AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

पोलीस आयुक्तांवर कारवाई करा; नाशिकमध्ये तहसीलदार संघटनेची विभागीय आयुक्तांकडे मागणी

पोलीस आयुक्त दीपक पांडेय यांच्या सनसनाटी पत्रावर महसूल मंत्री बाळासाहेब थोरात यांनी तीव्र शब्दांत नाराजी व्यक्त केली आहे. त्यांनी पांडेय यांची मुख्यमंत्री उद्धव ठाकरे यांच्याकडे तक्रार करण्याचा इशारा दिला आहे. मात्र, पांडेय आपल्या भूमिकेवर ठाम आहेत.

पोलीस आयुक्तांवर कारवाई करा; नाशिकमध्ये तहसीलदार संघटनेची विभागीय आयुक्तांकडे मागणी
नाशिकमध्ये तहसीलदार संघटनेने विभागीय आयुक्तांची भेट घेत पोलीस आयुक्त दीपक पांडेय यांच्यावर कारवाई करण्याची मागणी केली.
मनोज कुलकर्णी
मनोज कुलकर्णी | Updated on: Apr 06, 2022 | 2:06 PM
Share

नाशिकः नाशिकचे (Nashik) पोलीस आयुक्त (Police Commissioner) दीपक पांडेय यांच्यावर सरकारने कारवाई करावी, अशी मागणी महाराष्ट्र राज्य तहसीलदार आणि नायब तहसीलदार संघटनेने विभागीय आयुक्त राधाकृष्ण गमे यांच्याकडे केली आहे. पोलीस आयुक्त दीपक पांडेय हे विनाकारण बेताल आणि तथ्यहीन वक्तव्य करून महसूल आणि पोलीस विभागातील समन्वय बिघडवीत आहेत, अशी तक्रारही यावेळी करण्यात आली. पोलीस आयुक्त पांडेय यांनी पोलीस महासंचालकांना एक सनसनाटी पत्र पाठवले आहे. त्यात महसूल अधिकारी (Revenue Officer) ‘आरडीएक्स’, तर दंडाधिकारी डिटोनेटर बनत आहेत. त्यामुळे जिवंत बॉम्ब तयार होत आहेत. जिल्ह्यात भूमाफियांनी सर्वसामान्यांची अक्षरशः लूट सुरू केलीय. महसूल अधिकारी त्यांच्या बाजूने आहेत. या भूमाफियांपासून नागरिकांना अभय मिळावे म्हणून महसूल दंडाधिकारी यांचे मुख्य कार्यकारी अधिकार आणि ग्रामीण पोलीस अधीक्षकांचे अधिकार पोलीस आयुक्तांकडे द्यावेत, अशी मागणी केली होती. त्यामुळे जिल्ह्यात अचानक पोलीस विरुद्ध महसूल असा संघर्ष निर्माण झाला आहे.

तहसीलदार संघटनेकडून निषेध

पोलीस आयुक्त दीपक पांडेय यांच्या पत्राचा तहसीलदार संघटनेने निषेध नोंदवला. त्याबद्दल विभागीय आयुक्त राधाकृष्ण गमे यांची भेट घेऊन त्यांच्याकडेही तक्रार आणि नाराजी व्यक्त केली. पांडेय यांनी काहीही कारण नसताना महसूल विभागाची जाहीर बदनामी केलीय. त्यामुळे त्यांनी संपूर्ण महसूल विभागाची जाहीर माफी मागावी, अशी मागणीही यावेळी करण्यात आली. संघटनेने विभागीय आयुक्तांना एक निवेदन देत पोलीस आयुक्त पांडेय यांच्यावर सरकारने कारवाई करावी, अशी मागणी करण्यात आली आहे. कारवाई नाही केल्यास 11 एप्रिल रोजी आंदोलन करण्याचा इशारा संघटनेच्या वतीने देण्यात आला आहे. यावेळी महाराष्ट्र राज्य तहसीलदार आणि नायब तहसीलदार संघटनेचे उपाध्यक्ष कैलास देवरे, सहसचिव शशिकांत मंगरुळे, सचिव बाळासाहेब वाकचौरे, कार्याध्यक्ष सुरेश बगळे आणि इतर तहसीलदार उपस्थित होते.

पांडेय भूमिकेवर ठाम

पोलीस आयुक्त दीपक पांडेय यांच्या सनसनाटी पत्रावर महसूल मंत्री बाळासाहेब थोरात यांनीही तीव्र शब्दांत नाराजी व्यक्त केली आहे. त्यांनी पांडेय यांची मुख्यमंत्री उद्धव ठाकरे यांच्याकडे तक्रार करण्याचा इशारा दिला आहे. त्यामुळे पांडेय यांनी महसूल मंत्र्यांची सपशेल माफीही मागितली आहे. थोरात सुजाण आणि चांगले मंत्री आहेत. त्यांना पत्रातील भाषा चुकीची वाटत असेल, तर मी माफी मागतो. या पत्रातून कोणाच्या भावना दुखावण्याचा उद्देश नव्हता. फक्त दोनशे वर्षांपासून सुरू असलेल्या त्रुटी दूर करण्याचा हेतू आहे. मी महसूल विभागाच्या विरोधात नाही. या विभागाचे राज्याच्या विकासात मोठे योगदान आहे, अशी प्रतिक्रिया व्यक्त केली. मात्र, आपल्या भूमिकेवर आपण ठाम असल्याचेही त्यांनी सांगितले आहे.

इतर बातम्याः

शिवसेना नेते यशवंत जाधवांनी ‘मातोश्री’ला दिलेल्या 2 कोटी रुपयांची यादीच मिळाली; जाधव म्हणतात, ही तर माझी आई…!

पर्यावरण मंत्र्यांना अंधारात ठेवून वादग्रस्त उड्डाणपुलाला घाईघाईत मान्यता; नाशिकमध्ये पुन्हा आंदोलन धुमसणार!

Special Report | देशातल्या सर्वात मोठ्या लेखकाची ख्यातनाम प्रकाशकांकडून लूट; कोण फोडणार पुस्तकांचा तुरुंग?

Follow Us
लातूर बँक निवडणुकीत धीरज देशमुखांचा दबदबा! 19 पैकी 19 जागांचा निकाल पह
लातूर बँक निवडणुकीत धीरज देशमुखांचा दबदबा! 19 पैकी 19 जागांचा निकाल पहा...
मुलगी नताशाच्या वक्तव्यावर जितेंद्र आव्हाड ठाम भूमिका; शरद पवारांचा...
मुलगी नताशाच्या वक्तव्यावर जितेंद्र आव्हाड ठाम भूमिका; शरद पवारांचा उल्लेख करत म्हणाले...
बिनविरोध निवडीचा मान कायम! जय शाह पुन्हा सांभाळणार आयसीसीची धुरा
Jay Shah : बिनविरोध निवडीचा मान कायम! जय शाह पुन्हा सांभाळणार आयसीसीची धुरा
अमिताभ बच्चन यांच्या ‘जलसा’ बंगल्याबाहेर गोळीबाराचा कट उधळला; बिश्नोई
अमिताभ बच्चन यांच्या ‘जलसा’ बंगल्याबाहेर गोळीबाराचा कट उधळला; बिश्नोई गँगशी कनेक्शन उघड
पुण्यात दिवंगत नेते अजित पवारांच्या पुतळ्याचे अनावरण; अमित शाहांसह...
पुण्यात दिवंगत नेते अजित पवारांच्या पुतळ्याचे अनावरण; अमित शाहांसह अनेक नेत्यांची उपस्थिती!
जिल्हा बँक निवडणुकीच्या 15 पैकी 4 जागांचा निकाल जाहीर
Latur Bank Election : जिल्हा बँक निवडणुकीच्या 15 पैकी 4 जागांचा निकाल जाहीर
डिलिमिटेशन विधेयकावर नताशा आव्हाड आक्रमक; स्वतःच्याच पक्षाच्या विरुद्ध
मोठी बातमी! डिलिमिटेशन विधेयकावर नताशा आव्हाड आक्रमक; स्वतःच्याच पक्षाच्या विरुद्ध...
मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान...
Sanjay Raut : मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान, राऊतांच्या दाव्याने खळबळ
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजप...
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजपलाही टाकलं मागे!
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू