Nashik |नाशिक पोलीस आयुक्तालय हद्दीतील गणेशोत्सव आणि दहीहंडी नियमांचे उल्लंघन प्रकरणी दाखल गुन्ह्यांच्या माहितीची संकलन प्रक्रिया सुरू…
प्रशासनाकडून गणेश मंडळाप्रमाणेच दहीहंडीसाठी देखील खास नियमावली तयार केली जाते. यामध्ये प्रामुख्याने किती थर लावायचे हे सांगितले जाते. जर एखाद्या दहीहंडी आयोजकांच्या दहीहंडीमध्ये त्यापेक्षा अधिक थर लावले गेले तर पोलिसांकडून कारवाई करत संबंध व्यक्तींवर गुन्हे दाखल केले जातात.
नाशिक : राज्य सरकारने एक अत्यंत मोठा निर्णय (Decision) घेतलायं. गणेशोत्सव आणि दहीहंडी दरम्यान नियमांचे उल्लंघन केल्या प्रकरणी दाखल असलेले गुन्हे मागे घेत अनेकांना दिलासा दिलायं. राज्यात एकनाथ शिंदेंनी 40 आमदारांनासोबत घेत मोठी बंडखोरी केली. त्यानंतर राज्यातील महाविकास आघाडी सरकार कोसळले. राज्यात एकनाथ शिंदे गट आणि भाजपाचे (BJP) सरकार आले. दहीहंडी उत्सवावर अगोदरच्या सरकारने जे काही निर्बंध घातले होते. ते सर्व निर्बंध हटवत मोठे गिफ्ट सरकारने दिले. इतकेच नाही तर गणेशोत्सव आणि दहीहंडी दरम्यान नियमांचे उल्लंघन केल्या प्रकरणी दाखल असलेले गुन्हे (Crime) मागे घेण्याचा मोठा निर्णय सरकारने घेतलायं.
दाखल गुन्ह्यांच्या माहितीचे संकलन करण्याची प्रक्रिया सुरू
या पार्श्वभूमीवर नाशिक पोलीस आयुक्तालय हद्दीतील दाखल गुन्ह्यांच्या माहितीचे संकलन करण्याची प्रक्रिया सुरू झाली आहे. पोलीस आयुक्तालयासाठी आयुक्तांच्या अध्यक्षतेखाली समिती स्थापन करण्यात आलीय. तर जिल्हास्तरावर जिल्हाधिकाऱ्यांच्या अध्यक्षतेखाली समिती स्थापन करण्यात आलीयं. दरवर्षी प्रशासनाकडून गणेश मंडळांसाठी खास नियमावली तयार केली जाते, या नियमांचे उल्लंघन केल्यावर गणेश मंडळाच्या पदाधिकाऱ्यांवर गुन्हे दाखल केले जातात.
पोलीस आयुक्तांच्या अध्यक्षतेखाली समिती स्थापन
प्रशासनाकडून गणेश मंडळाप्रमाणेच दहीहंडीसाठी देखील खास नियमावली तयार केली जाते. यामध्ये प्रामुख्याने किती थर लावायचे हे सांगितले जाते. जर एखाद्या दहीहंडी आयोजकांच्या दहीहंडीमध्ये त्यापेक्षा अधिक थर लावले गेले तर पोलिसांकडून कारवाई करत संबंध व्यक्तींवर गुन्हे दाखल केले जातात. आता यासंदर्भातच राज्य सरकारने मोठा निर्णय घेते गणेशोत्सव आणि दहीहंडी दरम्यान नियमांचे उल्लंघन केल्याने ज्यांच्यावर गुन्हे दाखल करण्यात आले, ते गुन्हे मागे घेण्याचा निर्णय घेतला आहे.
