मी विसरायला लागलो…; LIVE भाषणात अमित ठाकरे देशाच्या परिेस्थितीवर बोलता बोलता अचानक ब्लँक, स्टेजवरून निघून गेले, VIDEO
अमित ठाकरे मनसे विद्यार्थी मेळाव्यात भाषण देताना भावूक झाल्याने काही क्षण ब्लँक झाले आणि भाषण विसरले. ‘मी परत येतो’ असे सांगून ते स्टेजवरून निघून गेले. मात्र, अवघ्या दहा मिनिटांत परत येऊन त्यांनी राज्य आणि केंद्र सरकारवर जोरदार टीका केली.
मनसेच्या विद्यार्थी सेनेचा मुंबईत मेळावा सुरू आहे. या मेळाव्याला अमित ठाकरे मार्गदर्शन करत होते. पण मार्गदर्शन करता करता अमित ठाकरे भाषणच विसरले. अमित ठाकरे देशाच्या आणि राज्याच्या परिस्थितीवर बोलत होते. बोलता बोलता त्यांना भरून आलं. भावूक झाले. त्यामुळे थोडावेळ काय बोलायचं हेच सूचेना. ते ब्लँक झाले आणि मी भाषण विसरलो. परत येतो, असं सांगून अमित ठाकरे चक्क निघून गेले. त्यामुळे मनसे सैनिकही आवाक् झाले. पण एक 10 मिनिटानंतर अमित ठाकरे परत स्टेजवर आले आणि तडाखेबंद भाषण करत राज्य आणि केंद्र सरकारवर जोरदार टीका केली.
मनसे विद्यार्थी सेनेचा मेळावा मुंबईत सुरू आहे. या मेळाव्याला प्रचंड गर्दी जपली आहे. या मेळाव्याला अमित ठाकरे संबोधित करण्यासाठी उभे राहिले. अमित ठाकरे स्टेजवर येताच जोरदार घोषणाबाजी सुरू झाली. त्यांनी अंगातलं जॅकेट काढलं. लव यू टू म्हणाले. हसले. नमस्कार केला. थोड्या घोषणा द्या म्हणजे माझं भाषण अटपेल, असं अमित ठाकरे मिश्किलपणे म्हणाले. त्यांनी हे आवाहन करताच मनसे सैनिकांनी घोषणा द्यायला सुरुवात केली. त्यावर अरे मी मजाक केली, असं अमित ठाकरे म्हणाले आणि त्यांनी आपल्या भाषणाला सुरुवात केली.
राज साहेबांचा मुलगा नसतो तर…
आपला कार्यक्रम सुरू व्हायच्या आधी ज्या ज्या तरुणांनी तरुणींनी आंदोलन करून केंद्रातला राजीनामा घेतला. त्यांच्यासाठी त्यांच्या पालकांसाठी जोरदार टाळ्या वाजवा. मी जेन्यूअनली सांगतो, मी राज साहेबांचा मुलगा आहे म्हणून मी राजकारणात आहे. राज साहेबांचा मुलगा नसतो तर मी राजकारणात नसतो. मी जाणूनबुजून सांगतो. राज साहेब माझे वडील आहे म्हणून नाही. राजकारणात आहेत म्हणून नाही. माणूस प्रामाणिक आहे. तुमच्यासारखे सहकारी मिळाले नसते तर राजकारणात टिकलो नसतो हे छाती ठोकपणे सांगतो, असं अमित ठाकरे म्हणाले.
तुमच्यामुळेच…
जेन्यूअनली सांगतो. आपली जी काही आंदोलने झाली, मला पक्षात पद मिळालं. त्यानंतर आपण महाराष्ट्राचा दौरा केला. अनेक तरुण तरुणींना भेटलो. तुम्ही आपल्या युनिट स्थापनेचा कार्यक्रम चांगला राबवला. त्यामुळे आपण इथपर्यंत आलो. मला माहीत नाही मी तुमच्याशिवाय काय केलं असतं, असं नम्रपणे त्यांनी सांगितलं.
अन् ब्लँक झाले
जेन्युअनली सांगतो. आपण आजवरची आंदोलने विसरले पाहिजे. तुम्हाला आठवतं पण मला वाटतं विसरलो पाहिजे. आपण यश मिळेपर्यंत आंदोलन केलं. थांबलो नाही. आपण ही आंदोलने विसरलं पाहिजे. पुढे गेलं पाहिजे. देशाची, राज्याची परिस्थिती काय झाली हे पाहिलं पाहिजे. आता विसरलं पाहिजे. मी जेन्यूअनली सांगतो… आता.. अं… मी विसरायला लागलो… जेन्यूअनली… मी विसरायला लागलो. मला सूचत नाहीये. मी येतो परत थांबा, असं म्हणत अमित ठाकरे यांनी स्टेज सोडला.
