Chandrapur Tiger Death | 40 बछड्यांचा बाप गेला, ताडोबात होता दरारा; सिन्हाळा जंगलात सापडला मृतदेह

वाघडोह हा एकेकाळी ताडोबाची शान होता. त्याच्यापासून सुमारे 40 छाव्यांचा जन्म झाला असावा. पण, गेल्या काही दिवसांपासून म्हातारा झाल्यानं त्यानं आपला भाग बदलविला होता. सक्षम वाघांनी त्याला हाकलून लावले असावे. गेली काही दिवस तो सिन्हाळाच्या जंगलात वास्तव्यास होता.

Chandrapur Tiger Death | 40 बछड्यांचा बाप गेला, ताडोबात होता दरारा; सिन्हाळा जंगलात सापडला मृतदेह
ताडोबातील जगप्रसिध्द वाघडोह वाघाचा मृत्यू झाला
Image Credit source: t v 9
निलेश डाहाट

| Edited By: गोविंद हटवार, टीव्ही 9 मराठी डिजीटल

May 23, 2022 | 2:04 PM

चंद्रपूर : ताडोबातील जगप्रसिध्द वाघडोह वाघाचा मृत्यू झाला. चंद्रपूर शहराजवळ असलेल्या सिन्हाळा (Sinhala) गावाशेजारी असलेल्या जंगलात आज सकाळी त्याचा मृतदेह आढळून आला. अंदाजे 17 वर्षे वय असलेल्या या वाघाचा ताडोबा व्याघ्र प्रकल्पात दीर्घ काळ दरारा होता. ताडोबाच्या मोहर्ली, वाघडोह हा वाघ त्याच्या चेहऱ्यावर असलेल्या जखमेच्या खुणेमुळे (scare face) या नावानंदेखील ओळखलं जात होतं. वाघडोह हा वाघ बिग डॅडी ऑफ ताडोबा (big daddy of tadoba) म्हणून देखील प्रसिद्ध होता. वाघडोह हा ताडोबातील किमान 40 पिल्लांचा बाप होता. म्हातारा आणि अशक्त झाल्यामुळे वाघडोह ला तीन वर्षे आधी इतर वाघांनी ताडोबातून हुसकावून लावले होते. तेव्हापासून त्याचा चंद्रपूर शहराजवळील जंगलात वावर होता.

बिग डॅडी ऑफ ताडोबा

वाघडोह हा एकेकाळी ताडोबाची शान होता. त्याच्यापासून सुमारे 40 बछड्यांचा जन्म झाला असावा. पण, गेल्या काही दिवसांपासून म्हातारा झाल्यानं त्यानं आपला भाग बदलविला होता. सक्षम वाघांनी त्याला हाकलून लावले असावे. गेली काही दिवस तो सिन्हाळाच्या जंगलात वास्तव्यास होता. याला बिग डॅडी ऑफ ताडोबा असंही म्हणत. कारण त्याची खूप मोठी वंशावळ ताडोबात असल्याचं सांगितलं जातं.

वाघडोह होता धोकादायक

चंद्रपूर शहराजवळ असलेल्या सिन्हाळा येथील ग्रामस्थाचा दोन दिवसांपूर्वी वाघाच्या हल्ल्यात मृत्यू झालाय. दशरथ पेंदोर (65) असं हल्ल्यात मृत्यू झालेल्या ग्रामस्थाचं नाव आहे. बकऱ्या चारण्यासाठी गावतलावाशेजारी गेलेले दशरथ हे परत आले नव्हते. वनविभागाच्या कर्मचाऱ्यांनी शोधाशोध केली. याच परिसरात दशरथ यांचा छिन्न विच्छिन्न अवस्थेतील मृतदेह आढळला. या परिसरात गेल्या काही दिवसांपासून वाघडोह या ताडोबातील प्रसिध्द वाघाचा वावर आहे. अतिशय म्हातारा आणि अशक्त असलेला वाघडोह माणसं आणि पाळीव जनावरांसाठी धोकादायक ठरू शकतो ही शक्यता लक्षात होती.

हे सुद्धा वाचा


Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें