घरगुती सिलिंडरचा रिक्षासाठी वापर; मुर्तिजापूरमधून तीन जणांना अटक
घरगुती सिलिंडरमधील गॅस ऑटो रिक्षात भरणाऱ्या तीन जणांना मुर्तिजापूरमधून अटक करण्यात आले आहे. गेल्या काही दिवसांपासून संबंधित आरोपी हे घरगुती वापराचा गॅस ऑटो रिक्षामध्ये भरून देत असल्याची गोपनीय माहिती पोलिसांना मिळाली होती. मिळालेल्या माहितीनुसार पोलिसांनी सापळा रचून आरोपींना अटक केली.
अकोला : घरगुती सिलिंडरमधील गॅस ऑटो रिक्षात भरणाऱ्या तीन जणांना मुर्तिजापूरमधून अटक करण्यात आले आहे. गेल्या काही दिवसांपासून संबंधित आरोपी हे घरगुती वापराचा गॅस ऑटो रिक्षामध्ये भरून देत असल्याची गोपनीय माहिती पोलिसांना मिळाली होती. मिळालेल्या माहितीनुसार पोलिसांनी सापळा रचून आरोपींना अटक केली आहे. सय्यद रियाज सय्यद हुसेन, अब्दुल समीर अब्दुल जफिर आणि अमहद खान राहेमद खान असे आरोपींची नावे आहेत.
1 लाख 40 हजारांचा मुद्देमाल जप्त
घटनेबाबत पोलिसांनी दिलेल्या माहितीनुसार मूर्तिजापूरमधील जुनी वस्ती पठाणपुरा परिसरात घरगुती सिलिंडरमधील गॅस ऑटो रिक्षामध्ये भरू दिलाी जात असल्याची माहिती मिळाली होती. मिळालेल्या माहितीच्या आधारे पोलिसांनी घटनास्थळी छापा टाकला. या छाप्यामध्ये 1 लाख 40 हजार 250 रुपयांच्या मुद्देमालासह तिघांना अटक करण्यात आली आहे. यामध्ये ऑटो आणि गॅस सिलिंडरचा समावेश आहे. सय्यद रियाज सय्यद हुसेन 50, अब्दुल समीर अब्दुल जफिर 30 आणि अहमद खान राहेमद खान 30 अशी अटक करण्यात आलेल्या आरोपींची नावे आहेत.
घरगुती सिलिंडरच्या व्यवसायिक वापरास प्रतिबंध
घरगुती सिलिंडर हे 14 किलोचे असतात. ते फक्त घरगुती कामांसाठीच वापरता येतात. त्याचा व्यवसायिक कारणासाठी वापर करण्यास बंदी आहे. याचे कारण म्हणजे घरगुती सिलिंडर हे व्यवसायिक सिलिंडरच्या तुलनेमध्ये स्वस्त असतात. घरगुती सिलिंडरचा व्यवसायिक कामासाठी वापर केल्यास ती एक प्रकारची सरकारची फसवणूक मानली जाते. असे करताना कोणी आढळून आल्यास संबंधित व्यक्तीवर कारवाई होऊ शकते.
संबंधिंत बातम्या
Ashish Shelar: राज्यात गब्बरचे राज्य आहे काय?, नायरमधील प्रकरणावरून शेलारांचा संतप्त सवाल
omicron : जगावर दुहेरी संकट, ओमिक्रोनसोबतच डेल्टाचाही अमेरिका, युरोपात हाहा:कार
