चष्माला अलविदा…देशी कंपनीने आणला आय ड्रॉप, औषध टाकल्यावर विना चष्मा भन्नाट वाचा
प्रसिद्ध नेत्र तज्ज्ञ डॉक्टर तात्याराव लहाने यांनी सांगितले की, या औषधाचा परिणाम सहा तास राहतो. सहा तासांत पुन्हा एक ड्रॉप टाकल्यास आणखी तीन तास ही समस्या सुटू शकते. म्हणजे नऊ तास विना चष्मा आपण राहू शकतो. त्या काळात वाचन किंवा कार्यालयात कामे करता येतात.
चष्मा असणे काहींना आवडत नाही. त्यामुळे काही जण लेन्सचा पर्याय स्वीकारतात. देशातील अब्जावधी लोकांना चष्माचा वापर करावा लागतो. परंतु सर्वांना लेन्स वापरणे शक्य होत नाही. आता मुंबईतील एका कंपनीने चष्मापासून सुटका करुन देणारे औषध बनवले आहे. या कंपनीने बनवलेल्या आय ड्रॉपमुळे चष्माची गरज पडणार नाही. एंटोड फार्मास्यूटिकल्सकडून PresVu आय ड्रॉप विकसित केले आहे. DCGI ने एका नव्या आय ड्रॉपला मान्यता दिली आहे. या आयड्रॉपच्या एका थेंबामुळे दृष्टी सुधारत असल्याचा दावा कंपनीने केला आहे.
वयानुसार होते दृष्टी कमी
प्रेसबायोपियाचा उपचार हे आय ड्रॉप करणार आहे. प्रेसबायोपिया वयानुसार होणार आजार आहे. 40 वर्षानंतर ही समस्या सुरु होते. यावेळी जवळचे वाचताना ही समस्या येते. त्यासाठी काही जण लेसरची शस्त्रक्रिया करतात. परंतु त्यात अजून प्रगती झाली नाही. आता एंटोड फार्मास्यूटिकल्स कंपनीने या आजारावर देशातील पहिलेच औषध आणल्याचा दावा केला आहे.
डोळ्यांना मिळणार आराम
PresVu आय ड्रॉपमध्ये एक विशेष फॉर्मूला वापरला आहे. त्यामुळे फक्त चष्मा वापरण्यापासून सुटका मिळणार नाही तर डोळेही ओलसर राहणार आहे. त्यामुळे डोळ्यांना आरामही मिळणार आहे. डॉक्टर धनंजय बाखले यांनी PresVu आय ड्रॉप मोठी उपलब्धी असल्याचे सांगत आहेत. यामध्ये एडवांस्ड डायनामिक बफर टेक्नोलॉजीचा वापर केला आहे. हे आय ड्रॉप लवकरच बाजारात येणार आहे. परंतु डॉक्टरांकडे डोळ्यांची तपासणी करुन त्यांच्या सल्ल्यानंतर याचा वापर करण्याचा सल्ला डॉक्टरांनी दिला आहे.
तात्याराव लहाने यांनी स्पष्टपणे सांगितले…
प्रसिद्ध नेत्र तज्ज्ञ डॉक्टर तात्याराव लहाने यांनी सांगितले की, या औषधाचा परिणाम सहा तास राहतो. सहा तासांत पुन्हा एक ड्रॉप टाकल्यास आणखी तीन तास ही समस्या सुटू शकते. म्हणजे नऊ तास विना चष्मा आपण राहू शकतो. त्या काळात वाचन किंवा कार्यालयात कामे करता येतात. हे आय ड्रॉप कायमस्वरुपी चष्मा घालवण्यासाठी नाही. केवळ काही तास विना चष्मा यामुळे आपण राहू शकते. हे औषध वापरण्यापूर्वी डॉक्टारांचा सल्ला घ्यावा. या औषधाचे काही दुष्परिणाम आहे. त्यात डोकेदुखी किंवा डोळे लाल होणे हे दुष्परिणाम होणार आहे, असे नेत्रतज्ज्ञ डॉ.तात्याराव पी. लहाने यांनी सांगितले.
