केतन अग्रवालला लोहगडावर जायचेच नव्हते, थेट सियाने आणला त्याच्या आईवर दबाव, खळबळजनक खुलासा..

लोणावळा येथील लोहगड किल्ल्याहून पडून केतन अग्रवाल याचा मृत्यू झाला. होणाऱ्या पत्नीसोबत केतन अग्रवाल हा लोहगड किल्ल्यावर गेला होता. तिथे सेल्फी घेत असताना खोल दरीत तो कोसळला, असे सांगण्यात आले. मात्र, पोलिस तपासात जे काही पुढे आले, ज्याने एकच खळबळ उडाली. पोलिसांना थोडी शंका आली, त्यांनी सखोल चाैकशी केली असता सर्वांच्या पायाखालची जमीन सरकली. सुरूवातीला हा फक्त अपघात दाखवण्यात आला. मात्र, हा अपघात नसून शांत डोक्याने कट रचला होता. केतन अग्रवाल याची होणारी पत्नी सिया गोयल आणि तिचा प्रियकर चेतन चौधरी यांनी केतनला आपल्या रस्त्यातून काढण्यासाठी हे सर्वकाही रचले होते. केतनसोबतच्या लग्नाला सिया हिचा विरोध होता. मात्र, कुटुंबाने सिया आणि चेतन यांचे नाते माहिती असतानाही केतन याच्यासोबत तिचे लग्न जमवले.

हे लग्न असे तसे नसून उदयपूरच्या महालमध्ये ठेवण्यात आले होते. नातेवाईकांना पुण्याहून उदयपूरला जाण्याकरिता दोन विमानाने बुक करण्यात आली होती. या लग्नाची जय्यत तयारी सुरू होती. सिया हिने केतनला मारण्यासाठी सर्व नियोजन केले होते. केतन अग्रवाल याला लोहगडावर जायचे नव्हते. मात्र, याकरिता सिया त्याच्यावर दबाव टाकत होती. केतनला अगोदरच सियाच्या काही गोष्टींवर संशय येत होता.

कारण ज्या दिवशी केतनची लोहगडावर हत्या झाली, त्यादिवशी त्याल तिथे जायचे नव्हते. सिया लोहगडावर जाण्यासाठी हट्ट करत होती. केतनने तिला अनेकदा नकार दिला. मुळात म्हणजे केतन हा ट्रेकर होता, तरीही तिला लोहगडावर जाण्यासाठी नकार देत होता. केतन याने लोहगडावर जाण्यास नकार दिल्यानंतर सियाने थेट त्याच्या आईवर दबाव आणला. तिने त्याच्या आईला इमोशनल केले.

केतनच्या वडिलांनीच याबाबत खुलासा केला. केतनने लोहगडावर जाण्यास नकार दिल्यानंतर तिने त्याच्या आईला फोन केला. लोहगडावर केतनला चला म्हणून सांगा याकरिता ती त्यांना फोर्स करत होती. शेवटी सुनेचा हट्ट पुरवण्यासाठी त्यांनी लोहगडावर जाण्यासाठी केतनला सांगितले, त्यानंतर तो सियाला घेऊन लोहगडावर केला आणि तिथेच त्याच्यासोबत मोठा घात झाला.