उद्धव ठाकरे यांची नारायण राणेंवर सडकून टीका; म्हणाले, बिनडोक लोक…

नाशिक :ठाकरे गटाचे प्रमुख उद्धव ठाकरे यांनी नाशिकमधील सभेमध्ये सत्ताधाऱ्यांवर आसुड ओढलं आहे. हिंदू धर्माचे ज्येष्ठ धर्मगुरु शंकाराचार्य यांनी अयोध्येतील राम मंदिराच्या उद्घाटनाला जाणार नसल्याचं म्हटलं होतं. यावरून केंद्रीय मंत्री नारायण राणे यांनी शंकाराचार्यांनी हिंदू धर्मासाठी दिलेलं योगदान सांगावं असं म्हणत निशाणा साधला होता. याचाच धागा पकडत उद्धव ठाकरेंनी नारायण राणे यांच्यावर जोरदार टीका केली आहे.

उद्धव ठाकरेंच राणेंवर निशाणा

काही बिनडोक लोकं तर शंकराचार्याचं योगदान काय विचारत आहेत. सनातन धर्मावर बोलल्यास तुमची तळपायाची आग मस्तकात जाते. तुम्ही सनातन धर्माला मानता की नाही. तुमच्या पक्षात बाजारबुणगे भरले आहेत. भ्रष्टाचारी घोटाळेबाज तुम्ही घेतली. भाजपमध्ये आज भ्रष्टाचाऱ्यांना मान आहे. पण शंकराचार्यांना आहे की नाही. मग मोदींचं राजकारण हा काही नवीन धर्म काढता. तुम्ही भ्रष्टाचारांशी बोलता, हुडी घालून बोलता. लपून छपून भेटता. प्रफुल्ल पटेलसोबत फोटो येत आहे. ज्याने मिर्चीबरोबर व्यवहार केला. देशद्रोही इक्बाल मिर्चीबरोबर व्यवहार केला म्हणून बोंबलणारे तुम्हीच होता असं उद्धव ठाकरे म्हणाले.

कारसेवकांना सर्वांच्या वतीने वंदन करतोय. काल काळाराम मंदिरात गेलो. सावरकरांच्या जन्मभूमीत गेलो. अयोध्या ही श्रीरामचंद्राची जन्मभूमी आहे. पंचवटी ही पराक्रम भूमी आहे. आता जे मंदिर आहे. तिथे पर्णकुटी होती. तिथे राम सीता लक्ष्मण राहिले होते. शृपर्णखेचं नाक आणि कान इथेच कापलं आहे. त्यानंतर 14 हजार राक्षस रामाला मारायला आले होते. आता जे भव्यदिव्य स्वरुप आहे. तसं रामचंद्राने अतिभव्य काल स्वरुप धारण करून राक्षसाचा वध केला होता. कालस्वरुप म्हणजे काळाराम. तो माझ्यासमोर बसला आहे. आम्ही रामम मंदिराला विरोध करतो असं नाही. कारण तो अस्मितेचा प्रश्न आहे. काल मला शिवसेनाप्रमुखांची आठवण आल्याचं ठाकरे यानी म्हटलं आहे.