वंचितला सोबत घेण्याबाबत अशोक चव्हाण यांची काय भूमिका; टीव्ही 9 मराठीवर एक्सक्लुझिव्ह प्रतिक्रिया

गजानन उमाटे, प्रतिनिधी- टीव्ही 9 मराठी, प्रतिनिधी, नागपूर | 26 डिसेंबर 2023 : आगामी लोकसभा आणि विधानसभा निवडणुकांच्या पार्श्वभूमीवर देशभरातील विरोधी पक्षातील नेत्यांनी एकत्र येत आघाडी केली आहे. या आघाडीला इंडिया आघाडी असं नाव दिलं आहे. विरोधी पक्षांच्या या आघाडीत वंचितचे नेते प्रकाश आंबेडकर सहभागी होतील, अशी राजकीय वर्तुळात चर्चा आहे. जर प्रकाश आंबेडकरांनी इंडिया आघाडी सामील होण्याचा निर्णय घेतला. तर काँग्रेसची भूमिका काय असेल. यावर माजी मुख्यमंत्री, काँग्रेसचे वरिष्ठ नेते अशोक चव्हाण यांनी प्रतिक्रिया दिली आहे. टीव्ही 9 मराठीला एक्सक्लुझिव्ह प्रतिक्रिया देताना अशोक चव्हाण यांनी प्रकाश आंबेडकर यांच्या इंडिया आघाडीत येण्याला हिरवा कंदिल दाखवला आहे.

वंचितबाबत अशोक चव्हाण यांची भूमिका काय?

वंचित बहुजन आघाडीला सोबत घेण्याबाबत मी व्यक्तीगत पातळीवर सकारात्मक आहे, असं अशोक चव्हाण यांनी स्पष्ट केलं आहे. पण 29 तारखेच्या बैठकीत इंडिया आघाडीच्या जागावाटपाबाबत चर्चा होणार आहे. त्यावेळेस वंचित बाबतंही चर्चा होणार आहे. 29 तारखेच्या बैठकीत वंचितला सोबत घेतल्यास किती जागा. द्यायच्या याबाबतंही चर्चा होणार आहे. वंचितला सोबत घेतलं तर राज्यातील मतांचं विभाजन टाळता येईल, असं अशोक चव्हाण म्हणालेत.

खासदार प्रतापराव चिखलीकर यांची जागा डळमळीत आहे. त्यामुळे ते माझ्याबद्दल संभ्रम निर्माण करत आहेत. सध्या मतदारसंघांचे सर्व्हे केले जात आहेत. त्यात चिखलीकर यांची जागाच धोक्यात आहेत. त्यामुळे ते माझ्याबद्दल अफवा पसरवत आहेत, असं म्हणत अशोक चव्हाण प्रतापराव चिखलीकर यांच्यावर पलटवार केला आहे.

प्रतापराव पाटील चिखलीकर यांच्या दाव्यावर भाष्य

अशोक चव्हाण भाजपमध्ये प्रवेश करणार असल्याचा दावा खासदार प्रतापराव पाटील चिखलीकर यांनी केला होता. त्यांचा हा दावा अशोक चव्हाण यांनी खोडून काढला आहे. खासदार प्रतापराव चिखलीकर यांची जागा डळमळीत आहे. त्यामुळे ते माझ्याबद्दल संभ्रम निर्माण करत आहेत. सध्या मतदारसंघांचे सर्व्हे केले जात आहेत. त्यात चिखलीकर यांची जागाच धोक्यात आहेत. त्यामुळे ते माझ्याबद्दल अफवा पसरवत आहेत, असं म्हणत अशोक चव्हाण प्रतापराव चिखलीकर यांच्यावर पलटवार केला आहे.