Nagpur Crime | 18 वर्षीय विद्यार्थिनी शिकवणीला जात होती; नागपुरात मनोरुग्णानं मारला डोक्यावर हातोडा

नागपूर : 18 वर्षीय विद्यार्थिनी मेडिकल (Medical) चौकातील एटलांटा कम्प्युटर इन्स्टिट्यूटमध्ये शिकवणी वर्गात (Teaching) दाखल होत होती. एवढ्यात जीन्यावर असताना मनोरुग्णाने मागून येऊन तिच्या डोक्यावर घाव घातला. सुदैवाने ती इन्स्टिट्यूटच्या पायऱ्या चढत असल्याने घाव जोरात लागला नाही. त्यामुळे तिला फार गंभीर इजा झाली नाही. मुलीच्या ओरडण्याचा आवाज ऐकून इन्स्टिट्यूटसह शेजारचे लोक तिच्या मदतीसाठी धावले. त्यामुळेच आरोपी दुसरा वार करू शकला नाही. पोलिसांनी त्याला ताब्यात घेतलं असता तो मानसिक रुग्ण असल्याचं समोर आलं. त्याला त्याच्या वडिलांच्या स्वाधीन करण्यात आलं. तपास अजनी पोलीस (Ajni Police) करत आहेत, अशी माहिती पोलीस निरीक्षक सुरीन दुर्गे यांनी दिली.

मनोरुग्ण त्याच्या पालकांकडे

कम्प्युटरच्या शिकवणी वर्गात जात असताना एका अठरा वर्षीय विद्यार्थिनीच्या डोक्यावर मनोरुग्णाने हातोडा मारला. यात ती जखमी झाल्याची घटना नागपूर शहरातील अजनी पोलीस ठाण्याच्या हद्दीत घडली. या घटनेत विद्यार्थिनी किरकोळ जखमी झाली. या प्रकरणी अजनी पोलिसांनी आरोपीला ताब्यात घेतले. त्याच्या आई वडिलांच्या स्वाधीन केलं आहे. दुर्दैवी घटना थोडक्यात बचावली असली तरी यामुळे विद्यार्थ्यांमध्ये भीतीचं वातावरण निर्माण झालं आहे.

नेमकं काय घडलं

मेडिकल चौकात विद्यार्थिनी शिकवणीला जात होती. पायऱ्या चढत असताना एक मनोरुग्ण तिथं आला. त्यानं तिच्या डोक्यावर हातोडा मारला. ती जोरानं ओरडली. आजूबाजूचे तिच्या मदतीला धावले. मनोरुग्णाला बाजूला केलं. पोलिसांनी मनोरुग्णाच्या पालकांना बोलावून त्याला त्यांच्या स्वाधीन केलं. या घटनेमुळं विद्यार्थ्यांमध्ये भीतीचं वातावरण निर्माण झालं आहे.