साताऱ्यात एकाच गावात 241 कोरोना रुग्ण, संपूर्ण गाव चिडीचूप, घरटी एक रुग्ण
साताऱ्यात एकाच गावात अवघ्या दीड महिन्यात तब्बल 241 रुग्ण आढळले आहेत (241 corona patients in one village in Satara).
सातारा : गेल्या वर्षभरापासून देशासह जगभरात थैमान घालणारा कोरोना (Corona Virus) आता राज्यातील खेड्यापाड्यांमध्येही पोहोचला आहे. हा कोरोना खेड्यात पोहोचला तर त्याच्यावर नियंत्रण मिळवणं कठीण होऊन बसेल, अशी भीती काही तज्ज्ञांकडून वर्तवण्यात आली होती. मात्र, हीच भयानक स्थिती आता वास्तवात लोक अनुभवताना दिसत आहेत. परिणामी अनेक गावांमध्ये अनेक नागरीक बाधित होत आहेत. अनेकांचा यात बळी जात आहे. अनेक गावं ओसाड पडली आहेत. गावागावांमध्ये रुग्ण आढळत आहेत. साताऱ्यात तर एकाच गावात अवघ्या दीड महिन्यात तब्बल 241 रुग्ण आढळले आहेत (241 corona patients in one village in Satara).
एकंबे गावात गंभीर परिस्थिती
सातारा (Satara) जिल्ह्यातील कोरेगाव तालुक्यातील एकंबे (Ekambe) या गावी गेल्या काही दिवसापासून गंभीर परिस्थिती बनलेली आहे. गावात दीड महिन्यात तब्बल 241 कोरोनाबाधित रुग्ण सापडले आहेत. तीन हजार लोकसंख्या असलेल्या गावामध्ये कोरोनाने भकास शांतता पसरवली आहे. कोरोनाच्या भीतीने लोक घराबाहेर पडण्यास भीत आहेत. शेतातील कामे सुद्धा थांबलेली आहेत. घरटी एक कोरोना रुग्ण अशी परिस्थिती एकंबे गावामध्ये झालेली आहे. यामुळे हे गाव सध्यातरी पूर्णपणे बंद करण्यात आले आहे. या गावांमध्ये पोलीस फौजफाटा तैनात करण्यात आला आहे. आरोग्य यंत्रणा सतर्क होऊन गावात सॅनिटायझेशन केले जात आहे.
आठवड्याभरात 90 रुग्ण
एकंबे गावाचे पोलीस पाटील गावात कोणालाही बिना कामाचं फिरु देत नाही. प्राथमिक आरोग्य केंद्रात रोज 100 टेस्टिंग केले जात आहेत. याच टेस्टिंग दरम्यान आतापर्यंत निम्मे पेशंट हे कोरोनाबाधित सापडले आहेत. विशेष म्हणजे गेल्या आठवड्यात तब्बल 90 कोरोनाबाधित नवे रुग्ण सापडले आहेत. तर आतापर्यंत दोन कोरोनाबाधितांचा मृत्यू झाला आहे. त्यामुळे गावकऱ्यांसह प्रशासनाची चिंता वाढली आहे.
गावकऱ्यांनी नियम न पाळल्याने गावात कोरोना कहर
गेल्या वर्षी एकंबे गावात यावर्षीच्या तुलनेत कोरोना रुग्ण हे नगन्य होते. पण या गावातील गावकऱ्यांनी सोशल डिस्टन्सिंग, मास्क, सॅनेटायझरचा वापर असे कोणतेही नियम पाळले नाहीत. त्यामुळे या गावात कोरोनाचा कहर बघायला मिळतोय. या भयानक काळात गावात सध्या भयान शांतता पसरली आहे (241 corona patients in one village in Satara).
हेही वाचा :
