AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Pradeep Purnekar Case : गरीबांसाठी कैवारी होता हो, लोक त्याला मानपाड्याचा वाघ म्हणायचे, सगळं संपलं, रस्त्यावर आलो, प्रदीप पूर्णेकरांच्या पत्नीचे मन सून्न करणारा टाहो

Pradeep Purnekar Case : "गणपतीत आमच्याकडे भरपूर येऊ लागलेला. आम्हाला डाऊट आला नाही, कारण शेवटी मित्रच होता. यांना सांगितलेलं विश्वास ठेऊ नका. पण यांनी नाही ऐकलं माझं" असं पूर्णेकरांच्या पत्नी म्हणाल्या.

Pradeep Purnekar Case : गरीबांसाठी कैवारी होता हो, लोक त्याला मानपाड्याचा वाघ म्हणायचे, सगळं संपलं, रस्त्यावर आलो, प्रदीप पूर्णेकरांच्या पत्नीचे मन सून्न करणारा टाहो
Pradeep Purnekar Wife
| Updated on: Oct 01, 2026 | 2:01 PM
Share

उद्धव ठाकरे शिवसेनेचे विभागप्रमुख प्रदीप पूर्णेकर यांच्या हत्येने सध्या ठाण्यातील राजकीय वातावरण तापलं आहे. गोळ्या झाडून आणि धारदार शस्त्राने वार करुन प्रदीप पूर्णेकर यांना संपवण्यात आलं. त्यांच्या पत्नीचा आक्रोश थांबत नाहीय. आज प्रदीप पूर्णेकर यांच्या पत्नीने टीव्ही 9 मराठीशी संवाद साधला. “कशासाठी माझ्या नवऱ्याचा जीव घेतला? किती चांगला माणूस होता, कशासाठी जीव घेतला? एका ताटात खाणारा माणूस. आमच्या घरात येऊन राहाणारा माणूस. त्याने कसं फसवलं बघा. कोणावर भरवसा ठेवायचा, कोणावर नाय. बघा सख्ख्या मित्राने कसं फसवलं. पप्या शिंदे त्याचं नाव. आमच्यासमोर त्याला फाशी दिली पाहिजे. बाकीचे तीन आरोपी त्यांना सुद्धा शोधून फाशी द्या” अशी मागणी प्रदीप पूर्णेकर यांच्या पत्नीने केली. पप्या शिंदेंची आई म्हणाली की, पूर्णेकर आणि ते चांगले मित्र होते. “आधी चांगले मित्र होते, पण पप्या शिंदेचा लहान भाऊ जेलमध्ये होता, तेव्हा त्याला सोडवायला मिनाक्षी शिंदे यांनी मदत केलेली. तेव्हा त्याने त्याचा मोर्चा तिच्याकडे वळवला. तेव्हापासून तो तिचच ऐकत होता” असं प्रदीप पूर्णेकरांच्या पत्नीने सांगितलं.

“यात राजकारण नक्कीच आहे. मिनाक्षी शिंदेने मित्राला घेऊन राजकारण केलं. मित्रच मारेकरी घेऊन आला. आम्हाला रस्त्यावर आणलं. सगळं आमचं घर त्यांच्यावर डिपेंड होतं. साहेबांना एकच सांगेन या सगळ्यांना फाशी द्या. मानपाड्यासारख्या छोट्या गावात वार,फायरिंग ही छोटी गोष्ट आहे का?. माझा नवरा क्रिमिनल होता का? माझा नवरा खूप मोठा राजकारणी होता का? एक साधारण छोटा माणूस होता” असं प्रदीप पूर्णेकर यांच्या पत्नी म्हणाल्या.

माझ्या डोळ्यासमोर पप्या शिंदेच येतो

“माझ्य नवऱ्याची सुपारी दिली. यामागे दोघेच आहेत मिनाक्षी शिंदे आणि राजेंद्र शिंदे. आधी आमचे मिनाक्षी शिंदेंसोबत घरचे संबंध होते. कालांतराने पैसा भेटायला लागला, तसं त्या बाईच्या अंगात भूत शिरलं. आम्हाला लांब केलं. आमच्याशी कुठलाही संबंध ठेवला नाही. माझं तर लेन-देणच नाही. काय बोलणार आमचा माणूस गेला. टल्ली या आरोपीला मी ओळखत नाही. माझ्या डोळ्यासमोर पप्या शिंदेच येतो. मिनाक्षी शिंदेंनी सुपारी दिली” असं आरोप पूर्णेकर यांच्या पत्नीने केला.

नुसता जबाब नको, फाशी द्या

“माझा नवरा खूप सामान्य माणूस होता. असा न्याय द्या इथून पुढे असे मर्डर नाही झाली पाहिजे. दहागोळ्या झाडल्या, वार केले अहो हे काय लावलय. गरीबांसाठी कैवारी होता हो माझा नवरा. लोक त्याला मानपाड्याचा वाघ म्हणायचे. सगळं संपलं, रस्त्यावर आलो आम्ही. नुसता जबाब नका घेऊ. फाशी द्या. त्या बाईने सगळ्यांना खरेदी केलेलं आहे. आम्हाला न्याय पाहिजे” अशी मागणी पूर्णेकर यांच्या पत्नीने केली.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी