Dead Lizard found in Cake: वाढदिवसासाठी केक आणला, खाताना मेलेली पाल दिसली, 7 ते 8 लोक रुग्णालयात दाखल
नालासोपाऱ्यातून एक किळसवाणा प्रकार समोर आला आहे. अन्न व औषध प्रशासन (FDA) आयुक्त तुकाराम मुंढे सध्या सगळीकडे छापा मारत आहेत. अनेक भेसळीचे प्रकार सध्या बाहेर येत आहे. आता मात्र नालासोपऱ्यातून एक धक्कादायक प्रकार समोर आला आहे.
नालासोपाऱ्यातून एक किळसवाणा प्रकार समोर आला आहे. मागील काही दिवस महाराष्ट्रात आणि देशभरात फक्त एका नावाची चर्चा आहे आणि ती म्हणजे तुकाराम मुंडे. अन्न व औषध प्रशासन (FDA) आयुक्त तुकाराम मुंढे सध्या सगळीकडे छापा मारत आहेत. अनेक भेसळीचे प्रकार सध्या बाहेर येत आहे. यामुळे अनेकांचे परवाने रद्दही करण्यात आले आहे. आता मात्र नालासोपऱ्यातून एक धक्कादायक प्रकार समोर आला आहे. वाढदिवसासाठी आणलेल्या केकमध्ये मृत पाल आढळल्याचा धक्कादायक दावा करण्यात आला आहे. विशेष म्हणजे, हा केक खाल्ल्यानंतर 7 ते 8 जणांची प्रकृती गंभीर असल्याची माहिती समोर आली आहे.
या लोकंना आता उपचारासाठी नालासोपारा येथील विजयलक्ष्मी हॉस्पिटलमध्ये दाखल करण्यात आल्याची माहिती मिळाली आहे. याबाबत मिळालेल्या माहितीनुसार, नालासोपारा येथील नीलकंठेश्वर बिल्डिंगमध्ये एका मुलीचा वाढदिवस होता. हा वाढदिवस साजरा करण्यासाठी त्यांनी केक मागवला होता. या सेलिब्रेशनसाठी समोर असलेल्या केक शॉपमधून केक खरेदी करण्यात आल्याची माहिती आहे. वाढदिवसाचा कार्यक्रम सुरू असताना पाहुण्यांनी केक खाण्यास सुरुवात केली. मात्र, केक खात असतानाच एक धक्कादायक प्रकार समोर आला. त्यामध्ये मृत पाल आढळली असल्याचा दावा करण्यात आला. केकमध्ये पाल दिसताच पाहुण्यांमध्ये भीतीचे वातावरण निर्माण झाले.
या घटनेनंतर 7 ते 8 जणांना अस्वस्थ वाटू लागले असल्याने त्यांना तातडीने विजयलक्ष्मी हॉस्पिटलमध्ये उपचारासाठी दाखल करण्यात आले असल्याची माहिती समोर आली आहे. मात्र, संबंधित व्यक्तींची प्रकृती नेमकी कशामुळे बिघडली , याबाबत अधिकृत वैद्यकीय अहवाल अजून समोर आलेला नाही.
रुग्णालयात दाखल झालेल्यांची उर्मिला वर्मा (32), सलोनी गुप्ता (16), सुदीक्षा शाह (19), आफिया इद्रिस (24), रुबी शाह (40), शिव गुप्ता (10), प्रियांश वर्मा (2), परी यादव (7), प्रिया वर्मा (8), रुद्र शाह (13) आणि प्राची यादव (8) अशी नावं आहेत. सर्वांची प्रकृती सध्या स्थिर असल्याची माहिती समजत आहे. या घटनेची अधिकृत पुष्टी आणि संबंधित प्रशासनाची भूमिका अजून समोर आलेली नसल्याने सगळ्यांचे लक्ष त्याच्यावर असणार आहे.
