अभिनेत्रीचा पती होण्यापेक्षा नवाब मलिकची मुलगी असल्याचा अभिमान, सना मलिकचा टोला
अणुशक्तीनगरमधून विधानसभा निवडणुकीच्या रिंगणात नवाब मलिक यांची मुलगी सना मलिक निवडणूक लढवत आहे. तर त्यांच्या विरोधात स्वरा भास्करचा पती फवाद अहमद रिंगणार आहे. त्यामुळे कांटे की टक्कर आहे. फवाद अहमद शरद पवार गटातून निवडणूक लढवत आहे.
महाराष्ट्रात निवडणुकीची घोषणा झाली असून पुढील महिन्यात २० नोव्हेंबरला मतदान होणार आहे. राष्ट्रवादी काँग्रेस अजित पवार गटाच्या उमेदवार सना मलिक या अणुशक्तीनगर मतदारसंघातून निवडणूक लढवत आहेत. त्यांनी सोमवारी आपला उमेदवारी अर्ज देखील दाखल केलाय. यावेळी वडील नवाब मलिक आणि मोठी बहीणही देखील त्यांच्यासोबत उपस्थित होते.
अणुशक्तीनगर मतदारसंघातून सना मलिक यांच्या विरोधात शरद पवार गटाचे फहाद अहमद निवडणूक लढवत आहेत. फहाद हे आधी समाजवादी पक्षात होते. टाटा इन्स्टिट्यूट ऑफ सोशल सायन्सचे माजी विद्यार्थी फहाद अहमद यांनी सीएए-एनआरसी आणि एनपीआर सारख्या मुद्द्यांवर आवाज उठवला होता. त्यानंतर 16 फेब्रुवारी 2023 रोजी त्यांनी अभिनेत्री स्वरा भास्करसोबत लग्न केले होते.
फहादवर निशाणा साधत असताना सना मलिक म्हणाली की, नवाब मलिकची मुलगी असल्याचा मला अभिमान आहे. एखाद्या अभिनेत्रीचा नवरा होण्यापेक्षा हे बरे. नवाब मलिकची मुलगी अणुशक्तीनगरची मुलगी होऊ शकते. सना म्हणाली की, तिने या क्षेत्रात काम केले आहे आणि तिच्या रॅलीमध्ये तिला ज्याप्रकारे पाठिंबा मिळाला तो त्याचा पुरावा आहे.
शरद पवार गटाने फहाद यांना उमेदवारी दिल्यावर सना म्हणाले की, हे राजकारण आहे. शत्रू नाही. ते फक्त विरोधक आहेत. सध्या ते प्रतिस्पर्धी आहेत. पॅराशूटने येथे उतरलेल्या उमेदवाराला त्यांनी उमेदवारी दिली आहे. त्यांच्याबद्दल माझ्याकडे बोलण्यासारखे फारसे काही नाही.
सना मलिक पुढे म्हणाली की, मी फहादबद्दल काही बोलणार नाही पण मी एवढेच सांगेन की, इथले लोकं मला नवाब मलिकची मुलगी म्हणून ओळखतात. पण मी त्यांच्या घरी जाऊन चहा पिते आणि त्यांच्या समस्या ऐकते.’ नवाब मलिक महाविकास आघाडी सरकारमध्ये असताना त्यांच्यावर मनी लाँड्रिंगचे आरोप झाले होते. विरोधकांवर दबाव टाकण्यासाठी भाजप सीबीआय आणि ईडीसारख्या केंद्रीय संस्थांचा वापर करते असा आरोप त्यांनी केला होता. नवाब मलिक हे सध्या अजित पवार गटासोबत आहेत.
स्वरा भास्करचे पती फहाद अहमद यांनी नुकताच शरद पवार यांच्या पक्षात प्रवेश केलाय. त्यानंतर त्यांना अणुशक्तीनगरमधून उमेदवारी देण्यात आली. अहमद म्हणाले होते की, ही लोकशाही आहे, इथे घराणेशाही चालणार नाही. नवाब मलिक यांनी मतदारसंघात काम केलेले नाही. त्यांची मुलगी सना मलिक यांनी त्यांच्या नावावर निवडणूक लढवावी. फहाद अहमद यापूर्वी समाजवादी पक्षात होते.
