6 वर्षांची आराध्या शाळेत जात होती; भटक्या कुत्र्यांनी हल्ला करून निर्माण केली दहशत
या हल्ल्यात तिच्या गालाला 12 टाके पडले आहेत. यामुळे कुटुंब दहशतीत आहे. सध्या या मुलीची शाळा सुरू आहेत. परीक्षांचे दिवस असताना हा तिच्या व कुटुंबासाठी अवघड प्रसंग ठरलाय.
चंद्रपूर : जिल्ह्यातील बल्लारपूर शहरात भटक्या कुत्र्याची दहशत आहे. 6 वर्षाच्या आराध्या मानकर या मुलीवर अचानक हल्ला केला. हल्ल्यात मुलीचा गालाचा तुकडा तोडला. मुलगी जबर जखमी झाली. 19 टाके लागल्याने उपचार घेत आहे. चंद्रपूर (Chandrapur Dogs) जिल्ह्यातील बल्लारपूर शहरात सर्वोदय विद्यालय परिसरात 6 वर्षाच्या आराध्य मानकर या मुलीवर भटक्या कुत्र्याने अचानक हल्ला (Dog Attack) केला. या हल्ल्यात तिच्या गालाचा लचका तोडला. हा हल्ला सीसीटीव्हीत कैद झालाय. या हल्ल्यात तिच्या गालाला 12 टाके पडले आहेत. यामुळे कुटुंब दहशतीत आहे. सध्या या मुलीची शाळा सुरू आहेत. परीक्षांचे दिवस असताना हा तिच्या व कुटुंबासाठी अवघड प्रसंग ठरलाय.
नुकसानभरपाईची मागणी
भटक्या कुत्र्यांनी बल्लारपूर शहरातील नागरिक त्रस्त आहेत. एकट्याने शाळेत वा कुठल्या कामानिमित्त बाहेर पडलेल्या विद्यार्थ्यांना याचा मोठा त्रास सहन करावा लागत आहे. नागरिकांनी या त्रासाबाबत नगर परिषदेला वारंवार तक्रारी केल्या. मात्र यावर कुठलीही कारवाई झालेली नाही. या मुलीच्या कुटुंबाला नुकसानभरपाई मिळावी अशी मागणी आराध्याच्या आईने केली आहे.
व्हिडीओत नेमकं काय?
या व्हिडीओत एक मुलगी रस्त्याने जात आहे. अचानक कुत्रा येऊन तिच्यावर हल्ला चढवतो. तिच्या गालाचे लचके तोडतो. त्यामुळे ती मुलगी घाबरून पळून जाते. तेवढ्यात तिची आई धावत येते. बाजूबाजूचे लोक येतात. तिला रुग्णालयान नेले जाते. कुत्र्याला हाकलले जाते.
कुत्र्यांचा बंदोबस्त लावण्याचे काम नगर परिषदेचे आहे. पण, कर्मचारी याकडे दुर्लक्ष करतात, असा नागरिकांचा आरोप आहे. आतातरी नगरपरिषदेने जागे व्हावे. भटक्या कुत्र्यांचा बंदोबस्त करावा, अशी मागणी करण्यात येत आहे.
