खवड्या डोंगरावरील घटनास्थळाला पोलिसांची रात्रीची भेट, चांदगुडे कुटुंबाच्या मृ्त्यूनंतर..हालचाली

ज्ञानेश्वर लोंढे, प्रतिनिधी, छत्रपती संभाजीनगर :  छत्रपती संभाजीनगरातील खवड्या डोंगरावरुन चांदगुडे कुटुंबाचा दुर्दैवी अंताने आता या डोंगराचा एक काळा इतिहास असल्याचे उघडकीस आहे. येथे यापूर्वी अनेकांना स्वत:ला झोकून दिले आहे किंवा त्यांना वेळीच पोलिसांनी वाचवले आहे. मात्र,यावेळी कुणाल चांदगुडे आणि त्याचे वडिलांना वाचवता आले नाही. वडील पुढे गेले आणि कुणालला पकडले मात्र, दोघांचाही तोल जाऊन ते थेट खाली दगडांवर कोसळले. त्यानंतर कुणाल याच्या आईने देखील डोंगरावरुन स्वत:ला झोकून जीवन संपवल्याने सर्वत्र खळबळ उडाली आहे. शनिवारी रात्री खवड्या डोंगराला पोलीस उपायुक्तांचे पथक आणि आमदारांनी भेट दिली.

चांदगुडे कुटुंबातील तिघांच्या मृत्यूनंतर संभाजीनगरातील खवड्या डोंगरस्थळाची पोलिसांनी गंभीरपणे दखल घेतली आहे. शनिवारी या ठिकाणी पोलीस उपायुक्त रत्नाकर नवले यांच्यासह अधिकाऱ्यांची टीम रात्री घटनास्थळी पाहणी करण्यासाठी आली होती. या खवड्या डोंगरावर यापूर्वीही अनेक आत्महत्येच्या अनेक घटना घडल्या आहेत. काही घटनांमध्ये पोलिसांनी वेळीच पोहोचून काही तरुण-तरुणींचे प्राण वाचवल्याचा इतिहास आहे. भविष्यात आत्महत्या सारख्या घटना रोखण्यासाठी सुरक्षेच्या उपाययोजनांची पाहणी करण्यासाठी पोलिस आता विचार करत आहेत.

खवड्या डोंगरावर जाऊन पाहणी

छत्रपती संभाजीनगरमधील खवड्या डोंगरावर चांदगुडे कुटुंबातील तिघांच्या दुर्दैवी मृत्यूनंतर आता पोलिसांनी या प्रकाराची गंभीर दखल घेतली आहे. पोलीस उपायुक्त रत्नाकर नवले यांच्यासह पोलिस अधिकाऱ्यांनी रात्री खवड्या डोंगरावर जाऊन पाहणी केली. विशेष म्हणजे, या डोंगरावर यापूर्वीही अनेक तरुण-तरुणींनी उडी घेत जीवन संपवल्याच्या घटना घडल्या आहेत. तर काही घटनांमध्ये वाळूज एमआयडीसी पोलिसांनी वेळीच घटनास्थळी पोहोचून तरुण-तरुणींचे प्राण वाचवले आहेत. त्यामुळे भविष्यात अशा घटना रोखण्यासाठी खवड्या डोंगरावर कोणत्या सुरक्षात्मक उपाययोजना करता येतील, याची पोलिसांकडून पाहणी करण्यात आली यावेळी शिवसेनेचे आमदार प्रदीप जैस्वालही उपस्थित होते.