नवी मुंबई, पनवेलमध्ये पावसाची रिमझिम, तरीही उकाड्यापासून दिलासा नाहीच
नवी मुंबई, पनवेल परिसरात गेले दोन दिवस पावसाची रिपरिप सुरु आहे. सोमवार दुपारपासून सुरु असलेल्या उन्ह आणि पावसाच्या या खेळामुळे उकाडा कमी होण्याऐवजी आणखी वाढलाय. त्यामुळे पाऊस झाला तरी नवी मुंबईकरांना उकाड्यापासून दिलासा मिळालेला नाही.
नवी मुंबई : नवी मुंबई, पनवेल परिसरात गेले दोन दिवस पावसाची रिपरिप सुरु आहे. सोमवार दुपारपासून सुरु असलेल्या उन्ह आणि पावसाच्या या खेळामुळे उकाडा कमी होण्याऐवजी आणखी वाढलाय. त्यामुळे पाऊस झाला तरी नवी मुंबईकरांना उकाड्यापासून दिलासा मिळालेला नाही.
ऑगस्ट महिन्याच्या सुरुवातीला मुसळधार पाऊस झाल्यांनंतर पावसाने तब्बल 20 दिवस दडी मारली होती. आता गेले दोन दिवस पावसाने जोर धरला आहे. हवामान खात्याने दिलेल्या इशाऱ्यानंतर सोमवारपासून पावसाला सुरुवात झाली.
Navi Mumbai Rain
सोमवारी दिवसभर पावसाळी वातावरण होते. मात्र, दुपारनंतर पावसाने जोर धरला. मंगळवारी सकाळपासूनच पावसाची रिपरिप सुरु होती. हीच रिपरिप आज सकाळपासून सुध्दा सुरु आहे. त्यामुळे कामावर जाण्यासाठी निघालेल्या नोकरदारांची धांदल उडाली होती.
दोन दिवस सुरु असणाऱ्या पावसामुळे नवी मुंबई, पनवेलमधील सखल भाग, रस्त्यावर पाणी साचले होते. त्यामुळे वाहतुकीचा वेग मंदावला होता. ठाणे बेलापूर मार्गावरील रबाळे टी जंक्शनपासून ते रबाळे स्टेशनपर्यंत वाहतूक कोंडी झाली होती. तर, पळस्पेकडे जाणाऱ्या रस्त्यावरही मोठ्या प्रमाणावर पाणी साचल्याने वाहतूक धिम्म्या गतीने सुरु आहे. पावसामुळे अनेक ठिकाणी डांबर आणि खडी टाकून बुजवलेले खड्डे पुन्हा उखडले होते.
मुंबई हवामान विभागाचा अंदाज काय?
दरम्यान, मुंबई हवामान विभागाने मंगळवारी (31 ऑगस्ट) सॅटेलाईट आणि रडार इमेजेसच्या आधारे महाराष्ट्रात मुसळधार पावसाचा अंदाज व्यक्त केलाय. पुणे, जळगाव, अहमदनगर, सोलापूर, औरंगाबाद, जालना, लातूर, उस्मानाबाद, नांदेड, परभणी आणि बीडमध्ये पावसाचा जोर अधिक असेल असंही नमूद करण्यात आलंय. पालघर, रायगड, ठाणे या कोकणातील भागात विजेचा कडकडाट आणि वादळी वाऱ्यासह पावसाची शक्यता आहे.
हवामान विभागाचे अधिकारी के. एस. होसाळीकर म्हणाले, “छत्तीसगडवर 30 ऑगस्टला कमी दाबाचे क्षेत्र आहे. 15 अंश उत्तरवर पूर्व-पश्र्चिम शियर जोन आहे. याचा प्रभाव म्हणून महाराष्ट्र राज्यासाठी IMD पुढील 3-4 दिवसांसाठी काही इशारे देत आहे. काही ठिकाणी मुसळधार ते अतीमुसळधार पावसाची शक्यता आहे. यात मुंबई, ठाणे, उत्तर कोकणाचाही समावेश आहे.”
Marathwada Rain Update : मराठवाड्याच्या पावसाची दमदार बॅटिंग, औरंगाबादमध्ये मुसळधार, परभणीत ढगफूटीसदृश्य, बीडमध्ये सर्वदूर पाऊसhttps://t.co/GXPy7bJ68j#Marathwada | #Aurangbad | #Beed | #Latur
— TV9 Marathi (@TV9Marathi) August 31, 2021
संबंधित बातम्या :
Pune Weather | काल पावसाची संततधार, आज पुण्यात हलक्या सरींची शक्यता
Maharashtra Rains : राज्यात पावसाचा जोर कमी, अनेक ठिकाणी उघड-झाप, कुठे काय स्थिती?
