मुंबईकरांना फटका, थेट वडापाव महागला, अधिकचे पैसे लागणार मोजावे, महागाईने..

इराण आणि अमेरिका युद्धाचा मोठा फटका भारतात बसत आहे. अनेक गोष्टी महागल्या आहेत. पेट्रोल आणि डिझेलच्या किमतीत वाढ होत आहे. ऊर्जेचे संकट आहे. एलपीजी गॅस सिलेंडरचा तुटवडा असून व्यावसायिक सिलेंडरच्या किमतीमध्ये वाढ झाली. त्यामध्येच कच्च्या तेलाच्या किमतीमध्येही वाढ झाली. दहा दिवसात तिसऱ्यांदा पेट्रोल आणि डिझेलच्या किमतीत वाढ झाली. सर्वसामान्य नागरिकांना मोठा दणका बसत आहे. केंद्र सरकार एका मागून एक मोठे निर्णय घेताना दिसत आहे. पगार वाढ नाही पण महागाई वाढत असल्याने सर्वसामान्य लोक त्रस्त झाली. पेट्रोल आणि डिझेलसोबतच एलपीजी गॅसच्या किमतीमध्येही वाढ झाली. काही जिल्ह्यामध्ये पेट्रोल आणि डिझेलचे साठे संपले आहेत. मोठा तुटवडा निर्माण झाला. जर पुढील काही दिवस हे युद्ध सुरू राहिले तर भारतासह अन्य देशांमध्ये हाहाकार उडू शकतो. केंद्र शासनाकडून परिस्थिती नियंत्रणात ठेवण्याकरिता प्रयत्न केली जात आहेत.

एलपीजी गॅसचा तुटवडा, त्यात व्यावसायिक सिलेंडरच्या किमतीत वाढ ज्यामुळे हॉटेल व्यवसायिक पदार्थांच्या किमतीमध्ये वाढ करत आहेत. त्यामध्येच आता मुंबईकरांना वडापावकरिता अधिकचे पैसे माजावे लागणार आहेत. मुंबईकरांकरिता वडापाव अत्यंत जवळचा विषय आहे. धावपळीत तुम्ही चालत चालत देखील आरामात वडापाव खाऊ शकता.

थेट आता वडापावच्या किमतीत वाढ झाल्याने मुंबईकरांच्या खिशाला मोठी झळ बसणार आहे. मुंबईकरांना आता बटाटा वडापावसाठी 20 ते 35 रुपये मोजावे लागणार आहेत. व्यवसायिक गॅस सिलिंडर, खाद्यतेल आणि पावाचे दर वाढल्याने वडापावचे दरही पाच ते सात रूपयांनी वाढणार आहेत. पावच्याही किमतीत वाढ झाली आहे.

मुंबईतील विविध भागात बटाटा वडापावाचे दर वेगवेगळे आहेत. दादरला 20 ते 25 रुपयांमध्ये वडापाव मिळतो. आता त्यात वाढ होणार. इराण आणि अमेरिका युद्धाच्या झळा मुंबईच्या वडापावपर्यंत पोहोचल्या आहेत. जर हे युद्ध अजून काही काळ चालले तर परिस्थिती अधिक बिकड होऊ शकते. खाण्याच्या वस्तूंमध्ये मोठी वाढ होत आहे. सर्वसामान्य मुंबईकरांचा वडापावही आता महाग होतोय.