Rohit Pawar: अजितदादांचा विमान अपघात, एकनाथ शिंदेंच्या बाबतही तोच प्रकार? रोहित पवारांचा मोठा बॉम्ब, काळजाला कापरं भरणार, दावा काय?

Rohit Pawar on Eknath Shinde: आमदार रोहित पवार हे दिवंगत अजितदादांच्या विमान अपघातावर वारंवार शंका उपस्थित करत आहेत. अपघाताचा घटनाक्रम आणि एका महिन्यानंतर यासंबंधीत चौकशी करणाऱ्या विविध संस्थांच्या कारभारावर त्यांनी ताशेरे ओढले आहे. कुणाच्या तरी दबावाखाली हा प्रकार घडल्याचा त्यांचा गंभीर आरोप आहे. दादांचा घातपात झाल्याचा त्यांचा संशय आहे. त्यादृष्टीने त्यांनी आज चौथी पत्रकार परिषद घेतली. आजच्या पत्रकार परिषदेत ही त्यांनी अनेक दावे केले. त्यामुळे खळबळ उडाली आहे. तर अजितदादांसारखाच प्रकार उपमुख्यमंत्री एकनाथ शिंदे यांच्याबाबत घडणार होता असा दावा त्यांनी केल्याने शिवसैनिक आणि आमदारांच्या काळजाचा थरकाप उडाला आहे. काय आहे त्याचा हा स्फोटक दावा?

एकनाथ शिंदेंबाबत तोच प्रकार?

VSR कंपनीच्या काराभाराबाबत रोहित पवार यांनी घणाघाती टीका केली आहे. व्हीएसआर कंपनीने उपमुख्यमंत्री एकनाथ शिंदे यांचा जीव धोक्यात आणल्याचा दावा रोहित पवार यांनी केला आहे. “कोणतंही कुठेही जात असेल तर फ्लाईट प्लान द्यावा लागतो. आंतरराष्ट्रीय प्रवास असेल तर दुसऱ्या देशांची परवानगी घेतली जाते. पण नाही घेतली तर विमान पाडलं जाऊ शकतं. एकनाथ शिंदे दावोसला जात असतानाच असं काही झालं. इराणमधून त्यांचं विमान गेलं. तुम्ही आताच्या आता नाही वळला तर तुमचं विमान पाडू, असं इराणने म्हटलं होतं. त्यात एकनाथ शिंदे बसले होते. इराणवरून इराकला विमान गेलं. इराकनेही तेच केलं. एकनाथ शिंदेंच्या बाबतही तोच प्रकार होणार होता का? याबाबतची माहिती डीजीसीएने प्रसिद्ध केली का. एकनाथ शिंदे सांगू शकतील का. पण आमच्याकडे माहिती आहे. परत ते विमान बहरीनला आणलं आणि सर्व परवानग्या घेऊन मग विमानाचं उड्डाण झालं.” असा स्फोटक दावा आमदार रोहित पवार यांनी केला.

VSR कंपनी इतकी बेजबाबदार आहे, त्याचा अनुभव 2023 मध्ये एकनाथ शिंदेंना आला. 16 ते 20 जानेवारी 2023 दरम्यान तत्कालीन मुख्यमंत्री एकनाथ शिंदे यांचा दावोसला प्रवास झाला होता. मुंबईहून उड्डाण केल्यानंतर पहिल्यांदा इंधन भरण्यासाठी बहरीन येथे थांबले. बहारीन वरून ते झुरिच येथे जायला निघाले. त्यावेळी इराणच्या फायटर जेटने आम्ही विमान पाडू असं सांगितल होतं. यात एकनाथ शिंदे बसले होते. त्यानंतर इराकच्या हद्दीत गेल्यावर देखील इराकने विमान पडू असं सांगितलं होतं. एवढे निष्काळजी हे VSR चे लोक आहेत, असा आरोप रोहित पवार यांनी केला.

एकनाथ शिंदेंचा जीव धोक्यात?

वीएसआर संदर्भात नवी धक्कादायक माहिती समोर या निमित्ताने समोर आली आहे. VSR चा बेजबाबदारपणा उघड झाला आहे. मुख्यमंत्री असताना एकनाथ शिंदेंचा जीव होता धोक्यात असल्याची माहिती आता समोर आली आहे. एकनाथ शिंदे हे 20 जानेवारी 2023 रोजी दावोस दौऱ्यावर जाताना इराण आणि इराककडून ओव्हरफ्लाईट परवानगी नसताना हवाई क्षेत्रात विमान टाकल्याची माहिती समोर आली आहे. दोन्ही देशांकडून फायटर प्लेनने शिंदेंचं विमान पाडू असा इशारा दिला होता.तेव्हा बेहरीन ते ज्युरिक प्रवासाचा रूट बदलावा लागला होता. अशा अनेक घोड चुका VSR कडून झाल्याची माहिती समोर येत आहे.

मालक म्हणतो माझी वरपर्यंत ओळख

दरम्यान आज घेतलेल्या पत्रकार परिषदेत रोहित पवार यांनी एक मोठा खुलासा केला. व्हीएसआर कंपनीच्या विमानाचा मालक विजय सिंह यांचा रोहित पवार यांच्या एका माणसाला फोन आला होता.एआयबीने आम्हाला क्लीयरन्स दिलाय, माझी खालपासून वरपर्यंत ओळख आहे. अजूनही सरकारमधले लोक आमचे विमान वापरत आहेत आणि अजूनही विमान उडत आहेत, असे संभाषण रोहित पवार यांनी सांगितले.विजय सिंगचे व्हॉट्सअप्प रेकॉर्ड काढा.तो कोनाकोनला भेटला तेही तपासा. महाराष्ट्र सदनामध्ये जाऊन तो कोणाला भेटला त्याची माहिती घ्या, अशी मागणी रोहित पवारांनी केळी.