उद्योगपती हिरानंदानी यांची 10 तासांपेक्षा जास्त ED चौकशी, बाहेर आल्यावर पाहा म्हणाले…
ED investigation of industrialist Niranjan Hiranandani : उद्योगपती निरंजन हिरानंदानी यांची ईडी चौकशी संपली आहे. तब्ब्ल दहा तास त्यांची चौकशी सुरू होती, चौकशीनंतर हिरानंदानी काय म्हणाले जाणून घ्या.
मुंबई : रिअल इस्टेट टायकून आणि उद्योगपती निरंजन हिरानंदानी यांची ईडी चौकशी सुरू होती. ईडीकडून 10 तासांपेक्षाही अधिक काळ चौकशी झाली. (ED investigation of industrialist Niranjan Hiranandani) सोमवारी सकाळी 11.30 वाजल्यापासून त्यांना चौकशीसाठी सुरू झाली ते आता रात्री 10.30 वाजता चौकशी संपली आहे. फेमा (फॉरेन एक्स्चेंज मॅनेजमेंट ॲक्ट) च्या उल्लंघनाच्या चौकशीसंदर्भात हजर झाले होते. आम्ही चौकशीला सहकार्य केलं असून ईडीच्या अधिकाऱ्यांनी विचारलेल्या असंख्य प्रश्नांना मी उत्तर दिली असल्याची प्रतिक्रिया हिरानंदानी यांनी दिली आहे.
नेमका काय आरोप?
फेमा (फॉरेन एक्स्चेंज मॅनेजमेंट ॲक्ट) च्या उल्लंघनाच्या चौकशीसंदर्भात हजर झाले. गेल्या महिन्यात ईडीच्या अधिकाऱ्यांनी निरंजन हिरानंदानी आणि दर्शन हिरानंदानी यांच्या मुंबईतील परिसर आणि इतर काही ठिकाणी शोधमोहीम राबवली होती. यानंतर दोघांनाही या प्रकरणातील जबाब नोंदवण्यासाठी ईडीच्या अधिकाऱ्यांसमोर हजर राहण्याचे समन्स बजावण्यात आलं होतं.
महाराष्ट्र आणि तामिळनाडूमध्ये रिअल इस्टेट प्रकल्प असलेल्या हिरानंदानी समूहाच्या कंपन्यांना एफडीआय (परकीय थेट गुंतवणूक) म्हणून 400 कोटी रुपये मिळाले. या रकमेचा वापर विहित सरकारी निर्देशानुसार झाला नसल्याचाही आरोप आहे. आयकर विभागाने मार्च 2022 मध्ये मुंबई, बेंगळुरू आणि चेन्नई या तीन शहरांमध्ये पसरलेल्या हिरानंदानी ग्रुपच्या जवळपास 25 ठिकाणांवर छापे टाकले होते.
