ED Raid : ईडीचा माजी आमदाराला दणका, 152 कोटींची संपत्ती जप्त; चारवेळा आमदार राहिलेला नेता कोण?

कर्नाळा सहकारी बँक घोटाळ्या प्रकरणी ईडीने मोठी कारवाई केली आहे. या घोटाळ्या प्रकरणी ईडीने चारवेळा आमदार राहिलेल्या शेकापच्या नेत्याची 152 कोटी रुपयांची संपत्ती तात्पुरती जप्त केली आहे. त्यामुळे पनवेलमध्ये खळबळ उडाली आहे.

ED Raid : ईडीचा माजी आमदाराला दणका, 152 कोटींची संपत्ती जप्त; चारवेळा आमदार राहिलेला नेता कोण?
Vivekanand PatilImage Credit source: tv9 marathi
Follow us
| Updated on: Oct 14, 2023 | 8:36 AM

नवी मुंबई | 14 ऑक्टोबर 2023 : ईडीने (Enforcement Directorate) अत्यंत मोठी कारवाई केली आहे. कर्नाळा नागरी सहकारी बँक घोटाळ्याप्रकरणी माजी आमदार विवेकानंद शंकर पाटील ऊर्फ विवेक पाटील (Vivek Patil) यांना ईडीने जोरदार दणका दिला आहे. ईडीने बँक घोटाळ्याप्रकरणी पाटील यांची 152 कोटींची संपत्ती तात्पुरती जप्त करण्यात आली आहे. पनवेल येथील ही कर्नाळा नागरी सहकारी बँक आहे. या बँकेत 512 कोटींचा कथित घोटाळा झाल्याचं सांगितलं जात आहे. ईडीने केलेल्या या कारवाईमुळे पनवेलमध्ये (Panvel) एकच खळबळ उडाली आहे. विवेकानंद शंकर पाटील हे माजी आमदार आहेत. चारवेळा ते पनवेलमधून निवडून आले होते.

पीएमएलए कायद्यांतर्गत आदेश काढल्यानंतर ईडीने ही संपत्ती तात्पुरती जप्त केली आहे. त्यात विवेक पाटील यांचा बंगला, रहिवाशी संकूल आणि भूखंड आदींचा समावेश आहे. पाटील हे शेतकरी कामगार पक्षाकडून चारवेळा आमदार म्हणून निवडून आले होते. ते पनवेलच्या कर्नाळा नागरी सहकारी बँक लिमिटेडचे माजी अध्यक्ष आहेत. जप्त करण्यात आलेल्या संपत्तीचं मूल्य 152 कोटी रुपये आहे. पाटील, त्यांचे नातेवाईक आणि कर्नाळा महिला रेडीमेड गारमेंट्स कोऑपरेटीव्ह सोसायटी लिमिटेडशी ही मालमत्ता संबंधित असल्याचं ईडीकडून सांगण्यात आलं.

234 कोटींची संपत्ती जप्त केलेली

जून 2021 मध्ये विवेक पाटील यांना अटक करण्यात आली होती. त्यावेळी त्यांची 234 कोटी रुपयांची संपत्ती जप्त करण्यात आली होती. तेव्हा त्यांच्याविरोधात आरोपपत्रही दाखल करण्यात आलं होतं. गेल्या वर्षी मुंबई पोलिसांच्या आर्थिक गुन्हे शाखेने पाटील यांच्यासह इतर 75 जणांवर एफआयआर दाखल केला होता. त्यावरच ईडीची ही केस आधारीत आहे. तसेच 2019-2020मध्ये रिझर्व्ह बँकेच्या सांगण्यावर ऑडिटही करण्यात आलं होतं.

ऑडिट केल्यानंतर पाटील यांनी 63 बोगस अकाऊंटच्या माध्यमातून कर्नाळा चॅरिटेबल ट्रस्ट आणि कर्नाळा कर्ज खात्यांतून पैसा काढल्याचं उघड झालं होतं. 2019मध्ये याप्रकरणी आर्थिक गुन्हे अन्वेषण विभागाने एफआयआर दाखल केला होता. त्याआधारेच ईडीने चौकशी सुरू केली होती.

सोमय्यांचा आरोप काय?

दरम्यान, यापूर्वी भाजपचे नेते किरीट सोमय्या यांनीही या बँकेत एक हजार कोटी रुपयांचा घोटाळा झाल्याचा आरोप केला होता. विवेक पाटील यांनीच हा घोटाळ्याचा केल्याचा दावाही सोमय्या यांनी केला होता. तसेच या प्रकरणाची चौकशी करण्याची मागणी लावून धरली होती. बेनामी खातेदारांच्या नावाने हा घोटाळा राजरोसपणे सुरू असल्याचं त्यांचं म्हणणं होतं. भाजपच्या स्थानिक नेत्यांनीही या घोटाळ्याचं प्रकरण लावून धरलं होतं. या प्रकरणात चौकशी केली जात नाही. चालढकल केली जातेय असं भाजप नेत्यांचं म्हणणं होतं. त्यानंतर या प्रकरणात आर्थिक गुन्हे अन्वेषण विभागाची एन्ट्री झाली होती.

Non Stop LIVE Update
जागावाटपावरून महायुतीत वाद; कदम संतापले, सर्वांना संपवून भाजपला फक्त..
जागावाटपावरून महायुतीत वाद; कदम संतापले, सर्वांना संपवून भाजपला फक्त...
पवार कुटुंब एकाच मंचावर..ताई दादांनी एकमेकांशी बोलणं काय बघणं पण टाळलं
पवार कुटुंब एकाच मंचावर..ताई दादांनी एकमेकांशी बोलणं काय बघणं पण टाळलं.
मविआची ४२ जागांची यादी TV9 कडे... जागा वाटपावर एक्सक्लुझिव्ह रिपोर्ट
मविआची ४२ जागांची यादी TV9 कडे... जागा वाटपावर एक्सक्लुझिव्ह रिपोर्ट.
video | उद्धव ठाकरे यांच्या अत्यंत विश्वासू नेत्याला समन्स, काय प्रकरण
video | उद्धव ठाकरे यांच्या अत्यंत विश्वासू नेत्याला समन्स, काय प्रकरण.
Loksabha | महाविकास आघाडीचे 48 पैकी 42 उमेदवार जवळपास ठरले
Loksabha | महाविकास आघाडीचे 48 पैकी 42 उमेदवार जवळपास ठरले.
अंबानींच्या घरासमोर बॉम्ब ठेवणारा मास्टरमाईंड कोण? अनिल देशमुख म्हणाले
अंबानींच्या घरासमोर बॉम्ब ठेवणारा मास्टरमाईंड कोण? अनिल देशमुख म्हणाले.
इलेक्शन कमिशन हे मोदी-शाह कमिशन बनले, संजय राऊत यांची जोरदार टीका
इलेक्शन कमिशन हे मोदी-शाह कमिशन बनले, संजय राऊत यांची जोरदार टीका.
संभाजीनगरातून विनोद पाटील यांनी उमेदवारी केली घोषीत, काय म्हणाले ?
संभाजीनगरातून विनोद पाटील यांनी उमेदवारी केली घोषीत, काय म्हणाले ?.
धर्मांतरानंतरही आदिवासींचे आरक्षण लाटल्याची घटना उघड - मंगलप्रभात लोढा
धर्मांतरानंतरही आदिवासींचे आरक्षण लाटल्याची घटना उघड - मंगलप्रभात लोढा.
ठाण्याच्या जांभळीनाका येथे राहुल गांधी यांची न्याययात्रा प्रवेश करणार
ठाण्याच्या जांभळीनाका येथे राहुल गांधी यांची न्याययात्रा प्रवेश करणार.