AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

आरे कॉलनीत 64 वर्षांच्या आजीवर बिबट्याचा हल्ला, आजीने काठीने बिबट्याचं तोंड फोडलं, व्हिडीओ व्हायरल

आजीने शौर्य दाखवलं आणि हातातल्या काठीने बिबट्यावर हल्ला केला. बिबट्याच्या तोंडावर काठीचे वार झाल्यानंतर बिबट्या घाबरला, आणि त्याने तिथून पळ काढण्यातच शहाणपणा समजला.

आरे कॉलनीत 64 वर्षांच्या आजीवर बिबट्याचा हल्ला, आजीने काठीने बिबट्याचं तोंड फोडलं, व्हिडीओ व्हायरल
आरे कॉलनीमध्ये एका बिबट्याने 64 वर्षांच्या वृद्ध महिलेवर हल्ला केला
| Edited By: Nupur Chilkulwar | Updated on: Sep 30, 2021 | 11:58 AM
Share

मुंबई: आरे कॉलनीमध्ये एका बिबट्याने 64 वर्षांच्या वृद्ध महिलेवर हल्ला केला आहे. या हल्ल्यात ही महिला किरकोळ जखमी झाली आहे, सध्या या महिलेवर रुग्णालयात उपचार सुरु आहेत. मात्र, बिबट्याने हल्ला केला तेव्हा या महिलेने जबरदस्त शौर्याचं प्रदर्शन केलं, आणि आपल्या काठीने मारुन बिबट्याला पळवून लावलं. ही सगळी घटना सीसीटीव्ही कॅमेऱ्यात कैद झाली आहे. गेल्या 15 दिवसांत बिबट्याने हल्ला केल्याची ही सहावी घटना आहे. ( old woman-injured-in-leopard-attack-in-aarey-colony-in-goregaon-mumbai-borivali National Park )

घटना नक्की कशी घडली?

या 64 वर्षांच्या आजीबाई आपल्या घराच्या पडवीमध्ये बसल्या होत्या, त्यांच्या हातात आधारासाठी काठी होती. तेवढ्यात झुडूपातून बिबट्याने आजीवर हल्ला केला. हल्ला मागून झाल्याने आधी आजीला काहीच कळालं नाही, मात्र नंतर हा बिबट्याचा हल्ला असल्याचं आजीच्या लक्षात आलं, त्यानंतर आजीने शौर्य दाखवलं आणि हातातल्या काठीने बिबट्यावर हल्ला केला. बिबट्याच्या तोंडावर काठीचे वार झाल्यानंतर बिबट्या घाबरला, आणि त्याने तिथून पळ काढण्यातच शहाणपणा समजला. आजीचा आरडाओरडा ऐकल्यानंतर आजूबाजूचे लोक तिथं आले आणि जखमी आजीला रुग्णालयात दाखल केलं. गोरेगाव पूर्वच्या आरे कॉलनीतील सीईओ कार्यालयाबाहेरच्या भागात बुधवारी रात्री 8 च्या सुमारास हा सगळा प्रकार घडला.

पाहा व्हिडीओ:

4 वर्षांच्या मुलावरही बिबट्याचा हल्ला

आरे कॉलनीत बिबट्यांचे माणसांवरील हल्ले सध्या वाढलेले दिसत आहे. 2 दिवसांपूर्वी आरे कॉलनीच्या युनीट क्रमांक 3 च्या सरकारी क्वार्टरमध्ये राहणाऱ्या आयुष कुमार यादव याच्यावरही बिबट्याने हल्ला केला होता. त्यात तो बचावला, मात्र, आता पुन्हा एकदा बिबट्याने याच परिसरात वृद्ध महिलेवर हल्ला केला आहे. मात्र, महिलेने शौर्य दाखवल्यामुळे बिबट्याला परतावं लागलं. गेल्या 15 दिवसांत या परिसरात तब्बल 6 वेळा बिबट्याने माणसांवर हल्ले केले आहेत.

बिबट्या माणसाला शिकार मानतो का?

बिबट्यांवर संशोधन करणाऱ्या शास्रज्ञांच्या मते, बिबट्या माणसाला शिकार मानत नाही, उलट माणसांपासून लांबच राहण्याचा प्रयत्न करतो. मात्र, जेव्हा त्याला एकादा व्यक्ती बसलेला, वा जमिनीवर खेळणारं बाळ दिसतं, त्याला तो माणूस नाही, तर प्राणी वाटतो, याच भ्रमातून बिबट्या माणसांवर हल्ला करतो.

कुत्र्यांच्या शोधात बिबटे मानवी वस्तीत!

बोरीवली नॅशनल पार्क परिसरात भटक्या कुत्र्यांच्या प्रमाण खूप जास्त आहे. शहरातील भटके कुत्रे पकडून प्रशासन इथं सोडत असल्याचा आरोप याआधीही स्थानिकांकडून झाला आहे. हेच भटके कुत्रे बिबट्यांचं आवडतं खाद्य बनत चाललं आहे. बिबटे शक्यतो अशा कुत्र्यांच्या शोधात जंगलातून बाहेर येतात, कारण, हरीण वा ससापेक्षा कुत्र्यांना पकडणं सोपं असतं, हेच पाहता बिबटे मानवी वस्तीत शिरतात. त्यामुळे मानव-बिबट्या संघर्ष वाढतो, याशिवाय, आरेच्या जंगलाला चारही बाजूने माणसांनी पोखरलं आहे, इथं जंगल तोडून वस्त्या उभ्या राहिल्या आहेत, झोपडपट्ट्या तयार झाल्या आहेत, म्हणजे बिबट्याच्या घरात अतिक्रमण होत आहे, त्यामुळेही माणूस- बिबट्या संघर्ष उभा राहत आहे.

हेही वाचा:

Video: आरे मेट्रो कारशेडच्या पत्र्याजवळ बिबट्याचं गोंडस पिल्लू, वनविभागाकडून पिल्लू रेस्क्यु, व्हिडीओ व्हायरल!

Mumbai School reopen guidelines : 4 तारखेपासून शाळा सुरु, एका बेंचवर एक विद्यार्थी, पालकांची परवानगी गरजेची, संपूर्ण नियमावली!

Follow Us
डिलिमिटेशन विधेयकावर नताशा आव्हाड आक्रमक; स्वतःच्याच पक्षाच्या विरुद्ध
मोठी बातमी! डिलिमिटेशन विधेयकावर नताशा आव्हाड आक्रमक; स्वतःच्याच पक्षाच्या विरुद्ध...
मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान...
Sanjay Raut : मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान, राऊतांच्या दाव्याने खळबळ
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजप...
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजपलाही टाकलं मागे!
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे...
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे महाराष्ट्राचे लक्ष!
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...