Stock market : शेअर मार्केटचा बिग बुल कोट्यवधींना बुडाला, राकेश झुनझुनवालांना 753 कोटींचा फटका

मुंबई : कोरोनाच्या नव्या व्हेरिएंटनं शेअर बाजार सतत कोसळत असतानाच शेअर मार्केटमधील बिग बुल म्हणून ओळखल्या जाणाऱ्या राकेश झुनझुनवालांनी मोठा फटका बसला आहे. शेअर बाजारात झुनझुनवालाचं अवघ्या एका आठवड्यात तब्बल 753 कोटींचं नुकसान झालंय. त्यामुळे अनेक गुंतवणूकदार चिंतेत आहेत. गुंतवणूकरांसाठी  गेला शुक्रवार जणू ‘ब्लॅक फ्रायडे’ ठरला आहे. टायटन कंपनीचा शेअर काही टक्क्यांनी पड्ल्यांने राकेश झुनझुनवालांनाही मोठं नुकसान झालं आहे.

राकेश झुनझुनवालांच्या संपतीत मोठी घट

टायटन कंपनीचा शेअर घसरल्यानं राकेश झुनझुनवाला यांच्या संपतीतही मोठी घट झाली आहे. प्रतिशेअर 174 रुपये म्हणजेच जवळपास 7 टक्क्यांनी आठवडाभरात घसरण झाली आहे. टाटा समूहाच्या या कंपनीत राकेश झुनझुनवाला आणि त्यांच्या पत्नीची भागिदारी आहे. राकेश झुनझुनवाला आणि रेखा झुनझुनवाला यांच्याकडे कंपनीचे साधारणपणे साडेचार टक्के शेअर आहेत. प्रतिशेअर 174 रुपयांचं नुकसान झाल्यानं झुनझुनवालांना एकूण 153 कोटींचा फटका बसला आहे.

मुंबई शेअर बाजारातही मोठी घसरण

शेअर बाजारातील घसरणीचा फटका फक्त राकेश झुनझुनवालांनाच नाही बसला. अनेक छोट्या-बड्या गुंतवणूकरांचं कोट्यवधींचं नुकसान झालं आहे. अनेक कंपन्यांच्या शेअरमध्ये मोठी घसरण झाली आहे. त्यामुळे गेल्या काही दिवसात सर्व गुंतवणूकदारांचं मिळून जवळपास 16 हजार कोटींचं नुकसान झालंय. त्यामुळे ही घसरण थांबणार की  कोरोनाच्या नव्या व्हेरिएंटमुळे ही घसरण आणखी वाढणार हे पाहणं महत्वाचं ठरणार आहे.

अमेरिका आणि जपानमधील शेअर बाजारालाही फटका

दक्षिण अफ्रिकेत ओमिक्रोन व्हेरिएंट आढल्यानं त्याचा फटका अमेरिका आणि जपानमधील शेअर बाजारालाही बसला आहे. जपान आणि अमेरिकेतही गुतवणूकरांचं कोट्यवधी रुपयाचं नुकसान झाल्याची माहिती समोर आली आहे.

Vicky Kaushal-Katrina Kaif Wedding | संगीत, मेहंदी अन् शाही विवाह, ‘या’ दिवशी रंगणार कतरिना-विकीच्या लग्नाचे सोहळे!

IPL 2022: रोहित, विराट, धोनीचा ऑक्शनमध्ये सहभाग अशक्य, CSK, MI, DC, RCB, KKR कोणते खेळाडू रिटेन करणार?

TV9 च्या Dare2Dream अवॉर्ड्समध्ये MSME मंत्रालयाचे सचिव बी.बी. स्वॅईन मार्गदर्शन करणार