AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

आमदाराची लग्नपत्रिका आणि डिव्होर्सपेपर भरसभेत दाखवले; सुषमा अंधारे आक्रमक

ठाकरे गटाच्या उपनेत्या सुषमा अंधारे यांनी ईडीवर जोरदार टीका केली. या ईडीला दुसरं कोणीच दिसत नाही. फक्त उद्धव ठाकरे यांच्यासोबतचे लोक दिसतात. इतर लोकांच्यावेळी ईडीला रातांधळेपणा येतो. ते लोक त्यांना दिसत नाही. आदिवासींच्या जमिनीवर कब्जा झाला. हे ईडीला दिसत नाही का? असा संतप्त सवाल सुषमा अंधारे यांनी केला. तसेच यावेळी त्यांनी सुहास कांदे यांच्यावर जोरदार टीका केली.

आमदाराची लग्नपत्रिका आणि डिव्होर्सपेपर भरसभेत दाखवले; सुषमा अंधारे आक्रमक
Sushma AndhareImage Credit source: tv9 marathi
| Updated on: Dec 10, 2023 | 10:23 PM
Share

मनोहर शेवाळे, मनमाड | 10 डिसेंबर 2023 : ठाकरे गटाच्या उपनेत्या सुषमा अंधारे यांनी आज मनामाड येथील महाप्रबोधन यात्रेतून शिंदे गटाचे आमदार सुहास कांदे यांच्यावर जोरदार टीका केली. कांदे यांच्या मतदारसंघात जाऊन त्यांची पुरती पोलखोल केली. सुषमा अंधारे यांनी या सभेत आधी सुहास कांदे यांचं निवडणूक प्रतिज्ञापत्र दाखवलं. त्यानंतर सुषमा अंधारे या आमदार कांदे यांच्या वैयक्तिक आयुष्यावर घसरल्या. अंधारे यांनी भरसभेत हजारो लोकांना कांदे यांची लग्नपत्रिका आणि डिव्होर्स पेपरही दाखवले. त्यामुळे उपस्थितांच्या भुवया उंचावल्या.

सुषमा अंधारे या महाप्रबोधन यात्रे निमित्ताने मनमाडला आल्या होत्या. यावेळी एकात्मता चौकात त्यांची सभा पार पडली. या सभेतून सुषमा अंधारे यांनी आमदार सुहास कांदे यांच्यावर जोरदार हल्ला चढवला. त्यांच्या वैयक्तिक आयुष्यावरही घसरल्या. येताना माझा ताफा अडवण्याचा प्रयत्न झाला. माझ्याविरोधात घोषणा देणाऱ्यांना शंभर शंभर रुपये अधिकचे द्यायला हवे होते. पक्ष लक्षात ठेवा. कळप लांडग्यांचे असतात. वाघिण एकटी येते. माझी इच्छा नसतानाही तुम्ही हाताने संक्रात ओढवून घेतली आहे, असा इशाराच सुषमा अंधारे यांनी दिला.

सुहास कांदे डाकू

सुहास कांदे यांनी बाया कोण आणि कुणाच्या बाया आणल्या? मी सभ्य आणि सज्जन लेकरू आहे. तुम्ही विटाळ बाळगता. स्पृश्य आणि अस्पृश बाळगता. सुहास कांदे यांना कोणत्या जातीचा विटाळ होत ते सांगा. त्यांनी भान ठेवावं. विकासाची भाषा करताच ते विटाळाची भाषा करत आहेत. कांदे हे एक नंबरचे डाकू आहेत. (यावेळी त्यांनी गुलाबराव पाटील यांचा व्हिडीओ दाखवला. त्या गुलाबराव पाटील कांदे यांना एक नंबरचा डाकू म्हणत असल्याचं दिसतं.)

मी त्यांना डाकू का म्हणाले? कारण पब्लिक त्यांना डाकू म्हणतेय. गुलाबराव पाटील त्यांना डाकू म्हणालेत. मी नाही म्हणाले, असं अंधारे म्हणाल्या. गोमुत्राने रस्ते धुण्याच्या विषयावरूनही त्यांनी टीका केली. विटाळ कसला आलाय ते सांगा. सुहास कांदे तुम्हाला कोणत्या जातीचा विटाळ होतोय? दम असेल तर रस्ता धुवून दाखवा, असं आव्हानच त्यांनी दिलं.

अजितदादा कुठून आले?

सुहास कांदे म्हणाले. आम्ही राष्ट्रवादीच्या मांडीला मांडी लावून बसणार नाही. मग आता कुठे आहेत कांदे? कोणाच्या मांडीला मांडी लावली. अजितदादा कुठून आले? झेकोस्लोव्हाकियावरून अजितदादा आले का?राष्ट्रवादीने तुम्हाला पायाजवळ बसवलं. याबद्दल सुहास कांदे चकार शब्द काढायला तयार नाहीत, अशी टीका त्यांनी केली. तसेच, कांदे हे हिंदुत्वावर बोलतात. हिंदुत्वाची भाषा करतात. 2014 पर्यंत कांदे शिवसेनेत नव्हते. मग बाळासाहेबांनी यांना कधी हिंदुत्व शिकवले? असा सवाल त्यांनी केला.

कोणत्या विकासासाठी गुवाहाटीला गेला?

सुहास कांदे यांना मी भेटलेले नाही. 40 आमदारांचे माझे काहीही वाद नाहीत. काही खोक्यांसाठी हे लोक गेलेत. विकासासाठी गेले म्हणतात, मग काय विकास केला त्यांनी? 40 दिवसांनी मनमाडला पाणी येतं. कुठल्या विकासासाठी गेले होते हे गुवाहाटीला?, असा सवाल त्यांनी केला.

गुलाल लागू देणार नाही

उद्धव ठाकरे यांच्या विश्वासावर सुहास कांदे निवडून आले. आता 2024 ला पाहू कांदे कसे निवडून येतात. 2024 ला तुम्हाला गुलाल लागू देणार नाही. काय खर्च करायचा करा. मी गुलाल लागू देणार नाही, असं सांगतानाच ही महाप्रबोधन यात्रा आहे. महाराष्ट्राला शिवसेनेची प्रचंड गरज आहे, असं त्या म्हणाल्या.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी