Ajit Pawar : विधानसभेतले विरोधीपक्ष नेते अजित पवार? राष्ट्रवादीच्या आमदारांचा आग्रह, लवकरच होणार निर्णय

राष्ट्रवादीच्या सर्व आमदारांनी पक्षाचे अध्यक्ष शरद पवार यांना पत्र दिले आहे. आता या सर्व आमदारांच्या मागणीनुसार अजित पवार यांचे नाव विरोधीपक्ष नेतेपदासाठी जवळपास निश्चित झाल्याची चर्चा आहे.

Ajit Pawar : विधानसभेतले विरोधीपक्ष नेते अजित पवार? राष्ट्रवादीच्या आमदारांचा आग्रह, लवकरच होणार निर्णय
Follow us
| Updated on: Jul 03, 2022 | 9:52 PM

मुंबई : माजी उपमुख्यमंत्री आणि राष्ट्रवादीचे नेते अजित पवार यांनी विरोधीपक्ष नेतेपद (Opposition leader) घ्यावे, असा आग्रह राष्ट्रवादीच्या सर्व आमदारांनी केला आहे. यासाठी राष्ट्रवादीच्या सर्व आमदारांनी पक्षाचे अध्यक्ष शरद पवार यांना पत्र दिले आहे. आता या सर्व आमदारांच्या मागणीनुसार अजित पवार यांचे नाव जवळपास निश्चित झाल्याची चर्चा आहे. राष्ट्रवादीचे अध्यक्ष शरद पवार (Sharad Pawar) यांनी आमदारांची बैठक घेतली. यात वरिष्ठ नेतेदेखील होते. या बैठकीत प्रामुख्याने विधानसभा विरोधीपक्ष नेतेपदासाठीचा उमेदवार ठरवण्यात येणार होता. यात सर्वात चर्चेत असलेले नाव म्हणजे अजित पवार (Ajit Pawar) होते. त्यानंतर जयंत पाटील यांच्या नावाचीदेखील चर्चा झाली. मात्र अनेक आमदार अजित पवार यांना विरोधीपक्ष नेता करावे, या मताचे असल्याचे दिसून आले. तसे पत्रही त्यांनी शरद पवार यांना दिले आहे.

विधीमंडळाच्या कामकाजाचा दीर्घ अनुभव

अजित पवार यांना जास्त आमदारांचा पाठिंबा आहे. सरकारमध्ये असतानाही उपमुख्यमंत्री अजित पवार यांच्या दौऱ्यांचा, कामाचा आणि भाषणांचा बोलबाला राहिला. अजित पवारांचे आजचे विधानसभेतले भाषणही चांगलेच गाजले. अजित पवारांना विधीमंडळाच्या कामकाजाचा दीर्घ अनुभव आहे. सरकारला घाम फोडण्याची ताकद अजित पवार यांच्यात असल्याचे अनेक आमदारांचे मत आहे. तसेच विविध खात्यांच्या कामांचा अनुभव हा अजित पवारांच्या कामी नक्कीच येणार आहे. अजित पवारांची शिस्त, आपल्याच कार्यकर्त्यांना खडे बोल सुनावणे अशी आक्रमकतादेखील त्यांच्यात आहे. या सर्व बाबी पाहता त्यांचा धडाडीपणा आणि अनुभव पाहून त्यांना विरोधीपक्ष नेतेपदाची माळ पडणार असल्याचे बोलले जात आहे.

हे सुद्धा वाचा

चर्चेतील आणखी एक नाव

अजित पवार यांच्यानंतर सर्वाच चर्चेतील नाव म्हणजे जयंत पाटील. विरोधीपक्ष नेते निवडीची जबाबदारी शरद पवारांनी चार नेत्यांवर सोपवली आहे. विरोधीपक्ष नेते पदासाठी अजित पवार, जयंत पाटील, हसन मुश्रीफ आणि सुनील तटकरे यांनी एकत्र बसून नाव निश्चित करण्याचे आदेश शरद पवारांनी दिले आहेत. त्यामुळे उद्या सकाळपर्यंत नाव निश्चित होणार असल्याचे बोलले जात आहे.

Non Stop LIVE Update
मविआ 48 जागा लढणार आणि त्या जिंकणार, संजय राऊत यांचा आत्मविश्वास
मविआ 48 जागा लढणार आणि त्या जिंकणार, संजय राऊत यांचा आत्मविश्वास.
काँग्रेसच्या 5 जागी मैत्रीपूर्ण लढती ? कोणत्या जागांवर काँग्रेस ठाम?
काँग्रेसच्या 5 जागी मैत्रीपूर्ण लढती ? कोणत्या जागांवर काँग्रेस ठाम?.
आगे आगे देखो..., अंबादास दानवे यांचा उल्लेख करत काय केलं सूचक वक्तव्य?
आगे आगे देखो..., अंबादास दानवे यांचा उल्लेख करत काय केलं सूचक वक्तव्य?.
संजय राऊत आघाडीत बिघाडी करीत आहेत, प्रकाश आंबेडकर यांचा थेट आरोप
संजय राऊत आघाडीत बिघाडी करीत आहेत, प्रकाश आंबेडकर यांचा थेट आरोप.
प्रकाश आंबेडकर यांची मोठी रणनिती, नव्या आघाडीबद्दल दिले संकेत; म्हणाले
प्रकाश आंबेडकर यांची मोठी रणनिती, नव्या आघाडीबद्दल दिले संकेत; म्हणाले.
उदयनराजे यांच्या विरोधात पवार कोणाला देणार तिकीट ? काय म्हणाले पवार ?
उदयनराजे यांच्या विरोधात पवार कोणाला देणार तिकीट ? काय म्हणाले पवार ?.
वसंत मोरे वंचितच्या तिकिटावर लोकसभा निवडणूक लढणार?
वसंत मोरे वंचितच्या तिकिटावर लोकसभा निवडणूक लढणार?.
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?.
आता नाही तर कधी ? हातकणंगलेतून लढण्याचा राहुल आवाडे यांचा निर्धार
आता नाही तर कधी ? हातकणंगलेतून लढण्याचा राहुल आवाडे यांचा निर्धार.
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ.