पुणे हादरलं! 22 वर्षीय तरुणीवर सामूहिक अत्याचार, पांढरी पावडर देऊन…हॉटेलमध्ये डांबून अत्याचार केल्याने खळबळ!

आपलं करिअर घडवण्यासाठी आज मुली घराबाहेर पडत आहेत. अशीच एक 22 वर्षीय तरुणी चांगल्या पगाराच्या शोधात असताना वचित्र अशा जाळ्यात फसली. त्यानंतर तिच्यावर एका लॉजमध्ये सामूहिक अत्याचार करण्यात आलाय. पांढऱ्या रंगाचे पाडवर देऊन तिच्यावर हे क्रूर कृत्य करण्यात आले. ही घटना समोर येताच महाराष्ट्रात खळबळ उडाली आहे. पोलीस या प्रकरणाचा तपास करत आहेत.

नेमकं काय घडलं?

मिळालेल्या माहितीनुसार एका  २२ वर्षीय तरुणीला चांगल्या पगाराचे काम मिळवून देतो, असे सांगून आरोपींनी तिला कारमधून शिरूर येथे आणले. १९ ऑगस्ट ते २१ ऑगस्ट या दोन दिवसांच्या कालावधीत शिरूर गावच्या हद्दीतील ‘हॉटेल मार्वल इन लॉजिंग’ येथील खोलीमध्ये  तरुणीला डांबून ठेवण्यात आले. तिथे तिला बळजबरीने नशा येणारी पांढरी पावडर खायला देऊन तिच्या इच्छेविरुद्ध तिच्यावर सामूहिक बलात्कार करण्यात आला.

घटना नेमकी कुठली आहे?

पुण्यातील शिरूर शहरात माणुसकीला काळीमा फासणारी  संतापजनक घटना घडली आली आहे. चांगल्या पगाराच्या नोकरीचे आमिष दाखवून या २२ वर्षीय तरुणीला लॉजमध्ये डांबून तिच्यावर सामूहिक बलात्कार करण्यात आल्याचा. ती परप्रांतीय असल्याचे समोर आले आहे. या प्रकरणी शिरूर पोलीस ठाण्यात सात जणांविरोधात भारतीय न्याय संहितेच्या विविध कलमांन्वये गंभीर गुन्हे दाखल करण्यात आले आहेत. पीडीत तरुणी पुणे जिल्ह्यात कामानिमित्त आली होती. ती मूळची छत्तीसगड येथील आहे. या नरक यातनेतून सुटका झाल्यानंतर पीडित तरुणीने शिरूर पोलीस ठाण्यात धाव घेत घडलेला सर्व प्रकार पोलिसांसमोर मांडला. आता पोलीस या प्रकरणाची चौकशी करत आहेत.