AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

अनेक हायप्रोफाईल खटल्यांची सुनावणी अंतिम टप्प्यात असताना मुंबई सत्र न्यायालयाच्या न्यायाधीशांची बदली

अनेक हायप्रोफाईल खटल्यांची सुनावणी अंतिम टप्प्यात असताना मुंबई सत्र न्यायालयाचे न्यायाधीश राहुल रोकडे यांची बदली करण्यात आली आहे. त्यामुळे अनेकांच्या भुवया उंचावल्या आहेत. न्यायाधीश राहुल रोकडे यांनी विधानसभा अध्यक्षांना 3 हजारांचा दंड ठोठावला होता. तसेच मंत्री भुजबळांना वॉरंटचा इशारा दिला होता. असे अनेक हायप्रोफाईल खटले रोकडे यांच्या न्यायालयासमोर सुरु होते.

अनेक हायप्रोफाईल खटल्यांची सुनावणी अंतिम टप्प्यात असताना मुंबई सत्र न्यायालयाच्या न्यायाधीशांची बदली
Chetan Patil
Chetan Patil | Updated on: Jun 30, 2024 | 7:05 PM
Share

मुंबई सत्र न्यायालयातील न्यायाधीश राहुल रोकडे यांची बदली झाली आहे. रोकडे अनेक सत्ताधारी आमदार आणि मंत्र्यांविरोधातील खटल्यांचे न्यायाधीश होते. शिखर बँक घोटाळा, महाराष्ट्र सदन, भोसरी भुखंड घोटाळा या प्रकरणाचे खटले रोकडे यांच्या काळात अंतिम टप्प्यात होते. असं असताना त्यांची बदली करण्यात आली आहे. न्यायाधीश राहुल रोकडे शिखर बँक घोटाळा प्रकरणी 12 जुलैला सुनावणी घेणार होते. याच दरम्यान रोकडे यांची दिंडोशी येथील सत्र न्यायालयात बदली झाली आहे. न्यायाधीश राहुल रोकडे यांनी नुकतंच एका सुनावणीवेळी विधानसभा अध्यक्ष राहुल नार्वेकर यांना एका प्रकरणात 3 हजार रुपयांचा दंड ठोठावला होता. तसेच राज्य मध्यवर्ती ग्रंथालय घोटाळा प्रकरणी मंत्री छगन भुजबळ यांना वॉरंटचा इशाराही दिला होता. विशेष म्हणजे शिखर बँक घोटाळा प्रकरणात मुंबई पोलिसांनी अजित पवारांना क्लिन चिट दिली आहे. पण त्याविरोधात ईडीने कोर्टात धाव घेतली आहे. याच प्रकरणी आता येत्या 12 जुलैला सुनावणी होणार होती. पण त्याआधीच न्यायाधीश राहुल रोकडे यांची बदली करण्यात आली आहे.

दरम्यान, राहुल नार्वेकर यांना दंड ठोठावण्यात आलेलं प्रकरण काहीसं वेगळं होतं. महाविकास आघाडी सरकार असताना वीजदरवाढीविरोधात भाजपकडून आंदोलन करण्यात आलं होतं. या आंदोलनादरम्यान बेस्टच्या महाव्यवस्थापकांना मारहाण करण्यात आली होती. या मारहाण प्रकरणी भाजपच्या 20 पदाधिकाऱ्यांविरोधात मुंबई सत्र न्यायालयात खटला सुरु होता. या खटल्यात 20 पदाधिकाऱ्यांमध्ये राहुल नार्वेकर यांचंही नाव होतं. पण राहुल नार्वेकर या प्रकरणाच्या सुनावणीत सातत्याने गैरहजर राहिल्याने त्यांना न्यायाधीशांनी 3 हजारांचा दंड ठोठावला होता.

राहुल रोकडे यांच्या न्यायालयात हायप्रोफाईल प्रकरणांची सुनावणी

  • न्यायाधीश राहुल रोकडे यांच्यासमोरील सर्वात महत्त्वाचा खटला म्हणजे शिखर बँक घोटाळा प्रकरण. या प्रकरणात उपमुख्यमंत्री अजित पवार यांचंदेखील नाव आहे. या प्रकरणाचा खटला आता अंतिम टप्प्यावर आला होता. विशेष म्हणजे राहुल रोकडे हे येत्या 12 जुलैला या प्रकरणावर सुनावणी घेणार होते. पण या सुनावणीआधीच त्यांची दिंडोशी येथील सत्र न्यायालयात बदली झालीय.
  • राहुल रोकडे यांच्यासमोर मंत्री छगन भुजबळ यांच्याविरोधातील खटला देखील सुरु होता. भुजबळ यांच्या विरोधातील महाराष्ट्र सदन घोटाळा आणि कलिना मध्यवर्ती ग्रंथालय घोटाळा यांचादेखील समावेश होता.
  • विशेष म्हणजे आमदार एकनाथ खडसे यांच्यावर आरोप झाल्या प्रकरणी तसेच ते आरोपी असलेल्या भोसरी भुखंड घोटाळ्या प्रकरणाचा खटलादेखील राहुल रोकडे यांच्याच खंडपीठासमोर सुरु होता.
  • याशिवाय माजी गृहमंत्री अनिल देशमुख यांच्याविरोधातील प्रकरणही राहुल रोकडे यांच्यासमोर न्यायप्रविष्ठ होतं.
  • माजी खासदार नवनीत राणा आणि आमदार रवी राणा यांच्या विरोधातील हनुमान चालिका प्रकरणाचा खटलाही अद्याप प्रलंबित होता. हा खटलाही आता सुनावणीसाठी अंतिम टप्प्यात होता. असं असताना न्यायाधीश राहुल रोकडे यांची बदली करण्यात आली आहे.
Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी