Vegetables Rate | नागपुरात आठवडाभरात भाज्यांचे दर दुप्पट; उन्हामुळे भाजीपाल्याची पिकं करपली, शेतकरी-ग्राहक हैराण

नागपूर : विदर्भासह राज्याच्या बऱ्याच भागात तापमानात वाढ (Temperature Rise) झालीय. त्यामुळे शेतातील भाजीपाल्याची पिकं करपल्याने त्याचा परिणाम भाज्यांच्या दरावर झालाय. गेल्या आठ दिवसांत नागपूरच्या किरकोळ बाजारात भाज्यांचे दर दुप्पटीने वाढलेत. एकीकडे उन्हामुळे शेतातील भाजीपाला पिकं करपल्याने शेतकऱ्यांचं नुकसान (Loss of Farmers) झालंय. तर दुसरीकडे भाज्यांच्या दरवाढीमुळे ग्राहकांना (Consumers) फटका बसतोय. सध्या नागपूरच्या किरकोळ बाजारात फरसबी 160 रुपये किलो, फुलकोबी, कोथिंबीर 120 रुपये किलो, टोमॅटो 50 रुपये किलो आणि वांगी 80 रुपये किलो आहे. तापमान वाढल्याने गेल्या आठ दिवसांत सर्वच भाज्यांचे दर दुप्पट झालेत. अशी माहिती किरकोळ भाजी विक्रेता रितेश मुडेवार यांनी दिली.

उत्पादनात घट

उन्हामुळं अंगाची लाहीलाही होतेय. माणसं, पशूपक्षीचं काय, तर भाजीपाल्याच्या उत्पादनावरही तापमान वाढीचा परिणाम झालाय. उन्हामुळं पिकं करपली. उत्पादन कमी होत असल्यानं भाजीपाल्याचे दर वाढलेत. भाजीपाल्याच्या दरवाढीचा फटका ग्राहक व शेतकरी दोघांनाही बसतोय.

माहिती करून घ्या आत्ताचे आणि आठवडाभरापूर्वीचे दर

1. फरसबी आत्ताचे दर – 160 रु. किलो आठवडाभरापूर्वी – 60 रु. किलो
2. शिमला आत्ताचे दर -120 रु. किलो आठवडाभरापूर्वी – 60 रु. किलो
3. ढेमुस आत्ताचे दर – 80 रु. किलो आठवडाभरापूर्वी – 40 रु. किलो
4. कारली आत्ताचे दर – 80 रु. किलो आठवडाभरापूर्वी – 40 रु. किलो
5. तुरई आत्ताचे दर – 120 रु. किलो आठवडाभरापूर्वी – 40 रु. किलो
6. वांगी आत्ताचे दर – 60 ते 80 रु. किलो आठवडाभरापूर्वी – 20 रु. किलो
7. टोमॅटो आत्ताचे दर – ५० रु. किलो आठवडाभरापूर्वी – २० रु. किलो
8. फुलकोबी आत्ताचे दर – 120 रु. किलो आठवडाभरापूर्वी – 50 रु. किलो
9. लिंबू आत्ताचे दर – 10 प्रति लिंबू आठवडाभरापूर्वी – 4 रु. प्रति लिंबू
10. कोथिंबीर आत्ताचे दर – 120 रु. किलो आठवडाभरापूर्वी – 60 रु. किलो
11. पालक आत्ताचे दर – 80 रु. किलो आठवडाभरापूर्वी – 20 रु. किलो
12. मेथी आत्ताचे दर – 120 रु. किलो आठवडाभरापूर्वी – 40 रु. किलो