देवेंद्र फडणवीस-आशिष देशमुख यांची भेट, आशिष देशमुख भाजपमध्ये पक्षप्रवेश करणार काय?
देवेंद्र फडणवीस यांनी नाश्त्याच्या आनंद घेतला. भाजपचे दिग्गज नेते भेटीला आले. राज्यातील पातळीवरील नेता अशी देवेंद्र फडणवीस यांची ओळख आहे.
नागपूर : काँग्रेसमधून निलंबित असलेले आशिष देशमुख सध्या भाजपमध्ये जाणार असल्याच्या चर्चा आहेत. याचे कारण म्हणजे आज देवेंद्र फडणवीस यांनी आशिष देशमुख यांच्या घरी जाऊन भेट घेतली. यावेळी आशिष देशमुख हे सावनेरमधून भाजपकडून निवडणूक लढवणार असल्याचंही बोललं जाते. परंतु, आशिष देशमुख यांनी घोडामैदान अजूनही दूर असल्याचं सांगून यावर बोलणं टाळलं. आशिष देशमुख म्हणाले, राजकारणात कोणीही कोणाचे कायमचे शत्रू किंवा मित्र नसतात. २०१९ ची विधानसभा निवडणूक मी देवेंद्र फडणवीस यांच्या विरोधात लढलो. राजकारणात कालचे विरोधक आज मित्र असतात. मी काँग्रेसमधून निलंबित आहे. मला दिलेल्या नोटीसचे उत्तर दिले. पक्षविरहित राजकीय संस्कृती राज्यात आहेत. देवेंद्र फडणवीस यांच्याशी कौटुंबिक संबंध आहेत. पक्षापलीकडे संबंध असतात.
सध्यातरी पक्ष बदलाचा प्रश्न नाही
मी काँग्रेसमधून निलंबित आहे. मला अपेक्षा आहे की, निलंबन मागे घेऊन अॅक्टिव्ह करण्यात येईल. २००९ मध्ये सावनेरमध्ये लढलो. २०१४ मध्ये काटोलमध्ये अनिल देशमुख यांचा पराभव केला. २०१९ ची निवडणूक मी तत्कालीन मुख्यमंत्री देवेंद्र फडणवीस यांच्या विरोधात लढवली होती. सध्यातरी पक्ष बदलाचा प्रश्न उद्भवत नाही, असं आशिष देशमुख म्हणाले.
विदर्भाच्या विकासात फडणवीस यांची मोठी भूमिका
देशमुख यांनी सांगितलं की, देवेंद्र फडणवीस यांनी नाश्त्याच्या आनंद घेतला. भाजपचे दिग्गज नेते भेटीला आले. राज्यातील पातळीवरील नेता अशी देवेंद्र फडणवीस यांची ओळख आहे. त्यांच्या माध्यमातून विदर्भात विकासाचे कार्यक्रम राबवण्यात येत आहेत. विदर्भाच्या दृष्टीने कोणी एकमेव काम करणारा असा नेता आहे.
गेलच्या गॅसलाईनचे ८० टक्के काम झाले
अजून घोडामैदान लांब आहे. अद्याप कोणताही अर्थ काढू नका. विदर्भाच्या विविध प्रश्नांचा चालना मिळावी. समृद्धी महामार्गाच्या बाजूने गेल गॅसची पाईपलाईन टाकणार आहे. ही पाईपलाईन विदर्भातून नागपुरातून जाणार आहे. ८० टक्के काम झालं आहे.
विदर्भात फर्टिलायझर कॉम्प्लेक्स तयार व्हावा
इंटिग्रेटेड फर्टिलायझर कॉम्प्लेक्स विदर्भात यावी, यासाठी देवेंद्र फडणवीस यांच्या माध्यमातून अमित शाह यांना निवेदन दिले. मध्य भारतात नॅनो डीएपी, अमोनियम नायट्रेड, नॅनो युरिया यांचा कारखाना नाही. तो विदर्भात व्हावा. याचा फायदा विदर्भातील शेतकऱ्यांना मिळावा, अशी अपेक्षा आशिष देशमुख यांनी व्यक्त केली.
