल्वे स्थानकाला मिळणार नवी ओळख? चैत्यभूमी नामकरणाच्या हालचालींना
Dadar : दादर रेल्वे स्थानकाला मिळणार नवी ओळख? चैत्यभूमी नामकरणाच्या हालचालींना वेग!
सोनिया गांधींच्या पुस्तकात सावरकरांवर आक्षेपार्ह मजकूर; सात्यकी सावरकर
सोनिया गांधींच्या पुस्तकात सावरकरांवर आक्षेपार्ह मजकूर; सात्यकी सावरकरांचा थेट कोर्टात खेचणार असा इशारा!
करदात्यांसाठी मोदी सरकारचे मोठे बदल! PM नरेंद्र मोदी यांनी सांगितले...
करदात्यांसाठी मोदी सरकारचे मोठे बदल! पंतप्रधान नरेंद्र मोदी यांनी सांगितले कर सुधारणांचे फायदे
संजय राऊतांवरच SRA प्रकल्पांतून फायदा घेतल्याचा आरोप, नवनाथ बन यांचा..
संजय राऊतांवरच SRA प्रकल्पांतून फायदा घेतल्याचा आरोप, नवनाथ बन यांचा थेट पुरावे दाखवत दावा