अख्खा मराठवाडा दुष्काळात, पण हे दोन तालुके वगळले, राजकीय वातावरण तापताच अशोक चव्हाण म्हणाले, ‘उकसवू नका’

नांदेड जिल्ह्यातील १६ पैकी १४ तालुक्यांत दुष्काळ जाहीर,पण मुदखेड आणि मुखेड तालुके वगळल्याने शेतकरी आक्रमक झाले आहेत. मुदखेडमध्ये काँग्रेसच्या नेतृत्वात शेतकऱ्यांनी आंदोलन केले. दुष्काळी यादीची होळी करत सरकारचा निषेध केला. भाजपच्याच दोन आमदारांच्या मतदारसंघातील दोन तालुके दुष्काळी यादीतून वगळले त्यानंतर खासदार अशोक चव्हाण यांचे समाज माध्यमावर व्हिडिओ टाकून स्पष्टीकरण दिले. पण अख्खा मराठवाडा दुष्काळग्रस्त असताना नांदेड जिल्ह्यातील दोन तालुके का वगळले गेले यावरून वातावरण तापले आहे.

शेतकऱ्यांना उकसवू नका

मुदखेड आणि मुखेड तालुक्यांचा दुष्काळी यादीत समावेश करण्यासाठी मुख्यमंत्री देवेंद्र फडणवीस यांच्याशी संपर्क केल्याची माहिती खासदार अशोक चव्हाण यांनी दिली. विरोधकांनी आता उद्योग सुरू केलेत, गायब झालेले बिळातून बाहेर येत आहेत- अशोक चव्हाण यांची होळी करणाऱ्या काँग्रेसवर टीका केली आहे. विरोधक लोकांना उकसवण्याचे काम करत आहेत, त्यांच्या नादी लागू नका, असे आवाहन अशोक चव्हाण यांचे शेतकऱ्यांना केले आहे.

पालकमंत्री अतुल सावे नांदेडच्या दौऱ्यावर

पालकमंत्री अतुल सावे यांनी नांदेडमध्ये दुष्काळी पाहणी दौऱ्याला सुरुवात केली आहे. हदगाव तालुक्यातील मनाठा पाटी परिसरात पाहणी केली. सोयाबीन पिकाची अतुल सावे यांच्याकडून पाहणी करण्यात आली. शेतकऱ्यांच्या व्यथा त्यांनी जाणून घेतल्या. सोयाबीनच्या शेंगा भरल्या नाहीत, तूर कापूस हिरवा दिसत असला तरी उंची घटली, परिणामी माल ही लागतं नाही. आता वर्ष कस काढावं अशी व्यथा महिला शेतकऱ्याने मांडली.

आदित्य ठाकरे जालना जिल्हा दौऱ्यावर

माजी मंत्री आमदार आदित्य ठाकरे आज जालना जिल्हा दौऱ्यावर आहेत. माजी विरोधी पक्षनेते अंबादास दानवे देखील सोबत असणार आहेत. दुष्काळग्रस्त भागात जाऊन करणार पिकांची पाहणी तर शेतकऱ्यांसोबत देखील संवाद साधणार आहेत . सकाळी 11 वाजता परतुर तालुक्यातल्या वरफळ गावात आदित्य ठाकरे पिकांची पाहणी करतील .तर दुपारी 1 वाजता जालना तालुक्यातल्या रामनगर या ठिकाणी आदित्य ठाकरे पाहणी करून शेतकऱ्यांसोबत संवाद साधतील.