VIDEO | नवी मुंबईत शिवसेना नेत्याचे भररस्त्यात बर्थडे सेलिब्रेशन, गर्दी जमवून आतषबाजी

सुरेश कुळकर्णी हे नवी मुंबईतील माजी नगरसेवक आणि स्थायी समितीचे माजी सभापती आहेत. (Navi Mumbai Shivsena Birthday Celebration)

VIDEO | नवी मुंबईत शिवसेना नेत्याचे भररस्त्यात बर्थडे सेलिब्रेशन, गर्दी जमवून आतषबाजी
शिवसेना नेते सुरेश कुलकर्णी यांचे ररस्त्यात बर्थडे सेलिब्रेशन


नवी मुंबई : नवी मुंबई शहरातील मुख्य वर्दळीच्या भागातच गर्दी जमवून शिवसेना नेत्याने वाढदिवसाचा जल्लोष केल्याचं समोर आलं आहे. माजी नगरसेवक सुरेश कुळकर्णी (Suresh Kulkarni ) यांनी गजबजलेला रस्ता अडवून फटाक्यांची आतषबाजी केली. लॉकडाऊनचे नियम पायदळी तुडवत तुर्भे परिसरात केलेल्या या जल्लोषामुळे टीकेची झोड उठली आहे. (Navi Mumbai Shivsena Leader Suresh Kulkarni Birthday Celebration amid Corona Lockdown sparks criticism)

तुर्भे स्टोअर येथील ठाणे बेलापूर रस्ता अडवून शिवसेना नेते सुरेश कुळकर्णी यांचा वाढदिवस साजरा करण्यात आला. यावेळी कोरोना प्रतिबंधात्मक नियमांची पायमल्ली करण्यात आली. फटाके फोडून आतषबाजी केल्याचे फोटो-व्हिडीओही समोर आले आहेत. विशेष म्हणजे परिसरातील शेकडो नागरिक आणि पोलिस देखील उपस्थित होते.

कोण आहेत सुरेश कुळकर्णी?

सुरेश कुळकर्णी हे नवी मुंबईतील माजी नगरसेवक आणि स्थायी समितीचे माजी सभापती आहेत. कुलकर्णी यांनी महापालिकेत महत्त्वाची पदे भूषवली आहेत. सुरेश कुळकर्णी हे शिवसेनेच्या प्रमुख नेत्यांपैकी एक आहेत. नुकताच त्यांनी भाजपला रामराम करत शिवसेनेत प्रवेश केला होता.

भाजपवासी नेते गणेश नाईक यांचे ते खंदे समर्थक मानले जात. गेल्या वर्षी फेब्रुवारी महिन्यात मुख्यमंत्री उद्धव ठाकरे यांच्या उपस्थितीत त्यांनी शिवबंधन बांधले होते. कुलकर्णी यांनी आयोजित केलेल्या कार्यक्रमात शिवसेनेच्या ज्येष्ठ नेत्यांची हजेरी लागल्यानंतरच त्यांची राजकीय दिशा ओळखली जात होती.

(Navi Mumbai Shivsena Birthday Celebration)

सुरेश कुळकर्णींवर कारवाई होणार का?

कोरोना काळात रात्रीच्या वेळी भररस्त्यात वाढदिवस साजरा करुन देखील त्यांच्यावर कृपादृष्टी दाखवली जात असल्याने टीका होत आहे. वाढदिवसाला लोकांच्या गर्दीसह पोलिसांची हजेरी होती, मात्र कोणतीही कारवाई झालेली नाही. त्यामुळे शिवसेना नेत्यावर कारवाई करण्याचे धाडस पोलीस दाखवतील का? असा प्रश्न विचारला जात आहे.

पाहा व्हिडीओ :

संबंधित बातम्या :

‘जेवढे आमचे नगरसेवक फोडाल त्यापेक्षा तुपटीने तुमचे फोडू’, गणेश नाईकांचा शिवसेनाला इशारा

(Navi Mumbai Shivsena Leader Suresh Kulkarni Birthday Celebration amid Corona Lockdown sparks criticism)

Read Full Article

Click on your DTH Provider to Add TV9 MARATHI